283
Sof liniyalar — uzoq davom etuvchi inbriding natijasida olingan bir xil genotipli
hayvonlar, o‘simliklarda esa o‘z-o‘zidan changlanish natijasida olinadi.
Sonning tug’ma chiqishi — autosoma-dominant belgi bo‘lib, gening ekspressivligi va
penetrantligi o‘zgaruvchan bo‘ladi va ayollarda ko‘proq uchraydi.
Starbizm – g‘ilaylik.
Sferofakiya – ko‘z gavharining sharsimon shaklda bo‘lishi.
Tanlash — ayrim genotiplarning saqlanib ko‘payishi va boshqalarining esa
eliminatsiyalanishi. Tanlash jadalligi kriteriyasi tanlash koeffitsienti (S) ayrim
genotiplarning boshqa genotiplarga nisbatan moslanuvchanligini ifodalaydi.
Teskari transkripsiya - iRNK molekulasidan revertaza (teskari transkriptaza) fermenti
yordamida DNK sintezlanishi. Retroviruslarda uchraydi. Gen injeneriyasida, genlarni
sintezlashda foydalaniladi.
Telomer — xromosoma yelkasining oxirgi qismi, u uzilganda "yopishuvchi oxirgi qism"
hosil bo‘ladi.
Teleangioektaziya– kapillyarlar va mayda qon tomirlarning ba`zi joylarda
kengayishi.
Telekant– ko‘z yorig‘i ichki burchaklarining ko‘z soqqalari me`yorida
joylashganida lateral siljishi.
Terminator — transkripsiya oxirida kelib uni to‘xtatadigan nonsens kodonlar.
Transgenoz — genetik injeneriyaning bir usuli, genni vektor (plazmida) yordamida bir
genomdan ikkinchisiga ko‘chirish.
Transduksiya — virus yordamida DNK fragmentining donor bakteriyadan retsipient
bakteriyaga ko‘chirilishi.
Transkripsiya - informatsiyaning DNKdan iRNKga ko‘chirilishi. DNK matritsadan
iRNK sintezlanishi.
Translokatsiya — xromosoma aberratsiyalaridan biri, genlar joyining o‘zgarishi.
Translyatsiya — informatsiyani iRNKdan polipyeptidga ko‘chirish, ribosomada iRNK
matritsasi asosida polipeptid sintezlanishi, nukleotidlar tilini aminokislotalar tiliga "tarjima
qilish".
284
Transpozitsiya — gen (genlar)ning bitta xromosomada joyini o‘zgartirishi. Agar joyi
o‘zgaruvchi DNK qismi kichik bo‘lsa-insersiya, katta bo‘lsa — transpozitsiya deyiladi.
Transformatsiya (genetik) — retsipient hujayraning irsiy apparatiga donor hujayra DNKsining
bir qismi qo‘shilishi natijasida irsiy informatsiya o‘zgarishi.
Trisomiya — genom mutatsiyasi, bunda diploid to‘plamdagi bitta yoki bir nechta
xromosoma 2 tadan emas 3 tadan bo‘lib qoladi.
Fenotip — genotipning muhit bilan o‘zaro ta`siri natijasida yuzaga chiqadigan,
organizmning hamma xususiyatlari va belgilari yig‘indisi. Fenotip organizmning hamma
genetik informatsiyasini aks etdirmaydi, har xil muhit sharoitlarida bitta genotip har xil
namoyon bo‘lishi mumkin (reaksiya meyori).
Fenokopiya — tashqi muhit ta`sirida yuzaga chiqadigan, genotip o‘zgarishiga o‘xshash
fenotipik o‘zgarishlar. Masalan homiladorlikning ilk bosqichlarida onaning qizilcha bilan
kasallanishi natijasida yuzaga chiqadigan chaqaloqdagi katarakta irsiy kataraktaga
o‘xshash fenokopiyadir.
Filtr– burun pastki nuqtasidan yuqori lab qizil xoshiyasigacha bo‘lgan masofa.
Fokomeliya – qo‘l-oyoq proksimal qismlarining bo‘lmasligi yoki juda sust
rivojlanganligi.
Xiazma — 1 meyoz profazasida xromosomalar ajrala boshlashida, krossingover natijasida
hosil bo‘ladigan shakllar.
Xromatin — interfaza yadrosida bo‘yaladigan modda, dezoksiribonukleoproteidning
dispersiyalashgan holati.
Xromosoma — bo‘linayotgan yadroning to‘q bo‘yaluvchi strukturasi, interfaza
xromatinining spirallashishi, o‘ralishi natijasida shakllangan, kondensatsiyalashgan
dezoksiribonukleoproteid.
Xromomer — xromosomaning kuchli spirallashishi natijasida yo‘g‘onlashgan qismi 1
meyoz profazasining paxitenasida yaxshi ko‘rinadi. Xromomerlarning har bir
xromosomada joylashishining o‘ziga xosligi xromosomalarni bir-biridan ajrata olishga
imkon beradi.
285
Xromosoma pufflari — politen xromosomalarning despiralizatsiyalashgan faol qismlari.
Ontogenez davomida pufflar soni va joylashishi o‘zgarib turadi. Bu joylarning
o‘zgarishi genlarning differentsial faollashishining tipik misolidir.
Xromatida — interfazada xromosoma DNKsining replikatsiyasi natijasida paydo
bo‘ladigan struktura. Har bir xromosoma 2 ta mutloq bir xil bo‘lgan (opa-singil)
xromatidalarga ega. Gomolog xromosomalar esa allellari bilan farqlanuvchi (opa-
singilmas) xromatidalarga ega. Masalan, bitta xromosoma ABCD, uning gomologi esa
abcd allelariga ega bo‘ladi. Opa-singilmas xromatidalarning krossingover natijasida
allellar tarkibi o‘zgaradi: ABcd va abCD
Ximera — to‘qimalari har xil kelib chiqishiga ega bo‘lgan organizmlar, shuning uchun
ham ularning hujayralari har xil genotipga ega (ota-ona hujayralari genotipiga mos
ravishda) bo‘ladi.
Xardi - Vaynberg qonuni - panmiksiyali populyatsiyaning genetik barqarorligi qonuni.
Bu qonun ko‘p sonli, migratsiya, mutatsiyalar, tabiiy tanlash ta`siri kuzatilmaganda
amalga oshadi, qonun populyatsiyada monogen irsiylanuvchi belgining allellari va
genotiplari chastotasini aniqlashga imkon beradi.
Sistron — funksiyasiga nisbatan gen sinonimi sifatida ishlatiladigan tushuncha.
Ekzon — eukariotlarning oqsil birlamchi strukturasini kodlashtiruvchi genning
informativ qismi.
Ekzoftalm – ko‘z yorig‘ining kengayishi bilan birga kuzatiladigan ko‘z soqqasining
oldinga siljishi.
Endoftalm – ko‘z soqqasining orqaga siljishi.
Ektopiya (ko’z gavharining) – ko‘z gavharining shishasimon chuqurchadan
siljiganligi.
Ekspressivlik — belgining fenotipik yuzaga chiqish darajasi, to‘liqmas ekspressivlik xatar
darajasini va kasallikning avlodda yuzaga chiqishini kamaytiradi. Bu xususiyatni prognoz
tuzishda esda saqlash lozim.
Endomitoz — (endo-ichki, mitoz-bo‘linish) xromosoma reduplikatsiyasidan keyin
hujayra bo‘linmaydigan va yadroda xromosomalarning poliploid to‘plami hosil
bo‘ladigan jarayon.
Dostları ilə paylaş: |