33
Dəstəmaz
Məsələ 235: Dəstəmaz alarkən üz və qolları yumaq, başın
ön hissəsinə
və ayaqların üzərinə məsh çəkmək vacibdir.
Məsələ 236: Üzü uzununa alının yuxarısından baş tüklərinin bitdiyi yer-
dən çənənin ucuna qədər, eninə isə orta barmaqla baş barmağın əhatə etdiyi
miqdarı yumaq lazımdır. Bu miqdardan azacıq hissəsi belə yuyulmasa, dəs-
təmaz batil olar. Əgər insan bu miqdarın tamamilə yuyulduğuna əmin deyil-
sə, buna yəqin olması üçün onun ətrafını da bir az artıq yumalıdır.
Məsələ 237: Əgər bir şəxsin üzü və ya əli normal insanların üzü və ya əlin-
dən böyük və ya kiçik olarsa, camaat arasında normal adamın üzünü haraya qədər
yuduğuna diqqət yetirməli və həmin miqdarda yumalıdır. Həmçinin alnında tük
çıxarsa və ya başının önündə tük olmazsa, alnını normal miqdarda yumalıdır.
Məsələ 238: Qaşlarında, gözünün və ya dodaqlarının kənarında suyun
keçməsinə mane olacaq çirk və ya başqa bir maneənin olmasına ehtimal ve-
rərsə və bu ehtimal camaatın nəzərində düzgün bir ehtimal sayılarsa, dəstə-
maz almazdan əvvəl araşdırmalı və onu aradan qaldırmalıdır.
Məsələ 239: Üzün dərisi saqqalın arasından görünürsə, suyu dəriyə
çatdırmaq vacibdir. Əgər görünmürsə, saqqalı yumaq kifayətdir və suyu saq-
qalın altına çatdırmaq lazım deyildir.
Məsələ 240: Üzünün dərisinin tüklərin arasından görünüb-görünmədiyi-
nə şəkk edən şəxs, vacib ehtiyata əsasən, həm saqqalını yumalı, həm də üzü-
nün dərisinə suyu çatdırmalıdır.
Məsələ 241: Burunun içini, qapanarkən dodaqların və gözün görünmə-
yən yerini yumaq vacib deyildir. Amma insan yuyulması vacib olan miqda-
rın yuyulmasına əmin deyilsə, buna yəqin etməsi üçün onlardan bir miqdarı-
nı yuması vacibdir. Bu hökmü bilməyən şəxs əvvəlcə aldığı dəstəmazda va-
cib olan miqdarı yuyub-yumadığını bilməsə, o dəstəmazla qıldığı namaz
düzgündür; növbəti namaz üçün yenidən dəstəmaz alması lazım deyildir.
Məsələ 242: Qolları və üzü vacib ehtiyata əsasən, yuxarıdan aşağıya
doğru yumaq lazımdır. Aşağıdan yuxarı doğru yuyularsa, dəstəmaz batildir.
Məsələ 243: Əgər əlini isladıb üzünə və qollarına çəkərsə, əlinin rütubəti
onları isladacaq miqdarda olarsa, kifayətdir və onların üzərindən suyun
axması lazım deyil.
Məsələ 244: Üzü yuyandan sonra sağ qolunu, daha sonra isə sol qolunu
dirsəklərdən barmaqların ucuna qədər yumalıdır.
Məsələ 245: Əgər insan dirsəyini bütünlüklə yuduğuna əmin deyilsə,
buna yəqinlik hasil etməsi üçün dirsəyindən də bir az yuxarıdan yusun.
Məsələ 246: Üzünü yumamışdan əvvəl əllərini biləklərinə qədər yuyan
bir şəxs dəstəmaz alarkən qolunu dirsəkdən barmaqlarının ucuna qədər
yumalıdır. Əgər təkcə biləklərinə qədər yuyarsa, dəstəmaz batildir.
