Ishchi kuchi migratsiyasi
Yüklə 1,32 Mb. Pdf görüntüsü
|
| 6.
Nisbiy yo‘qotishlar nazariyasi 7. Osmosis nazariyasi * Jadval muallif tomonidan ishlab chiqilgan Demak, ijtimoiy tomondan ko‘radigan bo‘lsak,migratsiya ishchilarning, ya’ni mehnat resurslarining bir xududdan boshqa bir xududga ko‘chib yurishi bo‘lsa, iqtisodiy tomondan yondashadigan bo‘lsak, ijtimoiy mazmuni bilan bog‘langan holda iqtisodiyotning xududlararo tarmoqlarida band aholining ko‘chish tushuniladi. Hozirgi kunga kelib ijtimoiy mehnat migratsiyasiga mehnat sotsiologiyasi hamda demografiyasiga tayangan holda ta’rif ishlab chiqilgan. Bunday ta’rif Xalqaro Mehnat Tashkiloti va Xalqaro Migratsiya Tashkiloti tomonidan ishlab chiqilgan. Unga ko‘ra «mehnat migrantlari – bular, insonlarning biror bir xududdan u o‘zi istiqomat qiladigan mamlakat miqyosidami yoki ruxsat etiladigan mamlakatgami, ko‘chib iqtisodiy faoliyat bilan shug‘ullanadigan qismi» 142 . Xulosa qilib aytganda, migratsiya, har qanday ob’ektiv jarayon singari, aniq miqdoriy xususiyatlarga va parametrlarga ega. Bu holat migratsiya masalalarining turli jihatlari bo‘yicha farqlanadi va turli xil iqtisodiy, ijtimoiy, etnomadaniy, demografik, geografik va boshqa qator o‘zgaruvchilar muxim o‘rin tutadi. Ba’zan bunday parametrlarni ayniqsa, nozik etnomadaniy indikatorlar bilan ishlash zarurati tug‘ilganda o‘lchash va aniqlash qiyin. Zero, bugungi kunda respublikada migratsiyani hisoblash va rejalashtirish uchun har doimgidan ham aniq miqdoriy usullar bilan ishlash zarurdir. Qator mintaqalarda ushbu hisob-kitoblar mintaqaviy xususiyatlarni va allaqachon joylashib olgan migrantlarning hozirgi etnik va kasbiy tarkibini hisobga olgan holda yuqori darajada ixtisoslashgan parametrlarga muvofiq amalga oshirilishi kerak. Ammo bundan ham muhim vazifa - bu aniq hisob-kitoblar bilan tasdiqlangan ilmiy asoslangan holat sifatida tushunilishi kerak bo‘lgan, mamlakat miqyosida amal qiluvchi yagona migratsiya konsepsiyasini ishlab chiqishdir. Bunday konsepsiya faqat mamlakatning hozirgi bosqichidagi rivojlanish dinamikasini va migratsiya sohasidagi global tendensiyalarni aniq tavsiflovchi parametrlar asosida shakllantiriladi. Yüklə 1,32 Mb. Dostları ilə paylaş:
|