BULUDXAN XƏLİLOV
––– 110 –––
lirikası” mövzusunda namizədlik dissertasiyası müdafiə
edəndə müdafiənin saxlanılmasını iddia edənlər də
olmuşdur. Guya əsərdə “çox böyük metodoloji səhvlər”
var. Lakin bu münasibət S.Vurğuna olan qərəzli müna-
sibət imiş. Bu vəziyyəti bilən Ə.Vəliyev gözlənilmədən
müdafiəyə gəlir. Söz alıb kürsüdən çıxış edir. Ertəsi gün
Bəxtiyar Vahabzadə Əli Vəliyevgilə gəlir və ona təşək-
kürünü bildirir. Əli Vəliyev “bəsdir” deyib onun sözünü
ağzında qoyur. “ – Onu bil ki, - dedi, - mən nə səni, nə
də S.Vurğunu deyil, haqqı müdafiə elədim. Haqqın mü-
dafiəsi üçünsə, adama təşəkkür eləməzlər. Çünki hamı
belə olmalı, hamı haqqın keşiyində dayanmalıdır”
1
.
Bəxtiyar Vahabzadənin pedaqoji görüşlərinin zirvəsi
1970-ci ildə yazdığı “Qiymət” poemasıdır. Bu poemada
Bəxtiyar Vahabzadənin müəllimlik fəaliyyəti, eləcə də
şair kimi duyğuları dil açıb danışır. Bəxtiyar Vahab-
zadənin müəllim kimi fəaliyyətini, şair kimi poetik
hisslərini təhlil etməkdənsə, poemanı olduğu şəkildə
təqdim etməyi məqsədəuyğun sayırıq. Ona görə ki, bu
poemanı dönə-dönə oxumaqla hər bir gənc, hər bir
müəllim, hər bir insan fəal vətəndaşlıq hisslərini artıra
bilər. Bu poema hər bir şagirdin, tələbənin təlim, tərbiyə
və təhsilinə müsbət təsir göstərər.
1
Mənəvi ata. – Bəxtiyar Vahabzadə. Gəlin açıq danışaq... Bakı,
Azərbaycan Dövlət Nəşriyyatı, 1988, s.144
BƏXTİYAR VAHABZADƏNİN PEDAQOJİ GÖRÜŞLƏRİ
––– 111 –––
QİYMƏT
∗
Tələbələrimə
1
Bir gün müəlliməm,
Bir gün şairəm.
Daim bir məcazda ola bilmirəm!
Mənim də qismətim beləymiş demə,
Naşükür deyiləm öz qismətimə.
Yarıya bölünür günüm saatım,
Vaxt mənim sərvətim, sonsuz varımdır.
Müəllimlik – mənim günüm, həyatım,
Şairlik - ən uca duyğularımdır.
2
İmtahan...
İmtahan götürürəm mən.
Gəlir tələbələr, gəlir birbəbir.
Hər gələn cavanın tərpənişindən
Ağlı, düşüncəsi mənə bəllidir.
Kimi cəsarətlə çəkir bileti,
Kimi qorxa-qorxa yanaşır mizə.
Kimi biliyindən umur qiyməti,
Kimi də güvənir mürvətimizə.
Kimi nişan alır əvvəldən sonu
Dediyi mətləbi hiss edir, duyur.
Kimi əzbərləyib oxuduğunu,
Danışmır,
Elə bil kitab oxuyur.
∗
Bəxtiyar Vahabzadə. Seçilmiş əsərləri. İki cilddə, ikinci cild,
Bakı, Azərbaycan Dövlət Nəşriyyatı, 1975, s.192-207
BƏXTİYAR VAHABZADƏNİN PEDAQOJİ GÖRÜŞLƏRİ
––– 113 –––
Könlüm qanadlandı.
Fikrim ucaldı,
Gəncliyin önündə alışanda mən.
Dedim: “Nə” sualı arxada qaldı,
“Neçin”dən yapışın,
İndi “Neçin”dən!
***
Mən ki, deməmişəm, Loğman Sabirin
Harda,
Hansı ildə
Doğulduğunu.
Demişəm, dilidir o, dərdimizin,
Vətən, nədən ötrü doğubdur onu...
İstərəm,
Hər cavan,
yandığım kimi,
Alışsın!
Məni də yandırsın yenə!
Mənim yana-yana dediklərimi,
Həmən yanğıyla da qaytarsın mənə.
Gəlir, bir çəlimsiz, ucaboy oğlan.
Danışır,
İnam var, inam səsində.
Məsləki görünür baxışlarından,
Ürəyi səslənir hər kəlməsində.
Üzü də tüklüdür...
Baxıram ona.
Gecəni yatmayıb, şişib gözləri.
Mənim gəncliyimi andırır mənə
Əsəbi görkəmi, yanıq sözləri...
-
Siz belə dediniz, filankəs belə,