Fizika-matematika

SONLI RO'YXAT USTIDA SODDA AMALLAR
Pythonda ro'yxatlar ustida ba'zi sodda amallarni ham bajarish mumkin. Misol uchun ro'yxatdagi eng kichik sonni topish uchun min() funktsiyasidan, eng katta sonni topish uchun esa max() funktsiyasidan, sonlarning yig'indisini topish uchun esa sum() funktsyasidan foydalansak bo'ladi:
narhlar = [12000, 22500, 23456, 9800, 5600, 9934, 32874]
arzon = min(narhlar)
qimmat = max(narhlar)
jami = sum(narhlar)
print("Eng arzon narh ", arzon, ". Eng qimmati ", qimmat, ". Jami: ", jami)
Natija: Eng arzon narh 5600 . Eng qimmati 32874 . Jami: 116164
RO'YXATNI KESISH
Ba'zida ro'yxatning ma'lum bir bo'lagini ajratib olish talab qilinishi mumkin, deylik biz quyidagi cars degan ro'yxatdan birinchi 3 ta elementni ajratib olmoqchimiz, buning uchun biz boshlang'ich va oxirgi indekslarni beramiz:
cars = ['bmw','mercedes benz', 'volvo', 'general motors', 'tesla', 'audi']
my_cars = cars[0:3] # 0-indeskdan boshlab 3 ta element ajratib olamiz
print(my_cars)
Natija: ['bmw', 'mercedes benz', 'volvo']
Bu usul bilan ro'yxatning istalgan joyidan bo'lishimiz mumkin:
print(cars[2:5]) # 2-3-4-elementlarni ajratib olamiz (5 kirmaydi)
Natija: ['volvo', 'general motors', 'tesla']
Agar boshlang'ich indeksni bermasangiz, Python avtomat ravishda 0 indeksdan boshlab kesadi. Agar 2-indeksni kiritmasangiz, ro'yxat oxirigacha kesadi:
print(cars[:4]) # Ro'yxat boshidan 4-gacha kesadi (0,1,2,3)
print(cars[2:]) # 2-elementdan boshlab ro'yxat oxirigacha kesib oladi
Natija:
['bmw', 'mercedes benz', 'volvo', 'general motors']
['volvo', 'general motors', 'tesla', 'audi']
RO'YXATDAN NUSXA OLISH
Dastur davomida biror ro'yxatdan nusxa olish talab qilinishi mumkin. Buning uchun biz tenglik(=) belgisidan foydalansak bo'ladimi? Quyidagi misolga e'tibor bering:
sonlar = [1, 2, 3, 4, 5] # donlar degan ro'yxat yaratamiz
sonlar2 = sonlar # sonlar2 degan ro'yxatni sonlar ga tenglaymiz
sonlar2.append(6) # sonlar2 ga 6 sonini qo'shamiz
sonlar2.append(7) # sonlar2 ga 7 sonini qo'shamiz
print("Bu sonlar ro'yxati:", sonlar)
print("Bu sonlar2 ro'yxati:", sonlar2)
Natija:
Bu sonlar ro'yxati: [1, 2, 3, 4, 5, 6, 7]
Bu sonlar2 ro'yxati: [1, 2, 3, 4, 5, 6, 7]
Natija biz kutgandek chiqdimi? Yo'q. Biz 6 va 7 sonlarini sonlar2 degan ro'yxatga qo'shgan edik, lekin bu ikki son sonlar degan asl ro'yxatga ham qo'shilib qoldi.
Demak yuqorida biz sonlar2=sonlar deb yozgan komandamiz yangi ro'yxat yaratish o'rniga, ikkala o'zgaruvchini ham bitta ro'yxatga bog'lab (yo'naltirib) qo'ydi. Biz sonlar yoki sonlar2 ustida bajargan amallarimiz aslida bitta ro'yxat ustida bajarilyapti.

Unda, qanday qilib ro'yxatdan nusxa olamiz? Buning uchun yuoqirdagi ka'bi ro'yxatni kesish usulidan foydalanamiz. Faqatgina, kvadrat qavs ichida ikkala indeksni ham ko'rsatmasdan, bo'sh qoldiramiz:
sonlar = [1, 2, 3, 4, 5] # donlar degan ro'yxat yaratamiz
sonlar2 = sonlar[:] # [:] ro'yxatni to'liq ko'chirib oladi
sonlar2.append(6) # sonlar2 ga 6 sonini qo'shamiz
sonlar2.append(7) # sonlar2 ga 7 sonini qo'shamiz
print("Bu sonlar ro'yxati:", sonlar)
print("Bu sonlar2 ro'yxati:", sonlar2)
Natija:
Bu sonlar ro'yxati: [1, 2, 3, 4, 5]
Bu sonlar2 ro'yxati: [1, 2, 3, 4, 5, 6, 7]