Qeyri-elmi metodologiyalar:
iqtisadi tədqiqatın qeyri-elmi metodları iqtisadi reallığa
məhdud rasional (və ya tamamilə irrasional), qeyri-sistemli, inandırıcı olmayan (və ya əsassız)
yanaşmaya əsaslanan metodlardır. Qeyri-elmiliyin əsas əlaməti kimi burada sistemsizlik,
xaotiklik, səlahiyyətli şəxslərə, iman və ya miflərə müraciət etmək çıxış edir.
Qeyri-elmi iqtisadi biliklərin bütün növlərini üç əsas qrupa bölmək olar:
1.
Dini və mistik iqtisadi biliklər.
2.
İdeoloji, illüziyor iqtisadi biliklər.
3.
Adi iqtisadi biliklər.
Qeyri-elmi biliklər yalan deyil, elmi yanılma sayılır. Öncəliklə qeyd edək ki, elm
fəlsəfəsində yanılma ilə yalan ayrı-ayrı məfhumlardır.
Yanılma
– şüurun həqiqət kimi qəbul
etdiyi, lakin gerçəkliyə uyğun olmayan fikirlərdir. Lakin onları əxlaqi-psixoloji fenomen olan
yalandan fərqləndirmək lazımdır. Yalan kimisə aldatmaq məqsədilə gerçək vəziyyətin təhrif
edilməsidir. Yalan həm olmayanın uydurulması, həm də olanın şüurlu şəkildə qəsdən gizlədilməsi
ola bilər. Əxlaqi baxımdan yanılma vicdanlı qeyri-həqiqət, yalan isə vicdansız qeyri-həqiqətdir.
Qeyri-elmi iqtisadi biliklərin hər bir növü üçün iqtisadi metodların istifadə olunması üçün
nümunələr gətirək.
Dostları ilə paylaş: |