95
tapır. Yəni başqa bir sözlə klassik anlayış dəyişən çağla birlikdə dəyişən gündəlik həyatın ehtiyaclarını
erkən dövr sənətinin qarşılayamaması ilə ortaya çıxmışdır. Bu xüsusiyyətinə görə klassik Osmanlı
memarlığında tikilinin ən əhəmiyyətli xüsusiyyəti funksionallığıdır. Memarın məqsədi isə funksionallığı
azaltmayacaq ölçüdə yaradıcılıq xüsusiyyəti də olan abidələr inşa edə bilməkdir(2, s.79).
Beləliklə Klassik Dövr strukturlarında şişirtmədən qaçınıldı, sadə və tarazlı kompozisiyalar
yaradılmağa başlandı. XV əsrdən XVI əsrə qədər olan dövrdə (memarlıq xalqın ehtiyaclarına cavab
verən bir vasitə olaraq ələ alınması və xüsusi mülkiyyət anlayışının var olmamasına görə) ictimai
strukturlar ilk planda gəlirdi. Yerləşdiyi yerdə, xalqın bütün ehtiyaclarına cavab verəcək strukturlar
kompleksi olan külliyələrin inşası sürətini artırdı. Beləliklə həm şəhərləşmə nəzarət altına alınmış
oldu, həm də dövlət ictimai öhdəliklərini bir dəfədə yerinə yetirmiş oldu. Həmçinin bu strukturlar
vəqflər vasitəsi ilə idarə edildiyinə görə həm dövlətə əlavə yük olmur, həm də strukturu tikdirən
bina üzərində haqq iddia edə bilmirdi. Beləliklə də binalar tamamilə xalqın istifadəsinə açıq
olurdu(10, s. 274).
Məsələn, klassik anlayışın ortaya çıxdığı ilk abidə olan II Bəyazid Məscidi onun əsəri deyil.
Həmçinin Memar Sinanın tikililərində istifadə etdiyi günbəz, yarım günbəz, bir neçə Şərəfəli
minarələr, kəmərlər, tonozlar ondan əvvəl dəfələrlə tətbiq olunmuşdur. Sinanın böyüklüyü
memarlıq ənənəsinin zəngin təcrübəsini yenidən ələ alıb yeni ölçülər və nisbətlərlə fərqli bir
gözəlliyə çatmaq üçün çalışarkən əldə etdiyi müvəffəqiyyətdən qaynaqlanır. O, ölçü və nisbətlər
üzərində çalışaraq klassik memarlığın əsas doğrularını aşkara çıxarmış, beləcə "Sinan Məktəbi
deyilən anlayış ortaya çıxmışdır(15, s. 39).
1. Üfüqi və şaquli istiqamətdə gözü narahat etməyəcək bir kompleks kompozisiyasına üstünlük
verilməsi, kobud və sərt keçidlərin qarşısının alınmağa çalışılması;
2. Abidə elementlərinin ölçülərinin bir tam ədədin qatları olmasına
diqqət edilməsi;
3. Şişirdilmiş və ya həssas dekorasiyadan uzaq durulması, bunun yerinə texniki işlərdə həssas və
dəqiq olunması;
4. Günbəz dizaynının davamlı
inkişaf etdirilməsi;
5. Abidə elementlərinin çox funksiyalı istifadəsi (məsələn Sinanın əsərlərində günbəzə keçid
elementi olaraq istifadə olunan mukarnasların sabit günbəzi saxlaması, estetik gözəlliyə uyğun
keçid təmin etmək və akustik səsin dağılmadan əks olunmasını təmin etmək funksiyası vardır).
