_______________Milli Kitabxana___________________
389
Birdən mənə elə gəldi ki, kimsə yaxınlaşır.
Gözümün altı ilə baxanda Söhbəti gördüm.
Bizim sinfimizdə bir qardaş-bacı oxuyurdu.
Söhbət və Yüzlük. Söhbət bizim yaşıdımız idi.
Amma Yüzlük çox yekəydi. Yaşıdlları onuncuda
oxuduğu halda, bizim sinifdə V-də oxuyurdu. Biz
hamımız ondan qorxurduq. Çünki bədəncə çox
yekə idi. Bacısının qorxusundan Söhbətə bir söz
deyə bilmirdik. Söhbət isə bizə tez-tez sataşırdı.
Indi mənə yaxınlaşanda başa düşdüm ki, nəsə pis
bir hərəkət edəcək. Bu zaman Yüzlüyün səsini
eşitdim:
-Ehey, geri çəkil deyə qardaşına əmr etdi.
Mənə isə dedi:
- Yazı taxtasının qabağına gəl, buradan oxu!
Bütün şagirdlər skamyalarda öz yerlərini
tutdular. Mən kərpickəsən kişinin dastanını oxuma-
ğa başladım. Özümü Məhbubə müəlliməyə oxşa-
dırdım. Kərpickəsən qocanın və ona yaxınlaşan
cavanın obrazını yaratmağa çalışırdım.
Bu kərpicin qəlibini yansın deyə oda at,
Başqa bir sənət tapıb, işlə muradına çat.
Sözlərini amiranə şəkildə dedim. Hətta
mimikamda da özümü şahzadələrə oxşatdım.
Kərpickəsən qocanın;
Ona görə əlimi öyrətdim bu sənətə
Bir gün sənə əl açıb düşməyim xəcalətə
_______________Milli Kitabxana___________________
390
Sözlərini isə yazıq bir görkəm alaraq dedim.
Həm də bu görkəmimdə və sözlərimin intona-
siyasında əyilməz, başqasına əl açmaq niyyəti
olmayan məğrur bir qocanın obrazını yaratmağa
çalışdım.
Şeiri oxuyub qurtarandan sonra Yüzlük dedi:
- Çox gözəl oxuyursan. Lap Məhbubə müəl-
limə kimi. Sonra əl çaldı, uşaqlar da əl çaldılar.
Mənim isə uçmağa qanadım yox idi. Çünki məni
məhz Yüzlük tərifləmişdi.
Dərsdən çıxan kimi düz rayon kitabxanasına
getdim.
- Mənə Nizami Gəncəvinin əsərləri lazımdır
– dedim.
Kitabxanaçı məni başdan-ayağa süzdü. “Bu-
nun boyuna bax, bizdən Nizami Gəncəvinin əsərlə-
rini istəməyinə bax”. Yəqin ki, kitabxanaçının ürə-
yindən belə sözlər keçdi. O, qətiyyən yerindən
tərpənmədi. Əlini uzadıb, yaxınlıqdakı kitablardan
birini göstərib dedi.
- Ala bax, Nizaminin əsərlərindən də
maraqlıdır.
- Yox-dedim. Mənə Nizami Gəncəvinin
əsərləri lazımdır.
Kitabxanaçı qadın çətinliklə ayağa qalxdı və
gedib Nizami Gəncəvinin “Xosrov və Şirin”
poemasını gətirdi.
-Kitabı qaytaranda məzmununu soruşacam.
Əgər oxumasan, bir də buralara gəlmə!
_______________Milli Kitabxana___________________
391
Kitabxanaçı qadının qəzəblənməsinə qətiy-
yən əhəmiyyət verməyib “Xosrov və Şirin”i sinəmə
basdım və evə qaçdım.
Hər gün bu əsəri oxumağa başladım. Böyük
həyətimiz vardı. Uca səslə əsəri oxuyur və ondan
ləzzət alırdım. Bu minvalla poemanı düz dörd il
oxudum. Axırda məlum oldu ki, mən onun çox
böyük hissəsini əzbər bilirəm.
Sənədlərimi indiki Bakı Dövlət Univer-
sitetinin filologiya fakültəsinin jurnalistika bölmə-
sinə vermişdim. O zaman burada ən böyük konkurs
var idi. Mən də imtahanlardan müxtəlif qiymətlər
almışdım. Axıra ədəbiyyat imtahanı qalmışdı.
Ədəbiyyat imtahanında mənə Cəfər Cabbarlının
“Almaz” pyesi, N. Gəncəvinin “Xosrov və Şirin”
poeması və bir də bir cümlə təhlili düşmüşdü. Iki
nəfər müəllim (mən onları sonralar da tanımadım)
stolun arxasında əyləşib tələbələri dinləyirdi. Bir
nəfər isə aralıqda gəzir, uşaqların suallarına cavab
verirdi. Mən aralıqda gəzən müəllimi barmağımla
çağırıb dedim:
- Ə, bura gəl! O yaxın gəlib, sağ əliylə
kürəyimə vurub dedi. - Nə var ə?
Mən indi də həmin dialoqu xatırlayanda
ədəbli müraciəti bizə öyrətməyən müəllimlərimi
qınayıram. Sonralar başa düşdüm ki, “ə” deyərək
müəllimə müraciət etməyim yaxşı olmayıb. Müəl-
lim isə öz “ə” si ilə mənə cavab verib. Ancaq o za-
man bunun fərqinə varmadım. Mənə düşən cümləni
_______________Milli Kitabxana___________________
392
oxudum: “Əgər Sabir axundları, mollaları tənqid
edirdisə bu özü heç də kiçik cəsarət deyildi”. Bu
cümlədəki mübtəda, xəbər tamamlıq və başqa
cümlə üzvlərini göstərdim və onun üzünə baxdım.
O, başı ilə təsdiqlədi və başqa uşaqların yanına
getdi.
Suallarıma cavab verməyə gələndə müəl-
limimdən soruşdum:
- Zəhmət olmasa, deyin: Mən bu poemanı
təhlil edim, yoxsa əzbər söyləyim?
Müəllimlərdən biri cavan, birisi ağsaçlı qoca
idi. Cavan müəllim tapança kimi açıldı:
- Sən heç nə danışdığını bilirsən? Sən heç o
kitabı görmüsən?
Mən sakitcə dilləndim:
- Bax, bu qalınlıqda, bu enlilikdə boz üzlü ağ
hərflərlə yazılmış kitabdır. 1947-ci ildə çıxıb.
Cavan müəllimin bayaqkı hirsindən əsər-
əlamət qalmadı.
- O kitabı mən də görmüşəm-dedi. Qocaman
professor:
- Buyur, de görək nə bilirsən? - deyə mənə
baxdı. Mən poemanın bir hissəsini əzbər söyləməyə
başladım. Əsərin hansı yerindəydimsə, orası yadım-
da deyildi, yumruğumu stola vurub, ayağa qalxdım.
Özümü müəllifin yerində hiss edirdim. Sanki bu
gözəl misraları mən yazmışdım. Birdən professorun
cavan müəllimin qulağına dediyi sözləri aydınca
eşitdim:
Dostları ilə paylaş: |