Fərdi qarajlar, mehmanxana, yataqxana, yaşayış evləri və inzibati binalar üçün yanğın təhlükəsizliyi Qaydaları

---

Qoşma № 1

Mehmanxanaların, yataqxanaların, inzibati müəssisələrin xidməti heyəti üçün yanğın texniki hazırlığı proqramı

Mövzu № 1. Yanğın təhlükəsizliyinin təşkilati tədbirləri – 1 saat

Mehmanxana, yataqxana və inzibati binalarda yanğınların baş vermə səbəblərinin qısa təhlili. Azərbaycan Respublikası yanğın təhlükəsizliyi haqqında qanunun məzmunu və mənası.

Yataqxanaların, mehmanxanaların və inzibati binaların xidməti heyətinin yanğın təhlükəsizliyinə görə məsuliyyəti.

Binada və müəssisədə yanğına qarşı rejimin saxlanılmasında xidməti heyətin rolu.

İlkin və təkrar təlimatlar: fəhlələri, xidmətçiləri və xidməti heyəti yanğın təhlükəsizliyi tədbirləri və yanğın zamanı hərəkətlər haqqında təlimatlandırmaq. İş günü qurtardıqdan sonra otağın yığışdırılması və otağın bağlanması qaydası.

Yanğının xəbərdar edilməsi işinə geniş ictimaiyyətin cəlb edilməsi metodları və forması.

Yanğın-texniki komissiyasının və könüllü yanğınsöndürmə cəmiyyətinin yaradılması, onların qarşısında duran tapşırıqlar və təcrübə fəaliyyətləri haqqında qısa məlumat.

Yanğın təhlükəsizlik qaydalarının pozulmasına görə məsuliyyət.

Mövzu № 2. Yataqxanalarda, mehmanxanalarda və başqa ictimai binalarda yanğın təhlükəsizlik tədbirləri – 3 saat

Kütləvi insanlar toplaşan binaların yanğın təhlükəsinin xüsusiyyətləri — mehmanxanaların, yataqxanaların, ictimai binaların, otaqların ərazisinin, keçidlərin saxlanmasına, binaların xarici yanğın pilləkənlərinə və su təchizatı mənbələrinə sərbəst yaxınlaşması üçün yanğına qarşı tələblər.

Köçürmə (təxliyyə) yollarının, pilləkən qəfəslərinin, eyvanların, keçidlərin və s. saxlanılmasına olan tələblər.

Köçürmə planının tərtib olunmasının xüsusiyyətləri (hər nömrədə fərdi planın mövcudluğu köçürmə yollarının işarə olunması və ən yaxın köçürmə çıxışlarına hərəkətin istiqamətləri və s.) yataqxanalarda və mehmanxanalarda yaşayanların və xidməti heyətin təlimatlandırılması.

Mehmanxanalarda yaşayan sakinlər üçün yanğın təhlükəsizliyi qaydaları haqqında yaddaş kitabçası.

Açıq odun tətbiq edilməsi ilə təmir və tikinti işlərinin icra olunması zamanı yanğına qarşı rejim (qaynaq, donmuş boruların qızdırılması və s.)

İsitmə qurğularının, su qızdırıcıların, məişət elektrik qurğuların, (ütü, çaydan, soba və s.), televizorların, radioqəbuledicilərin istismarı zamanı yanğın təhlükəsizliyi tədbirləri; aerozol preparatların və kimyəvi-məişət əşyalarının istifadəsi zamanı yanğın təhlükəsizliyi tədbirləri. Yüksək mərtəbəli binalara dair yanğın təhlükəsizliyinin xüsusi tələbləri.

Mehmanxanalarda, yataqxanalarda xüsusi mühəndis qurğularının yerləşdirilməsi və tanış olmaq və yanğın zamanı bu qurğulardan istifadə etmək (avtomatik yanğın xəbərverici cihazları, tüstü xaric edən və artıq hava təzyiqi sistemləri, təxliyyə bazaları, eyvanlar və ya qonşu bölmələrin (seksiyaların) lodciyaları ilə keçidlər, tüstülənməyən pilləkən qəfəsələri).

