I. Bob Kompyuterda proeksion, mashinasozlik chizmachiliklariga oid vazifalarni

Kurs ishi mavzusining dolzarbligi: O’zbekiston Respublikasining ta’lim sohasidagi hujjatlarini o’rganish, didaktikada qabul qilingan tadqiqot metodlari, didaktika, arxitektura qurilish chizmachiligi, topografik chizmachilik, chizmachilik va tabiiy fanlarni o’qitishda “metodik qo’llanma yaratishni rivojlantirish” tushunchasi va bu faoliyatga yordam beruvchi usul va metodlarning nazariy tahlili; ilmiy muammoga aloqador muhandislik amaliyoti, elektron qo’llanma, vertual stend, darslik, metodik qo’llanma va didaktik materiallar tahlili; arxitektura qurilish chizmachiligini o’qitishda foydalanilayotgan grafik dasturlarni ko’rilayotgan muammo nuqtai nazaridan tahlili; ilg’or muhandis pedagog o’qituvchilarining darsini kuzatish, o’qituvchi va talabalar bilan so’rovnomalar o’tkazish, tajribasinov ishlarini olib borish va ulardan olingan natijalarni matematik-statistik jihatdan baholash. Bu o’z o’rnida tanlangan mavzuning dolzarb ekanligini yana bir bor tasdiqlaydi.
Kurs ishining maqsadi. Arxitektura qurilish chizmachiligini o’qitish nazariyasi va amaliyotini har tomonlama tahlil qilish va arxitektura qurilish chizmachiligini o’qitish jarayonida talabalar bilimlarini rivojlantirishning ilmiy asoslangan metodlarini ishlab chiqish va tajriba-sinov o’tkazish asosida ilmiy-metodik tavsiyalar tayyorlashdan iborat.
Kurs ishining vazifasi:
1. Bo’lajak muhandislik grafika o’qituvchilarining - muhandislik grafikasi bo’yicha kasbiy tayyorgarligi tizimi mazmunining nazariy va amaliy holatini o’rganish va taxlil qilish.
2. Arxitektura qurilish chizmachiligi fanidan talabalarning bilimlarini takomillashtirishda zamonaviy metodlar bilan ishlash va ularni rivojlantirish mumkin bo’lgan imkoniyatlarini aniqlash.
3. Arxitektura qurilish chizmachiligini o’qitish jarayonini bevosita qurilish inshootlari ob’yektlari bilan bog’lash metodikasini ishlab chiqish va ishlab chiqilgan metodika samaradorligini amaliyotda sinab ko’rish.
4. Talabalarning bilim darajasini oshirish va rivojlantirishga yo’naltirilgan metodlarni mazmun-mundarijasini aniqlash, yaratish va samaradorligini pedagogik tajriba-sinovda tekshirib ko’rish.
5. Qurilish chizmachiligini o’qitish bo’yicha ilmiy-metodik tavsiyalar ishlab chiqish va amalda sinab ko’rish.