32
Nəticədə respublika ərazq məhsulları ixrac edən ölkədən idxalla yaşayan ölkə
səviyyəsinə düşmüşdür. Belə ki, 1995-ci ildə daxili tələbatın taxıl üzrə 45%-i,
kartof üzrə 12%-i, tərəvəz və bostan məhsulalrı üzr 4,1%-i, giləmeyvə və üzüm
üzrə 34%-i idxal hesabına ödənilmişdir. Ümumiyyətlə, 1990-cı illərin əvvəllərində
kənd təsərrüfatının mövcudluğu məsələsi mübahisələr predmetinə çevrilmişdir.
Azərbaycan müstəqillik əldə etdikdən sonra onilliklər ərzində qərarlaşmış
istehsal-iqtisadi əlaqələrin pozulması, ölkənin hərbi təcavüzə məruz qalması,
idarəetmə orqanlarında boşluqların yaranması, xaos və anarxiyanın güclənməsi ilk
dövrlər ölkə daxilində ictimai-siyasi vəziyyəti gərginləşdirmişdir. Bu da
bitkiçilikdə böhanlı tendensiyaların daha güclənməsinə gətirib çıxarmışdır. Kənd
təsərrüfatının inkişafına dair ötən ilin 90-cı illərinin əvvəllərinə olan məlumatların
təhlili göstərir ki, bitkiçilikdə əsas növ kənd təssrüftatı məhsulları istehsalı
azaldıqca, emal, yeyinti və yüngül sənaye müəssisələrində də istehsal güclərində
istifadə tədricə azalmış, infrastruktur obyektləri fəaliyyətlərini dayandırmağa
məcbur olmuşdur.
Prosesin bu cür davam etməsi ölkədə işsizliyin artmasına, inflyasiyanın
güclənməsinə, real gəlirlərin aşağı düşməsinə, kənd təsərrüfatı və ərzaq məhsulları
bazarında əcnəbi istehsalçıların xüsusi çəkisinin yüksəlməsinə əlverişli şərait
yaradırdı. Təbiidir ki, bütün proseslər keçid dövrünü yaşayan respublikanın
bitkiçilik sahəsində təbii, ekoloj, sosial-iqtisadi və texniki-texnoloji xarakterli
problemlərin də yaranmasına rəvac vermişdi. Keçmiş ittifaqın dağılması fonunda
torpağa ögey münasibət bəslənməsi, meliorasiya, irriqasiya tədbirlərinin həyata
keçirilməsinə kifayət qədər vəsaitin ayrılmaması bir çox regionlarda torpaqların
eroziyaya uğramasına, genfondun məhv edilməsinə, ətraf mühitin çirklənməsinin
güclənməsinə səbəb olmuşdur.
Eyni zamanda, ənənəvi bazarlarının itirilməsi, təminatlı dövlət sifarişinin ləğv
edilməsi, təchizatın pisləşməsi, kənd təsərrüfatı, emal və xidmət müəssisələri
arasında iqtisadi pozulması, bazar münasibətlərinə əsaslanan yeni ərazi və sahə
idarəetmə qurumlarının qurulmamsı, tələblə təklif arasında tarazlığa əsaslanan
qiymət və rəaqbət mexanizminin formalaşmaması, maşın və avadanlığın mənəvi və
33
fiziki cəhətdən köhnəlməsi istehsalın davam etdirilməsini çətinləşdirmişdir.
Nəticədə yaranmış vəziyyət istehsalın bütün mərhələlərində iqtisadi səmərəliliyin
aşağı düşməsinə, əsas məhsullar üzrə istehsalın zərərlə başa gəlməsinə, çoxillik
ə
kmələrin məhvinə, əkin sahələrinin dövriyyədən çıxarılmasına, tədiyyə balansında
mənfi saldonun yaradılmasına və son nəticədə, insanların həyat səviyyəsinin aşağı
düşməsinə gətirib çıxarmışdır. Bu baxımdan i.e.d. .H. brahimovun fikrincə, bazar
münasibətlərinə keçidin müasir mərhələsində aqrar-sənaye kompleksinin
qarşısında duran ən başlıca vəzifə kənd təsərrüfatı istehsalının tənəzzülünü
dayandırmaq, sabtiləşdirmək, əhalini ərzaq məhsulları, sənayeni isə xammalla
etibarlı şəkildə təmin etməkdən ibarətdir. Bu problemin həllində aqrar islahatları
həyata keçirməklə müxtəlif təsərrüfatçılıq formalarının inkişafı, bitkiçilikdə
istehsal və iqtisadi potensialdan istifadənin yaxşılaşdırılması və iqtisadi
səmərəliliyinin yüksəldilməsi mühüm rol oynayır.
