39
yaxın olan Yusif bəyin, Şəmsinin, Pəri Peykərin, Süsən bəyin,
Şahqulu bəyin yaradıcılığına diqqət yetirməliyik. Onlar XVII
və XVIII əsr bədii düşüncəsinin, milli yaddaş modelinin
bərqərar olunması və intibah hadisəsinə çevrilməsi üçün zəmin
yaratmışlar.
Çərxi fələk urulub dönərsə,
Bəli demişəm, dönməzəm yarimdən.
Mən etməklə İsa Gögdən enərsə,
Bəli demişəm, dönməzəm yarimdən. (83, 372)
İ.Hikmət bu nümunə üzərində təhlil apararkən xüsusi
olaraq bir məsələni vurğulayır: “Hiss və həyəcanının
səmimiyyəti, dil və ifadəsinin səfvət və sadəligi bu kiçik
mənzuməsindən çıxarılan Şəmsi ayrıca və surəti-şəxsiyyədə
tədqiqi icab edən bir şəxsiyyətdir” (83, 372). M.P.Vaqif məhz
bu tədrici prosesdə ədəbiyyatda öünə yer alan türk şeir
ənənəsinin, milli düşüncə bərpasının faktı kimi ortaya
çıxmışdır. Bir növ bədii məkanda üçüncü oyanış, intibah
hadisəsinin memarı olmuşdur. “Kitabi-Dədə Qorqud”,
“Koroğlu”, “Tahir-Zöhrə”, “Qurbani”, “Şah İsmayıl”, “Əsli və
Kərəm”, “Abbas və Gülgəz” və s. kimi milli modelin üzərində
dayanmışdır. N.Cəfərov bu proseslərin siyasi, ictimai, mədəni
mənzərəsini izləyərək maraqlı qənaətlərlə mahiyyətə diqqət
yetirir: “XVI əsrin sonu, XVII əsrin əvvəllərindən etibarən
milli dövlətini (bu dövlət yeri gələndə xalqı amansızcasına əzsə
də) itirən xalq milli mədəniyyətini itirmək təhlükəsini hiss edir,
ona görə də şedevrlər yaratmaqla onu qoruyur. “Koroğlu”,
“Əsli və Kərəm”, “Aşıq Qərib”, Abbas Tufarqanlı, Sarı Aşıq,
Molla Nəsrəddin lətifələri... O ki qaldı S.Təbrizi, Q.Təbrizi,
40
Məsihi kimi klassik üslub tərəfdarlarına, əslində, onlar intibah
ədəbiyyatı qarşısında hər halda gücsüz görünürlər. XVI əsrin
sonlarından etibarən tarixi-ictimai fikir daha ardıcıl şəkildə
milli problemlər üzərində düşünür; məsələn, I Şah Abbasın
saray tarixçisi İsgəndər bəy Münşinin “Tarixi-aləmarayi-
Abbasi” kitabında “yerli tarix”ə xüsusi diqqət yetirilir” (24,
125). Əlbəttə yuxarıda sadalanan adlar (“Koroğlu”dan Molla
Nəsrəddin lətifələrinə qədər) Azərbaycan, geniş mənada türk
bədii düşüncəsinin şedevrləridir və milli düşüncənin
qorunuşuna və oyanışına hesablanmışdır. Yeni yolun
başlanğıcının, milli nitq etigetlərinin, nitq janrlarının, xalq
düşüncəsində olanların, ilkin təsəvvürlərdən, mif dərkindən
olanların oyanışı və hərəkətliliyi orta əsrlərin yüz illər boyu
hakim olan mədəniyyətinə öz əlavələrini, yeni başlanğıcın
(əslində bu yeni də deyildir və bir qədər diqqət yetirsək islamın
gəlişində arxa plana keçirilənlərdi), tarixi mövcud olanın
oyanışı idi. Milli mədəniyyətin qoruyuculuq missiyası bütün
zamanlarda vəziyyətindən, tendensiyaların, siyasi ideolojilərin
dəyişməsindən asılı olmayaraq xalqın üzərinə düşür. Onun
aparıcı xəttə yönləndirilməsi isə yüz illəri, bəzən isə daha
böyük zamanları əhatələyir. Ona görə də bir xalqda iki
mədəniyyətin eyni funksionallığı, eyni müstəvidə qəbulu və
aparıcı mövqedə dayanışı bir konsepsiya kimi mümkünsüzdü.
Biz ərəbdilli poeziyanı, muğam mədəniyyətini özümüzünkü
olmaqla böyük mədəniyyətin, yaratdığımız şedevrlərin bir
istiqaməti kimi qəbul edirik. Özümüzünküləşdirməklə orta
əsrlərin dərinliklərindən daşıyıb günümüzə gətiririk və ona öz
əlavələrimizi edirik. Nizami dühası, Füzuli möhtəşəmliyi məhz
buradan pərvazlanıb və əlavələrlə, böyük istedad faktları ilə
ona rəng, çalar qatıb, imkanlarını daha da genişləndiribdir.
