Öyrənilən geoloji tədbirlər
|
Təklif edilən QGT üsulları kompleksinin növləri
|
Əsas
|
Əlavə
|
Perspektivli
|
Tədbirlərin həcmi (illik)
|
III. Quyuların texniki vəziyyətinin təyini
|
Sement həlqəsinin yapışma keyfiyyətinin təyini
|
ASÖ, QQK
|
T, QK
|
DSÖ, AAÜ
|
Birdəfəlik tədqiqat və ehtiyac düyülduqca
|
Hermetikliyin pozulma intervallarının təyini
|
T, QK
|
Rez, QQK,Deb, MfL
|
RüÖ
|
Kəmər arxası maye hərəkətinin yerinin və istiqamətinin təyini
|
T.həs
|
ASÖ
|
-
|
Kəmərin çürümüş hissəsinin təyini
|
MfL
|
T, ASÖ
|
-
|
Quyu cihaz və texnoloji avadanlıqlarının optimal iş rejiminə çıxarılmasında öyrənilən geoloji tədbirlər
Quyu cihaz və texnoloji avadanlıqları optimal iş rejimi ilə təmin etmək neftçilərin əsas məqsədlərindən biridir. Optimal iş rejiminə çıxarılmış avadanlıqların köməyi ilə quyudan maksimal neft hasil etmək mümkündür.
Quyu cihaz və texnoloji avadanlıqlarının optimal iş rejimi ilə təmin edilməsi məqsədi ilə aşağıdakı geoloji-istismar tədbirlərin öyrənilməsi vacib hesab edilə bilər: nasosla işləyən quyularda istismar zamanı kəmər daxilində yaranan maye - qaz qarışığının (və ya maye - qaz köpüyü) yaratdığı tıxacın yerləşmə intervalının və hündürlüyünün təyini; istismar kəmərinin daxilində su-neft-qaz sərhədlərinin təyini; nasos və digər quyu avadanlıqlarını təşkil edən elementlərə nəzarət və onlarda baş verən nasazlıqların dəqiqləşdirilməsi; kəmərdə, quyu cihaz və texnoloji avdanlıqlarında, quyu dibində parafinin, duzun və hidratların toplanma intervallarının təyini və s. Quyuların nasosla istismarı zamanı onun optimal dərinlikdə yerləşdirilməməsi nəticəsində maye - qaz tıxacı yaranır ki, bu da nasosun iş rejimini pozur. Bu intervalların yerləşmə dərinliyini müəyyənləşdirmək üçün əsasən QQK və T kimi QGT üsullarından istifadə edilir. Tədqiqat iki rejimdə həyata keçirilir: dinamik və statik. Quyu daxilində yerləşən maye sütununun tərkibindən asılı olaraq sıxlıqları da müxtəlif olur ki, bundan da istifadə edilərək tıxacların yerləşmə intervalı təyin edilir və nasosun quyuda yerləşmə dərinliyini dəyişməklə yaranan tıxaclar aradan qaldırılır. Təyin etmədə əsas üsul kimi QQK, əlavə üsul kimi T qəbul edilə bilər.
Quyuda bir neçə süzgəc açıldıqda və onların istismarı zamanı quyuya laylardan neft, su və qaz daxil ola bilər ki, bu qarışıq quyu boyu hərəkət etdikdə müxtəlif sıxlığa malik olur. Eyni proses quyuda açılmış bir süzgəcdən də müxtəlif mayelərin və qazın quyuya daxil olması zamanı baş verir. Quyuda qeyd edilən qarışıqların vəziyyətini və eləcə də onların quyuya daxil olma intervallarının təyinində əsasən QQK, Rez, T, RüÖ, dielektrik karotajı (DK), NQK, İNNK kimi QGT üsulları tətbiq edilir.
Qeyd edilən üsulların xüsusiyyətlərinə görə QQK, Rez, T - əsas; DM, NQK - əlavə; İNNK isə perspektivli üsullar kimi qəbul edilə bilər.
Quyuların istismarı zamanı müxtəlif rejimlərdən istifadə edilir. Bu rejimlərin hər birində müxtəlif quyu cihaz və texnoloji avadanlıqlar istifadə edilir ki, onlarda çoxsaylı elementlərdən təşkil olunur. Elementlər dedikdə nasosun özü, onun maye soran hissəsi, borucuq, paker, qulaqcıqlar, NKB-nin sonu, süzgəc və s. nəzərdə tutulur. Elementlərin işçi vəziyyətində olmaması nəticəsində neft hasilatı ya azalır və ya tam kəsilir. Səbəbini aydınlaşdırmaq üçün quyuda QGT üsulları ilə tədqiqat işləri aparılmalıdır. Tədqiqat işləri quyu cihaz və texnoloji avadanlıqların elementlərinin quyudan qaldırmamaq şərtilə öyrənildiyindən, tədqiqat zamanı kiçik həndəsi ölçülü quyu cihazlarından (karotaj üçün istifadə edilən) istifadə edilməlidir.
Qeyd edilən məsələləri öyrənmək üçün QQK, MfL, səs-küy karotajı (SKK), T kimi QGT üsullarından istifadə edilir. Bu üsulların xüsusiyyətinə görə QQK, T, SKK - əsas; MfL isə əlavə üsullar kimi qəbul edilə bilər.
Kəmərdə, quyu cihaz və texnoloji avadanlıqlarında, quyu dibində parafin, duz və hidratlar toplanırlar. Çöküntülərin əsas toplanma yerləri süzgəclər, qulaqcıqlar, quyuya buraxılmış kəmərlərin divarları və s. yerlərdir. Toplanma yerlərinin vaxtında dəqiqləşdirilməsi onun dərhal təmizlənməsi ilə nəticələnir ki, bu da əlavə olaraq quyunu təmir işlərindən azad edir. Qeyd edilən məsələlərin öyrənilməsində ancaq radioaktiv karotajın müxtəlif növlərindən istifadə müsbət nəticələr verir. Belə üsullara NQK, NNK-İÜ, QQK, QK və İNNK-nı aid etmək olar. Bunların içərisindən xüsusiyyətlərinə görə NQK, NNK-İÜ, QQK - əsas; İNNK - əlavə; QK isə perspektivli üsullar kimi qəbul edilə bilər. Quyu cihaz və texnoloji avadanlıqların optimal iş rejimi ilə təmin edilməsi üçün QGT üsulları kompleksi cədvəl 3 ç-də verilir.
Dostları ilə paylaş: |