İ N F O R M A T İ K A
____________________________________________________________ 391
Altşəbəkə ünvanı;
Altşəbəkədə kompüterin ünvanı.
Ünvanda latın hərflərindən, rəqəmlərdən və digər simvollardan istifadə
etməyə icazə verilir. Kompüterdə öz ünvanları olan istənilən sayda qeydə alınmış
istifadəçilər ilə yanaşı istifadəçi domendə bir neçə ünvana malik ola bilər
(domenin biri şəxsi məktublaşmaq üçün, digəri isə rəsmi məktublaşmaq üçün
istifadə olunur). Bundan əlavə müxtəlif kompüterlərdə yerləşmiş bir neçə
ünvanlara da malik olmaq mümkündür.
Ölkəni xarakterizə edən yuxarı səviyyəli altdomen adətən 2 hərfdən ibarət
ola bilər: az – Azərbaycan, ru – Rusiya, ca – Kanada, uk – Böyük Britaniya, ua –
Ukrayna, de – Almaniya və s.
ABŞ-da digər sistemdən istifadə edilir. Yuxarı səviyyənin altdomeni 3
hərfdən ibarət olur və o, aşağıdakı sinfə məxsus istifadəçini göstərir:
com – kommersiya təşkilatları;
edu – tədris və elmi təşkilatlar;
gov – dövlət təşkilatları;
mil – hərbi təşkilatlar;
net – şəbəkə administratoru;
org – digər təşkilatlar.
Rusiya ikinci səviyyə altdomeni şəhər və ya regionları göstərir:
mck – Moskva;
spb – Sankt-Peterburq;
nsk – Novosibirsk.
Veb sənədlərin ünvanlaşdırılması
. Konkret Veb səhifəyə baxış keçirmək
üçün onun ünvanını vermək tələb olunur. Bu məqsədlə unifikasiyalı resurs
göstəricisindən istifadə edilir. Unifikasiyalı resurs göstəricisi vasitəsilə nəinki Veb
səhifələri, həmçinin İnternetin digər resurslarını, məsələn, FTP fayl-serverlərini və
Gopher-in ünvanlarını, kompüterin domen adını və faylın vacib olmayan
xüsusiyyətlərini göstərmək olar.
Məsələn, unifikasiyalı resurs göstəricisinin tərkibinə daxil olan
ttp://www.firma.ru/catalog/document/htm-də komponentlərin bəzi səhifələri
aşağıdakı məna daşıyır:
http - ünvanlaşdırma zamanı istifadə olunan protokol;
www.firma.ru - kompüterin domen adı;
catalog/document/htm - faylın spesifikası.
Lazımi istinadı etmək üçün mümkün olan resursların tipləri aşağıdakı
cədvəldə verilmişdir:
RESURSUN TİPİ
ÜNVSANDA GÖSTƏRİCİ
Veb səhifə
http://
Fayl
file://
Multimedia
http://
İ N F O R M A T İ K A
____________________________________________________________
392
Elektron poçtu
@
FTP - server
ftp://
Gopher-server
gopher://
UseNet
news:
TelNet
telnet://
Əgər unifikasiyalı resurs göstəricisinin ünvanını göstərən zaman, faylın
spesifikasiyası göstərilməyibsə, o zaman həmin Veb server üçün səhifə özü açılır.
Veb səhifələrlə işləmək üçün əsasən aşağıdakı əməliyyatlar ardıcıllığını
yerinə yetirmək lazımdır:
Sənədlin adı;
Kodlaşdırmanın dəyişdirilməsi;
Hiperistinadlar vasitəsilə lazımi səhifəyə keçid;
Seçilmiş sənəd faylının saxlanılması;
Sənədin çap edilməsi.
Sənədin açılışında iki hal ola bilər. Əgər sənədin ünvanı məlum deyilsə,
yalnız tələb olunan informasiyanın xarakteri məlum olarsa, bu halda axtarış
sistemlərinin birinə müraciət etmək lazımdır. Internet Explorer-in pəncərəsində
açılmış
Veb-səhifə
ekranda düzgün təsvir olunmadıqda səhifələrin
kodlaşdırılmasının dəyişdirilməsini yerinə yetirmək lazımdır.
Hiperistinad vasitəsilə sənədin lazım olan səhifəsinə keçid – hiperistinad
işarələr üzərində mausun sol düyməsini sıxmaqla yerinə yetirilir. Hiperistnad digər
sənədlərin səhifələrinə də istinad edə bilir.