Problemlərin aradan qaldırılmasına yönəldilmiş tədbirlərin təsir gücünün zəif
olması isə mikro və makro səviyyələrdə tənzimlənməni səmərəsiz edirdi. Beləliklə,
bitkiçiliyin düçar olduğu çoxşaxəli böhrandan çıxarılması bu sahədə bazar
münasibətlərinə keçidi, transformasiya yönümlü dəyişikliklərə başlanmasını
obyektiv və qanunauyğun bir zərurətə çevirmişdir.
Məhz bu zaman respublika Prezidenti cənab H.Ə.Əliyevin tapşırığı ilə aqrar
islahatlarla bağlı xarici təcrübəni öyrənilməsi məqsədilə kənd təsərrüfatı
mütəxəssis və alimlərin müxtəlif ölkələrə səfərləri təşkil edilmiş, təcrübə
mübadilələləri həyata keçirilmişdir. 1994-cü ildə Azərbaycan Respublikasının
Milli Məclisində ÇXR-nın, srailin, Rusiya Federasiyası və Qazaxıstanın kənd
təsərrüfatı mütəxəssislərinin, aqrar iqtisadçıların iştirakı ilə aqrar islahatların
təcrübəsinin öyrənilməsinə həsr olunmuş beynəlxalq konfrans keçirildi. Eyni
zamanda 1994-1996-cı illərdə Azərbaycan Respublikası Prezidenti yanında
həyata keçirilən çoxsaylı toplantılarda ölkədə transformasiya yönümlü
dəyişikliklərin, o cümlədən aqrar islahatların xüsusiyyələri və prinsipləri
müəyyənləşdirilmişdir. “TAS S” proqramı çərçivəsində kənd təsərrüfatı
mütəxəssisləri üçün aqrar sahədə bazar münasibətlərinə keçidin xüsusiyyətlərilə
34
bağlı kurslar keçirilir, geniş fikir mübadiləsi aparılır, eləcə də eksperiment
məqsədilə respublikanın bir sıra rayonlarında islahatlara başlanmışdır.
Qeyd edilməlidir ki, aqrar sahədə, ilk növbədə bitkiçilikdə aparılan ilahatların
ilkin nəticələr torpaq resursları və onlardan səmərəli istifadə edilməsindən
bilavasitə asılıdır.
Məlum olduğu kimi, ölkədə ümumi torpaq fondu 86,6 min km
2
və ya 8661
min ha-dır. Ümumi torpaq fondunun strukturundan göründüyü kimi, o, hüquqi
baxımdan yeddi kateqoriyanı özündə əks etdirir. Ümumi torpaq fondunun
strukturunda ən yüksək xüsusi çəkisi (52,3%) kənd təsərrüfatına yararlı torpaqlar
4529,7 min ha təşkil edir. Eyni zamanda, sənaye, nəqliyyat, rabitə, mühafizə və
digər təyinatlı torpaqlar da vardır ki, onların payı 12,0% və ya 1039,3 min ha-dır.
Ehtiyat fondu torpaqlar isə 2,7% və ya 233,8 min ha, yaşayış məntəqələrinin
torpaqları 2,0% və ya 173,3 min ha, su fondunun torpaqları 1,8% və ya 155,9 min
ha, xüsusi qorunan ərazilərin torpaqlari 1,7% və ya 147,2 min ha-dır.
Qeyd edilməlidir ki, kənd təsərrüfatına yararlı torpaq sahələrinin 90,4%-i
kəndli (fermer) təsərrüfatlarının, 2%-i dövlət kənd təsərrüfatı müəssisələrinin,
0,9%-i kollektiv müəssisələrinin, 0,1%-i kənd təsərrüfatı istehsal kooperativ-
lərinin, 0,1%-i kiçik müəssisələrin, 0,03%-i səhmdar cəmiyyətlərinin, 0,001%-i
isə aqroservis müəssisələrinin sərəncamına verilmişdir və s.
Təhlilin göstərdiyi kimi, ölkədə fəaliyyətdə olan kənd təsərrüfatı
müəssisələrinə məxsus olan torpaq sahələrinin həcmi nəzərəçarpacaq dərəcədə
xırdalanmışdır. Yalnız dövlət kənd təsərrüfatı müəssisələrinə məxsus torpaq
sahələrinin həcmi qismə böyükdür ( bir təsərrüfata 2277 ha sahə düşür). Ailə
təsərrüfatları istisna olunmayan orta hesabla hər təsərrüfat kateqoriyasına 1,8 ha
torpaq sahəsi düşür. Qeyri-dövlət kənd təsərrüfatı müəssisələrində bir təsərrüfata
orta hesabla 34,4 ha sahəsi, o cümlədən kollektiv müəssisələrə 36 ha, kənd
təsərrüfatı istehsal kooperativlərinə 24 ha, kiçik müəssisələrə 15 ha, səhmdar
cəmiyyətlərinə 94 ha torpaq sahəsi düşür. Kəndli (fermer) təsərrüfatlarında hər
təsərrüfata orta hesabla 7,2 ha kənd təsərrüfatına yararlı torpaq sahəsi düşür.
Dostları ilə paylaş: |