41
Azərbaycan ədəbiyyatında ərəb və farsdilil mərhələ
təsəvvürünü ortaya qoyubdur. Ancaq bu ikili xətlə yanaşı, XIII
əsrdən başlayaraq anadilli ədəbiyyatın inkişafı konsepsiyası
ortaya qoyuldu. Sırf zərurət və gözlənilən kimi ortaya çıxan
İ.Həsənoğlu yaradıcılığı, “Dastani-Əhməd Harami”, İsanın
«Mehri və Vəfa»sı, Suli Fəqihin «Yusif və Züleyxa»sı, Qul
Əlinin “Qisseyi-Yusif”i əruzun janr prinsipləri, poetik sistemi
üzərində nizamlansa da, burada dil məsələsi, oyanışın bərpa
olunması, pozulmuş nizamın qayıdışı kimi ciddi məsələlər
vardır. “Dastani-Əhməd Harami”nin bütün məzmun formulası
məhs milli təhkiyənin mexanizmləri, “Kitabi-Dədə Qorqud”un
zəngin fakturası əsasında nizamlanmışdır. Biz tez-tez intibah
terminini vurğulayırıq və onun nümunəsi olaraq N.Gəncəvini,
M.Füzuluni, M.P.Vaqifi qeyd edirik. Ancaq Azərbaycan
müstəvisində milli intibahın canlanması və başlanğıc prosesi
bütün parametrləri ilə XIII əsrə dayanır. Milli mədəniyyətin,
etnosun milli ədəbiyyat təsəvvürünün oyanış və hərəkətlilik
dövrü kimi bu əsr boy göstərir. Düzdür, bu əsrdə prosesin
gedişi və təkamül tendensiyası elə də qabarıqlığı, zənginliyi ilə
aparıcı mövqeyə çıxa bilmədi, ancaq gediş üçün əsas oldu.
M.V.Vidadi və M.P.Vaqifə gələn yolun sistemini və zərurət
kimi aparıcılığını müəyyənləşdirdi.
Bu dastanı bu gün bünyad edəlim,
Haqqın qüdrətlərin biz yad edəlim. (34, 19)
və yaxud da:
İkinci məclisə avaz edəlim,
Yenə Əhməd Həramiyə gedəlim. (34, 36).
42
Bu ənənə artıq XIII əsrdə bir xətt olaraq klassik
ədəbiyyatın düşüncə formalarının gərəkli istiqamət olaraq
dastançılıqdan, epos təfəkküründən qaynaqlandığını göstərən
faktdır. Anadilli ədəbiyyatın yaranması, yazılı ədəbiyyatda
pozulmuş haqqın bərpası idi. Burada eyni zamanda bütün
formullar onu da əlavə edək ki, mahiyyətin müəyyənliyi
xəttində təkcə dil faktı kimi böyük dəyərlə xarakterizə
olunmur. Digər tərəf həmin dil faktından gələn və onunla birgə
addımlayan bədiilik elementlərinin çoxluğudur. Əlbəttə milli
mədəniyyətin qorunuşunun əsas dayağı və yaşadıcısı xalq və
xalq təfəkkürünün müəyyənləşdirdiyi sənət sistemi idi. Klassik
ənənədən gələnlər, ərəb və farsdilli ədəbiyyatın prinsiplərinə
dayananlar milli ədəbiyyat üçün əsaslı qaynağa çevrilə bil-
məzdi. Məhz M.F.Axundovun, H.Zərdabinin, F.Köçərlinin,
S.Mümtazın, İ.Hikmətin, Ə.Abidin, S.Hüseynin və bu sıradan
digərlərinin milli ədəbiyyat məsələsi bu konsepsiyadan qayna-
ğını almaqla Vaqif mərhələsini ortaya qoymuşdur. Əslində
həqiqət belədir. Düzdür, sonrakı ədəbi-nəzəri fikir, eləcə də
çağdaş ədəbiyyatşünaslıq bu məsələdə daha geniş yanaşmaları
ciddiyyətə gətirir. Bütün olanları Azərbaycan ədəbiyyatı
tarixinin faktı kimi qiymətləndirmək, şərh etmək yolunu tutur.
Lakin əsrin əvvəllərindəki, eləcə də XIX əsrin son rübündəki
yanaşmalar milli mədəniyyət faktorunda M.V.Vidadi,
M.P.Vaqif intibahını bütün baxış bucaqlarından keçirməklə
fakt kimi meydana atmışlar. S.Vurğun vurğulayırdı ki,
Sən ana torpağı qarış-qarış gəz,
Hər daşın altında bir gövhər axtar.
Eşqinə, qəlbinə yad ola bilməz,
Vətən sevgisilə yanan sənətkar.
Dostları ilə paylaş: |