34
Məsələ 247: Dəstəmaz alarkən üzü və qolları bir dəfə yumaq vacib, iki
dəfə yumaq müstəhəb, üç və daha artıq yumaq isə haramdır. Birinci dəfə yu-
maq dəstəmaz niyyəti ilə üz və qoluna tökdüyü su onun hər tərəfini əhatə et-
diyi və heç bir ehtiyat yeri qalmadığı zaman tamamlanar. Məsələn, birinci
dəfə yumaq niyyəti ilə on dəfə belə üzünə su tökərsə, su onun hər tərəfini
əhatə edincəyə qədər eybi yoxdur. Həmçinin dəstəmaz niyyəti ilə üzü yuma-
ğı niyyət etməyənə qədər birinci yumaq gerçəkləşməz. Odur ki, üzün hamısı-
nı bir neçə dəfə yuyub axırıncı dəfə dəstəmaz niyyəti ilə yumağı niyyət edə
bilər. Lakin ikinci yumaqda niyyətin vacib olması nəzəri, mübahisədən xali
deyil. Vacib ehtiyata əsasən, birinci yumaqdan sonra üzü və qolları dəstəmaz
niyyəti ilə olmasa belə, bir dəfədən çox yumasın.
Məsələ 248: Hər iki əli yuduqdan sonra əldə qalan dəstəmaz suyunun
yaşı ilə başın qabağına məsh çəksin. Müstəhəb ehtiyat odur ki, sağ əlin içi ilə
məsh çəksin və məshi yuxarıdan aşağıya doğru çəksin.
Məsələ 249: Alının qabağında yerləşən dörd hissədən biri başın məsh yeri sa-
yılır. Bu hissənin hər yerinə və hər nə qədər məsh çəkilərsə, kifayət edər. Lakin
müstəhəb ehtiyat odur ki, uzunluğu bir barmaq və eni üç bağlı barmaq qədəri olsun.
Məsələ 250: Məshi məhz başın dərisinə çəkmək vacib deyil, başın ön
hissəsindəki tüklərə də məsh çəkmək düzgündür. Amma başın qabağının tü-
kü darananda üzə tökülərsə, yaxud başın o biri hissəsinə çatarsa, onda tükün
dibinə məsh çəkilməlidir. Əgər üzə tökülən, yaxud başın başqa yerinə çatan
tükü başın qabağında bir yerə yığaraq məsh çəkilərsə və ya başın başqa yer-
lərinin qabağa gələn tükə məsh çəkilərsə, batildir.
Məsələ 251: Başa məsh çəkəndən sonra dəstəmaz suyunun əldə qalmış
yaşlığı ilə ayağın üstünə – barmaqlarının birinin ucundan oynağa qədər –
məsh çəkməlidir. Müstəhəb ehtiyat odur ki, sağ ayağa sağ əllə, sol ayağa isə
sol əllə məsh çəksin.
Məsələ 252: Ayağa çəkilən məshin eni hər ölçüdə olsa kifayətdir. Amma
daha yaxşısı budur ki, üç bağlı barmağın eni qədər olsun, hətta ayağın
bütövlükdə üstünə məsh çəkmək daha yaxşıdır.
Məsələ 253: Ayağa məsh çəkərkən, əli ayağın barmaqlarının ucuna qo-
yandan sonra ayağın üzərinə çəkmək lazım deyil. Əli bütünlüklə ayağın
üzərinə qoyub azacıq məsh də çəkə bilər.
Məsələ 254: Ayağa və başa məsh çəkərkən, əli onların üzərinə çəkməlidir.
Əgər əli saxlayıb başı və ayağı (hərəkət etdirib) ona çəkərsə, dəstəmaz batildir.
Amma əli çəkdiyi vaxt ayaq, yaxud baş azacıq belə hərəkət etsə, eybi yoxdur.
Məsələ 255: Məsh çəkilən yer quru olmalıdır. Əgər əlin rütubəti ona
təsir etməyəcək qədər olarsa, məsh batildir. Amma nəm olsa və ya onda olan
nəmlik əlin rütubətində itəcək qədər az olsa, eybi yoxdur.
Məsələ 256: Əgər məsh çəkmək üçün əldə rütubət qalmasa, kənar su ilə
əlini islada bilməz. Gərək, öz saqqalının yaşlığından götürüb onunla məsh