İnformasiya sistemləri menecmenti
149
üçün yığılan sərvət və qiymətlilər kimi baxılır. Statistik
məlumatlara görə, bu gün dünya üzrə investisiya qoyuluşunun
57,7% -ni maliyyə, 42,3%-ni isə material resursları təşkil edir.
İnvestisiyanın mahiyyəti onun növlərində daha geniş
izah olunur. İnvestisiya əsasən iki növə bölünür: material və
pul formalı investisiya.
Material formalı investisiya dedikdə, istehsal və qeyri-
istehsal sahələrinin yeni maşın və avadanlıqlar, ehtiyat
hissələri ilə təmin etmək, eyni zamanda, xammal ehtiyatının
artırılmasına yönəldilmiş material-texniki vəsait başa düşülür.
Pul formalı investisiya isə iqtisadi sahələrdə maddi
material bazanın, istehsal prosesinin fasiləsizliyinin təmin
edilməsinə yönəldilmiş pul kapitalıdır.
İstiqamət sferasından asılı olaraq investisiyalar üç yerə
bölünür:
1.
Real investisiya,
2.
Maliyyə investisiyası,
3.
Qeyri-maddi (intellektual) investisiya.
Real investisiya iqtisadiyyatın o sahələrinə yönəldilir
ki, orada real kapital, yəni istehsal vasitələri, maddi-material
qiymətlilər və ehtiyatların artması təmin edilsin.
Maliyyə investisiyası özündə, əsasən, səhmlərə, istiq-
razlara, digər qiymətli kağızlara və maliyyə alətlərinə qoyulan
vəsaiti əks etdirir. Bu investisiyada real maddi kapitalın
artması deyil, daha çox mənfəətin çoxalması üstünlük təşkil
edir. Mənfəətin artmasına, eyni zamanda, alqı-satqı zamanı
qiymətli kağızın məzənnəsinin dəyişməsi əhəmiyyətli təsir
göstərir. Maliyyə investisiyasının tərkibində portfel inves-
tisiya mövcuddur ki, bu da, əsasən, şəxsin yüksək gəlir əldə
etmək və müxtəlif qiymətli kağızların riskinin azaldılması
məqsədi ilə adlı formada qiymətli kağızlara qoyulan puldur.
Maliyyə investisiyaları aşağıdakı qruplara bölünür:
İnformasiya sistemləri menecmenti
150
1. Qiymətli kağızlara qoyuluşlar (o cümlədən, dövlət və
qeyri-dövlət).
2. Bank depozitlərinə və sertifikatlara qoyuluşlar.
Qeyri-maddi (intellektual) investisiya lisenziyanın
alınması, ticarət nişanının işlənməsi, elmi tədqiqat işlərinə,
işçilərin təhsil alması və ixtisas səviyyəsinin yüksəldilməsinə
yönəldilən pul vəsaitidir. İnvestisiyanın real aktivliyinin ha-
zırlanması və təhlili hər şeydən əvvəl firmanın qarşısında
duran problemin bu növ investisiyanın köməkliyi ilə həll
edilməsindən asılıdır. İnvestisiya fəaliyyətinin əsas isti-
qamətləri aşağıdakı məsələləri özündə birləşdirir:
istehsalın səmərəliliyinin yüksəldilməsinə investisiya qo-
yuluşu. Bu cür investisiyaların məqsədi firmada xərcin aşağı
salınması üçün köhnə avadanlıqların yenisi ilə əvəz edilmə-
sini, işçilərin ixtisas səviyyəsinin yüksəldilməsini, istehsalın
və əməyin səmərəli təşkilini və s. təmin etməkdən ibarətdir.
istehsalın genişlənməsinə investisiya qoyuluşları. Belə
investisiyaların qarşısında duran əsas vəzifə mövcud istehsal
prosesi miqyasında əvvəlcədən yaranmış bazar üçün əmtəə
buraxılışının həcminin və çeşidinin genişləndirilməsini həyata
keçirməkdir.
yeni istehsalın yaradılmasına investitisya qoyuluşu. Bu
tip investisiyalar yeni müəssisələrin yaradılmasına yönəldilir
və bunun əsasında çoxçeşidli və yüksək keyfiyyətli əmtəə
istehsalı həyata keçirilir ki, bu da firmanın dünya bazarına
çıxmasına imkan verir.
İnvestisiya qoyuluşunda istifadə olunan risk anlayışı
potensial investor tərəfindən qoyulmuş vəsaitin itirilməsi
deməkdir. Eyni zamanda, risk hər bir investisiya layihələrinin
reallaşdırılması gedişində ziyanın baş verməsi və ya layihənin
səmərəliliyinin aşağı düşməsi ilə nəticələnən arzuolunmaz
halların yaranması ilə əlaqədar olan qeyri-müəyyənlikdir.
Ümumi formada risk investisiya layihəsinin reallaşdırılma-
İnformasiya sistemləri menecmenti
151
sında əmələ gələn zərər və ya ziyanın ehtimalıdır. Məhz bu
baxımdan risk dərəcəsinə görə investisiya iki yerə bölünür:
etibarlı və riskli.
İnvestisiya bir sıra əlamətinə görə aşağıdakı kimi
təsnifləndirilir:
1.
İnvestisiya müddətinə görə iki yerə bölünür: qısa-
müddətli (bir ilə qədər) və uzunmüddətli (üç ildən yuxarı)
2.
İnvestisya mülkiyyət formasına görə: xüsusi (özəl),
dövlət və xarici investisyalar.
3.
İnvestisya qoyuluşlarında iştirakının xarakterinə
görə: birbaşa və dolayı investisiyalar.
Birbaşa investisiyalar dedikdə, bilavasitə maddi ob-
yektlərə qoyulan investisiyalar başa düşülür ki, bu zaman
investor investisiya obyektinin və qoyulan vəsaitin seçilməsi,
eyni zamanda idarə, edilməsində iştirak hüququ əldə edir.
Dolayı investisiyalar dedikdə, isə investisya fondu və
ya maliyyə vasitəçisinin köməkliyi ilə reallaşdırılan
investisiyalar başa düşülür. Belə investisiyalara misal olaraq
portfel investisiyaları göstərmək olar.
10.2. İnformasiya sistemlərində investisiyanın rolu və
onun xüsusiyyətləri
Hazırda informasiya sistemləri şirkətləri biznes fəaliy-
yətinin tərkib hissəsi hesab olunur və bunun vasitəsilə biznes
prosesləri həyata keçirilir. Müəssisənin informasiya sistem-
lərinin yaradılmasına və tətbiq edilməsinə çəkilən xərclər
investisiya adlanır. Menecerlər üçün bu xərclər daha əhəmiy-
yətlidir. Beləliklə, menecment nöqteyi-nəzərindən müəssisədə
informasiya sistemlərinin yaradılması və tətbiq edilməsi
prosesi investisiya layihəsidir. İnformasiya sistemləri (İS)
sahəsinin spesifikası belə layihələrlə ixtisaslaşmış şöbənin,
yəni informasiya texnologiyaları menecerlərinin fəaliyyətini
nəzərdə tutur.
Dostları ilə paylaş: |