Mühazirə 1 Adı: Struktur geologiya fənninin məqsəd və vəzifələri Tarix

Qırışığın şarniri – Ox səthi ilə lay səthinin kəsişməsindən alınan izə qırışığın şarniri deyilir. Qırışığın istənilən sayda şarniri ola bilər (qırışıqdan asılı olaraq). Şarnirin dalğavari əyilməsinə onun undul-yasiyası deyilir. Əgər qırışıq simmetrikdirsə bu zaman şarnir xətti ilə tağ xətti üst-üstə düşür.

Qırışığın qırışma bucağı – Qanadların təşkil etdiyi bucağa qırışığın qırışma bucağı deyilir, yaxud qanadlara çəkilən toxunanlar arasında qalan bucağa qırışma bucağı deyilir

Qırışığın periklinalı – Antiklinal qırışığın qanadlarının öz istiqamətlərini dəyişərək qovuşduqları zonaya onun periklinalı deyilir. Sinklinalda bu hissəyə sentriklinal deyilir. Hər tam inkişaf etmiş antiklinal qırışıq iki periklinala malikdir. Antiklinal qırışığın qurtaracaqlarında onun şarnirinin undulyasiya etdiyi sahəyə periklinal deyilir, sinklinalda isə sentriklinal deyilir.

Qırışığın hündürlüyü – Eyni layın eyni səthi üzrə antiklinal ilə yanaşı olan sinklinalın şarnirləri arasında qalan ən qısa şaquli məsafəyə qırışığın hündürlüyü deyilir.

Qırışığın eni – antiklinal ilə yanaşı olan sinklinalların oxları arasındakı ən qısa üfüqi məsafəyə antiklinal qırışığın eni deyilir.