Mövzu № 3. İnsanların yanğın təhlükəsizliyinin təmin edilməsi. Yanğın zamanı hərəkətlər – 2 saat

Yataqxanalarda və mehmanxanalarda yaşayan sakinlərin, müəssisələrin və təşkilatların əməkdaşlarının yanğın təhlükəsizliyinin əsas qanunları ilə və şəxsi təhlükəsizlik tədbirləri ilə tanış edilməsi. İnsanların təhlükəsizliyini təmin edən konstruktiv-planlaşdırmanın həlli (köçürmə yollarının bəzədilməsi üçün yanar və yanğın zamanı zəhərli tüstü əmələ gətirən materialların istifadə olunmasının qadağan edilməsi, köçürmə yollarının yuxarı mərtəbələrini, köçürmə bacalarının, lodjiyaların və eyvanların saxlanılması və s.) Yanğının xəbər verilməsində avtomatik yanğın xəbərvericilərin təyinatı. Tüstü sorucu və artıq hava təzyiqi sistemləri. İşləmə prinsipi, yerləşdirilməsi. Tüstü sorucu sistemin işə salınması. Yanğın baş verdikdə xidməti heyətin vəzifə borclarının bölüşdürülməsi (yanğın haqqında xəbər verilməsi, insanların köçürülməsi və yanğının söndürülməsinə aid digər hərəkətlər).

Yanğının söndürülməsi üçün kömək gələnə qədər yanğını aşkar edən şəxslərin hərəkətləri.

Mövzu № 4. Yanğınsöndürmə vasitələri – 1 saat.

Odsöndürənlərin istismarı və iş prinsipi haqqında, onun quruluşu və təyinatı haqqında məlumat. Odsöndürənlərin işə salınması və yanğının söndürülməsi üçün istifadə olunması. Daxili yanğın kranlarının təchizatı, quruluşu və təyinatı haqqında anlayış. Yanğın zamanı onların istifadə olunması və istismarı qaydaları. Binalarda xüsusi qurğulara texniki xidmət göstərilməsi və saxlanması (rabitə vasitələrinə, avtomatika sisteminə və s.).

---

Qoşma 2

Fərdi köçürmə planı

1. Mehmanxananın hər bir nömrəsi fərdi köçürmə planı və yanğın zamanı davranış qaydaları haqqında yaddaş kitabçası ilə təchiz olunmalıdır.

2. Mərtəbənin planında göstərilməlidir:

• 
  pilləkən qəfəsələri, liftlər və lift xolları, otaqlar, eyvanlar, xarici pilləkənlər, həmçinin pilləkən qəfəsələrinin, lift xollarının qapıları və köçürmə yollarında yerləşən qapılar. Mərtəbənin planı artıq əşyalarla tutulmamalıdır.
  

3. Köçürmə planı üçün nəzərdə tutulmuş otağın üstündə «sizin nömrə» yazısı ilə qeyd olunur.

4. Plan üzərində əsas köçürmə yolu bütöv, ehtiyat yolu isə qırıq xətlə göstərilir. Bu xətlər mərtəbə planından iki dəfə qalın və yaşıl rəngdə olmalıdır.

4.1. Mərtəbələrdə əsas köçürmə yollarını xaricə keçidi olan pilləkən qəfəsəsi tərəfinə, həmçinin müvafiq mərtəbədən binanın birinci mərtəbəsinə aparan pilləkən qəfəsəsinə istiqamətləndirmək lazımdır.

Əgər iki pilləkən qəfəsəsinin tüstüdən və oddan qoruma səviyyələri eynidirsə, onda əsas köçürmə yolu ən yaxşı pilləkən qəfəsəsinə istiqamətləndirilir.

4.2. Köçürmə yolunu göstərən xəttlər otaqdan təhlükəsiz çıxış yerinə qədər və ya bilavasitə bayıra kimi çəkilməlidir.

5. Mərtəbənin planında simvollar vasitəsi ilə otaqlarda yerləşən xəbərvericilərin düymələri, mərtəbə növbətçisinin telefonu, yanğınsöndürənlərin yanğın kranlarının, avtomatik yanğın söndürən qurğuların işə salma düymələrinin yerləri göstərilir.

5.1. İşarələr elə göstərilməlidir ki, onları dəqiq görmək mümkün olsun.

5.2. İşarələrin açılışı mərtəbənin planının altında milli və rus dillərində, həmçinin xarici vətəndaşları qəbul edən mehmanxanalar üçün ingilis və alman dillərində verilməlidir.

5.3. İşarələrin açılışı mətninin hərflərinin hündürlüyü 7 mm, eni isə 5 mm-dən az olmamalıdır.

6. Fərdi köçürmə planı otaqlarda şüşənin altında görünən yerdə; planın ölçüləri 12 formatdan kiçik olmamaq şərti ilə yerləşdirilir.

7. Mehmanxana (mərtəbə) üzrə məsul növbətçi sakinləri qeydə almazdan əvvəl, yanğına qarşı vasitələrlə və çıxış yolları vəziyyəti ilə tanış olmalıdır.