Microsoft Word Zamanin axari 2
Yüklə 1,64 Mb. Pdf görüntüsü
|
62 Əliyevin məktəbinin tələbəsi olub, onun məktəbinin vacib sirlərinə yiyələnib, dövlət idarəçiliyi sahəsində böyük təcrübə qazanıb, beynəlxalq əlaqələrin qurulmasında və möhkəmlənməsində uğurlar əldə edib, dünyanın siyasi mühitində yüksək liderlik reytinqinə çatıb. Hörmətli Prezidentin bir fikrini sitat gətirmək istəyirəm: «Mən çalışacağam ki, bundan sonra da elə işləyim ki, xalq həmişə məni dəstəkləsin». Bəli, xalq onu dəstəkləyir. İlham Əliyev Prezident kimi elə ilk addımlarında sübut etdi ki, ona inanmaq, ona arxalanmaq, ona güvənmək olar! İnam isə böyük qüvvədir. İnanırıq ki, o, «Bizim yolumuz Azərbaycanda demokratik, hüquqi, sivilizasiyalı dövlət qurmaqdan, demokratik prinsipləri gündən-günə inkişaf etdirməkdən, dünyanın əldə etdiyi bütün demokratik nailiyyətləri Azərbaycanda yaymaqdan, onlardan bəhrələnməkdən ibarətdir» deyən Heydər Əliyevin amallarına bundan sonra da sadiq qalacaq. Vətənimiz Heydər Əliyev dühasından bəhrələnən, lakin daha yeni, müasir şəraitə uyğun siyasi intellektə və potensiala malik bir siyasətçinin – İlham Əliyevin rəhbərliyi altında işıqlı gələcəyə gedəcək. Bu işdə hər birimiz, hər bir Azərbaycan vətəndaşı möhtərəm Prezidentimizə yardımçı olmalı, bununla da dövlətçiliyimizin, müstəqilliyimizin, ərazi bütövlüyümüzün qorunmasına öz töhfəmizi verməliyik…
Qələbə sevinci Möhtərəm Prezidentimiz İlham Əliyevin uğurlu fəaliyyəti həmişə məni bu qənaətə gətirir: Heydər Əliyev ölməyib! O bizim sıralarımızdadır. Əgər ulu öndərin böyük ideyaları, amalları bizimlədirsə, demək, bu, belədir. Əgər
63 onun siyasi kursunu ləyaqətlə davam etdirən gənc prezidentimiz İlham Əliyev bu gün xalqın, millətin ürəyindən xəbər verən işlər görürsə, üstəlik, bütün dünya onu qəbul edirsə, demək, Heydər Əliyev sağdır, öz böyüklüyü, müdrikliyi, dühası və əməlləri ilə onu sevən hər kəsin qəlbində yaşayır! Azərbaycan isə ilhamla, inamla irəliləyir. Bu yolun önündə Heydər Əliyev dühasından nur alan İlham Əliyev gedir. Sözümün bu yerində Ulu öndərimizin İlham Əliyevi xarakterizə edərkən dediyi sözləri xatırlayıram: «İlham Əliyev yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir siyasətçidir. Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirəcək, Azərbaycan dövlətinin inkişafı və xalqımızın firavanlığı yolunda çox işlər görəcəklər. İnanıram ki, mənim axıra çatdıra bilmədiyim taleyüklü məsələləri, planları, işləri İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm». Biz ona inanırıq. İnanırıq ki, Azərbaycan tarixinə ən möhtəşəm QƏLƏBƏ sözünü möhtərəm Prezidentimiz cənab İlham Əliyev yazacaq. Xalqın böyük inamla, intizarla, səbirsizliklə gözlədiyi QƏLƏBƏ sözünü! Qüdrətli liderimiz, möhtərəm Prezidentimiz, Ali Baş Komandan İlham Əliyevin xalqımıza bəxş edəcəyi QƏLƏBƏ sevinci Azərbaycanımızın zəfər tacı olacaq! O gün isə uzaqda deyil!..