TCP/IP PROTOKOLLARI AİLƏSİ
Artıq qeyd edildiyi kimi, TCP/IP protokolları müxtəlif səviyyəli
kommunikasiya protokollarının tam ailəsini əhatə edir. Bura aşağıdakılar aiddir:
IP (Internet Protocol) – şəbəkələrarası protokol;
TCP (Transmission Control Protocol)- baza nəqliyyat protokolu;
UDP (User Datagram Protocol)- TCP protokolundan fərqlənən ikinci
nəqliyyat protokolu;
ARP (Address Resolution Protocol)- IP və Ethernet ünvanlarının
uyğunluğunu müəyyən etmək üçün istifadə edilir;
SLIP (Serial Line İnternet Protocol)- telefon xətti ilə verilənlərin
ötürülməsinin kanal protokolu;
PPP (Point to Point Protocol)- “məntəqədən məntəqəyə” məlumat
mübadiləsinin kanal protokolu;
FTP (File Transfer Protocol) – fayl mübadiləsinin tətbiqi protokolu;
Telnet –virtual terminalın emulyasiyasının tətbiqi protokolu;
DNS (Domain Name System)- domen adları sistemi;
RIP (Routing Information Protocol)- marşrutlaşdırma protokolu;
İ N F O R M A T İ K A
____________________________________________________________ 393
NFS (Network File System)- paylanmış fayl sistemi və şəbəkə çap sistemi;
SNMP (Simple Network Management Protocol)- şəbəkəni idarə edən sadə
protokol.
Kanal səviyyəsinə SLIP və PPP protokolları, şəbəkə (şəbəkələrarası)
səviyyəsinə IP və ARP protokolları, nəqliyyat səviyyəsinə TCP və UDP protokolları
aiddir.
QLOBAL ŞƏBƏKƏLƏR
Ərazi kompüter şəbəkələri də adlandırılan qlobal şəbəkələr (Wide Area
Networks - WAN) böyük ərazilərdə, məsələn, oblast, region, dövlətlər, kontinent
və ya bütün Yer kürəsində yayılmış çoxlu sayda abonentlərə xidmət etmək üçün
yaradılıb. Əlaqə kanallarının uzunluğunun böyük olmasına görə qlobal şəbəkələrin
qurulması böyük xərclər tələb edir. Bura kabellərin və onların çəkilmə işlərinin
qiyməti, kommutasiya avadanlıqlarının və kanalın lazımi keçirmə zolağını təmin
edən aralıq gücləndirici qurğuların xərcləri, həmçinin böyük ərazilərdə yayılmış
şəbəkə qurğularının işçi vəziyyətdə saxlanması və istismarı xərcləri daxildir.
Qlobal şəbəkələr adətən böyük telekommunikasiya şirkətləri tərəfindən
abonentlərə pullu xidmət etmək üçün yaradılır. Qlobal şəbəkələrin qiymətinin
baha olmasını nəzərə alaraq istənilən tip verilənləri: kompüter verilənləri, telefon
danışıqları, fakslar, teleqramlar, televiziya görüntüləri, telemətn (iki terminal
arasında verilənlərin ötürülməsi), videomətn (şəbəkədə saxlanılan verilənlərin öz
terminalına ötürülməsi) və s. ötürə bilən vahid qlobal şəbəkənin yaradılması
daima diqqət mərkəzindədir.
QLOBAL ŞƏBƏKƏNİN STRUKTURU
Qlobal hesablama şəbəkələri müəssisədə olan və ya uzaq məsafədə
yerləşən, həmçinin informasiya mübadiləsinə ehtiyacı olan bütün abonentlər
arasında əlaqə yaratmaq imkanına malik olmalı və kompleks xidmətlər
göstərməlidir. Qlobal kompüter şəbəkəsinin ümumiləşdirilmiş struktur sxemi
aşağıdakı şəkildə göstərilib.
Qlobal hesablama şəbəkəsi biri-biri ilə əlaqədə olan üç altşəbəkədən
ibarətdir:
Verilənləri ötürmə şəbəkəsi –VÖŞ;
EHM şəbəkəsi;
Terminal şəbəkəsi.
Verilənləri ötürmə şəbəkəsi əlaqə kanalları və əlaqə qovşaqlarından ibarət
olub EHM-lər arasında informasiya mübadiləsini yerinə yetirmək üçün nəzərdə
tutulub.