6. Hörgü Karkas texnikasının istifadə edilməsi (Bu ağırlığın kəmərlərə və ayaqlara verilməsini,
divarlara heç yük düşməməsini təmin edən, Sinan tərəfindən tapılmış bir texnikadır. Beləliklə
divarlar dağılsa belə günbəz ayaqda qalacaq; həm də divarlar incəldilərək tikilinin görünüşünü
zərifləşdirəcəkdir.) Sinan üslubu klassik anlayışın standart xəttini əks etdirir. Klassik dövr ərzində
Sinan üslubu qorunmuşdur. Bu arxitekturada müxtəlif memarların əsərləri arasındakı fərq onların
müxtəlif etnik mənşələrinə deyil, ayrı dövrlərdə yaşamalarından irəli gəlir. Mənşə fərqi ümumi
memarlığı fərqli bir xəttə istiqamətləndirməmiş, yerli bir çox abidələrdə belə saray üslubunun
ağırlığı müşahidə edilmişdir. Bu memarların dövlətin ən ucqar yerlərinə qədər nüfuz edə bilən
təşkilat nizamından qaynaqlanır(3, s.55).
Osmanlı Bəyliyinin bir dünya dövlətinə çevrilməsi dünya tarixi baxımından necə yeni
dövrlər açmışsa, eyni hadisə memarlıq sahəsində də yeni və orijinal tikinti kompozisiyaları ilə
coğrafi ətraf mühiti də dəyişdirmişdir. Osmanlı arxitekturası, Osmanlı Dövlətinin hər cür tikintini
əhatə edən fəaliyyət sahəsinin hamısını ifadə edir. Bu memarlıq dövlətin quruluşundan XVI əsrə
qədər ümumiyyətlə Səlcuqlu və Bəyliklər dövrü arxitekturasının xüsusiyyətlərini daşımaqla yanaşı,
Osmanlıların bu dövrdə meydana gətirdiyi əsərlər, klassik dövr arxitekturasının inkişafında təsirli
rol oynamışdır. Bu dövr, eyni zamanda Osmanlı memarlığının zirvədə olduğu bir dövrdür(22, s.23).
96
Osmanlı arxitekturası, İslam arxitekturasının ümumi xüsusiyyətlərini daşımaqla yanaşı fərqli
bir şəxsiyyətlə meydana çıxdığı qəbul edilməkdədir. Belə ki, bu fərqlilik memarisi ən yaxın sayılan
Səlcuqlu əsərləri ilə müqayisədə belə, özünü müəyyən edir. Memarlıq tikililərin forma, üslub, plan
və bəzəklərdəki diqqət çəkən xüsusiyyətləri uyğun kompozisiyanı əldə etmiş olması Osmanlı
arxitekturasını orijinal və özünəməxsus etməkdədir. Xüsusilə Memar Sinana aid olan arxitektura
strukturları o qədər qane edicidir ki, bu dövrə aid nümunəyə yeni bir şey əlavə etmək, hər hansı bir
detalı gərəksiz hesab edib çıxartmaq mümkün deyil. Qısaca desək bu dövr strukturlarında hiss
edilən şey bütövlük duyğusunun verdiyi məmnuniyyət duyğusudur(11, s. 30-36).
İstanbulun fəthi Osmanlı memarlığının yeni, böyük ölçülü və daha zəngin nümunələr verə
bilməsi üçün yeni sahələr açmışdır. Yenə bu dövrdə imperiyanın hər tərəfində, memarlıq tarixində
xüsusi və əhəmiyyətli yer tutan arxitektura strukturları ard-arda yüksəlməyə başlamış, Osmanlı
coğrafiyasının tarixi mühit və mədəni silueti şəkillənərək müsbət istiqamətdə dəyişmişdir. Topqapı
sarayı, Fatih, Bəyazid və Süleymaniyyə külliyələri buna ən gözəl nümunədir. Memarlıqdakı bu
inkişaf Qərbi Asiya və Şimali Afrikada Şam, Bağdad, Qahirə və Tunis; Şərqi Avropada Selanik,
Belqrad, Budapeşt kimi böyük şəhərləri təsiri altına almışdır(7, s.145).