«Heydər Əliyev irsi və Azərbaycan dövlətçiliyi» kitabı. «Azərbaycan» nəşriyyatı, 2005, səh. 747-756
64
ŞAH İSMAYIL XƏTAİ VƏ AZƏRBAYCAN DİLİ
Dili xalq yaradır. Lakin onun yaşayıb nəsildən-nəslə ötürülməsi, görkəmli şəxsiyyətlərin, qüdrətli dövlət başçılarının hesabına başa gəlir. Dilin durmadan zənginləşməsi, onun statusundan, işlənmə arealından çox asılıdır. Ölkələr işğal olunanda dilin də sərhədləri daralır, hüdudları pozulur. Dil də insan kimi əsir düşür, cəmiyyətdən təcrid olunur, funksionallığını itirib sıradan çıxır. Min illər boyu folklorda, xalq nəğmələrində, məişət qayğılarında özünü tanıdan ana dilimiz təxminən 500 il əvvəl Səfəvi hökmdarı şah şairimiz Şah İsmayıl Xətainin zamanında geniş fəaliyyət statusuna yüksələ bildi. Bu vaxta kimi türkün zəfər yürüşləri, oğuzların hərbi səfərləri, qanunları, fərmanları farsca, ərəbcə yazılırdı. Tarixdə ən qurucu, yaradıcı türklərdən biri kimi qalan Şah İsmayıl ana dilimizin də sərhədlərini ölkənin hüdudları kimi genişləndirdi. Əslində bu azərbaycançılıq ideyası ona ulu babalarından yadigar qalmışdı. İlk dəfə təkkə ocaqlarını yaradıb Sufi təriqətinə inam bəsləyən və sonralar sufilər, səfəvilər kimi tanınan Şeyx Səfiəddin Ərdəbili nəsli azərbaycançılıq ideyasının əsaslarını dilin gerçəkləşdirilməsində gördü. Azərbaycan dilinin, poeziyasının və mədəniyyətinin çiçəklənməsinə tutarlı töhfələr vermiş bu sülalə, sonralar daha çevik düşüncəyə və dövlətçilik bacarığına malik Şah İsmayıl Xətaini mübarizə meydanına çıxartdı. Lakin qılınc və qələm bahadırını hünər meydanına hazırlayan «Qara məcmuə» kimi kitablar çox-çox əvvəllər türkün ana dilində yazılır, xalq düşüncəsinin ən incə
65 mətləblərini özündə qoruyub saxlayırdı. Belə kitabların əksəriyyəti məhv edilib sıradan çıxsa da, sənət izlərini yaddaşlara yaza bilmişdi. Hələ Şah İsmayıldan çox-çox əvvəllər qələmə alınmış «Qara məcmuə»lər dilimizdə o dövrdən qalmış həm böyük abidə, həm də şeirimizin, nəsrimizin o vaxtkı vəziyyətini əks etdirən çox qiymətli mənbədir. «Hicri VII-VIII əsrlərdə Azərbaycanda müəllimlər və mürşidlər tərəfindən mədrəsələrdə, zaviyələrdə müridlərə tədris edilmək məqsədilə yazılan həcmli kitablara «Qara məcmuə» deyilirdi. (1) «Qara məcmuə»lər bir müəllif tərəfindən yazılmasa da adətən mürşidin adına çıxılırdı. Şeyx Səfiəddin Ərdəbili isə öz zamanında elmə, maarifə, mədəniyyətə hədsiz qayğılar göstərdiyindən dövrünün «Qara məcmuə»ləri onun adına çıxılmışdır. Bəqainin təzkirəsində yazıldığına görə Şeyx Səfinin «Qara məcmuə»si yalnız Səfəvi sultanlarının kitabxanasında tapıla bilər və bu xəzinələrdən dışarı çıxa bilməz. Səfəvi sülaləsinin böyük ağsaqqalı, alim və sufisi, eləcə də həmin təriqətin banisi kimi tanınan Şeyx Səfinin türkcə yazılan «Qara məcmuə» adlı əsərindən başqa bir neçə türkcə, farsca və ərəbcə əsərləri də olmuşdur. Cənubi azərbaycanlı alim doktor Hüseyn Sədiqi tapıb çap etdirdiyi «Qara məcmuə» əsərinə Şeyx Səfinin şeirlərini daxil edib. Tədqiqatçının fikrinə görə «Şeyx Səfinin türkcə şeirlərinin şivəsi Qazi Bürhanəddinin şivəsinə oxşayır». Bu şivə həm də dilimizdə olan ən gözəl və axıcı sözlər, terminlərlə zəngindir. Şeirlərdə hələ ədəbiyyat tariximizə Xacə Əhməd Yasəvi zamanında girmiş bəzi irfan anlamlı sözlər gözə dəyir. (2) «Qara məcmuə» əsərinin nəsr hissəsi də XIV-XV əsr Azərbaycan nəsrinin çox gözəl nümunəsi sayıla bilər. Onun
Yüklə 1,64 Mb. Dostları ilə paylaş:
|