Klassik dövr Osmanlı Memarlığı, başda məscidlər olmaqla digər strukturlarda da material,
plan və bəzək cəhətdən böyük bir oxşarlıq təşkil edir. Tikinti materialı olaraq əsasən daş istifadə
olunmuşdur. Göstərişdən uzaq və təsir gücünü kompozisiyasından alan üslub hakimdir. Strukturlar
daima günbəz ilə örtülü olub, pəncərələr alt mərtəbələrdə düz, üst mərtəbələrdə kəmərlidir. Qədim
daş oyma sənəti yerini, içəri hissədə istifadə olunan çini örtmələr, boyalı bəzək, rəngli şüşələr, ağac
işləmələr, hüsn-ü xətt yəni gözəl yazı sənətinin nümunələri almışdır. Sütun başlıqlarda da paxlava
və sarkıt motivləri istifadə edilmişdir(8, s. 130).
Yeri gəlmişkən bu dövrdə inşa edilən əsas memarlıq strukturlarından olan məscidlərin üslub
və formalarından qısaca bəhs etmək istəyirik. Osmanlı məscidlərində minarə nizamı, iki və dörd
minarəlilər simmetrikidir. Dörd minarə, Süleymaniyə məscidi nümunəsində olduğu kimi əsas
kütlənin künclərinə yerləşdirilərkən, yalnız Sultanahmet Məscidində müşahidə edilən altı minarə,
əsas kütlə və həyət künclərinə paylanmış vəziyyətdədir. Mərkəzi planlı məscidlərdəki əsas
günbəzin, İslamdakı tövhid düşüncəsindən ilhamlanılaraq inşa edilmişdir. Daxili hissələrin
bəzənməsində xətt və çinilər əhəmiyyətli yer tutur. Günbəz-məkan əlaqəsinin uyğunluğu
əhəmiyyətlidir. Məscidlərdə böyük həyət və şadırvan vardır. Məscidlərin ətrafında tez-tez mədrəsə,
aş evi,
kitabxana, hamam və s. strukturlardan mütəşəkkil külliyyə inşa edilərdi (16, s.350).
Heç şübhəsiz ki, bu dövr Osmanlı arxitekturasını zirvə nöqtəsinə çatdıran, dövrünə öz
damğasını vuran memar Sinan olmuşdur. Əlbəttə ki, Memar Sinandan əvvəl bir çox memar var idi.
Ancaq Memar Sinan Səlcuqlulardan bəri gələn təcrübələrdən ən yaxşı şəkildə faydalanaraq,
məhsuldar zəkası ilə bunları inkişaf etdirərək yeni və orijinal əsərlər meydana çıxara bilmişdir.
Memar Sinanın Osmanlı arxitekturasına gətirdiyi ən əhəmiyyətli yenilik, günbəz-məkan əlaqəsini
ən ideal şəkildə ifadə etməsidir. Memar Sinan 1530-cu ildən 1588-ci ildə qədər davam edən uzun
məslək həyatı ərzində dövlətin müxtəlif yerlərində məsciddən körpüyə, karvansaradan hamama
qədər bir çox sahədə 300-dən çox əsər vermişdir(4, s.315).
Osmanlı arxitekturası ilə əlaqədar bilinməsi lazım olan bir başqa əhəmiyyətli xüsus isə
memarların yetişdiyi Hassa memarlar ocağıdır. Bu ocaq, rəsmi tikililərin
inşaat və təmirlərini həyata
keçirən ən əhəmiyyətli qurumdur. Sarayın ən güclü məktəblərindən olan bu müəssisə, eyni zamanda
bir mühəndislik məktəbi sayılır, qabiliyyətli gənclər burada yetişdirilirdi. Memar Sinan, Memar
Hayreddin, Sədəfkâr Mehmet Ağa, Memar Davud Ağa, Memar Ayas və s. böyük memarlar bu
məktəbin yetirmələridir. Burada təlim-təhsil, usta şagird əlaqəsinə görə olurdu. Bir memar, bu