188
bir-birindən nə qədər fərqlənsə də, onların hamısı ədəbi dilin
üslublarıdır. Buna görə də bu üslubların hər biri ədəbi dilimizin
fonetik, leksik və qrammatik normalarına tabe olur.
Üslublarda həm diferensiasiya (ayrılma, ixtisaslaşma), həm
də inteqrasiya (yaxınlaşma) prosesi gedir. Birinci halda ədəbi dil
ixtisaslaşır (yəni üslublar bir-birindən fərqlənir, ayrılır), ikinci
halda isə onlar hamı üçün anlaşıqlı olur.
Bədii üslub – milli bədii təfəkkürün ifadəsidir. Obrazlı,
emosional nitq formasıdır. Bədii üslub ədəbi dilimizin tarixində
həmişə aparıcı olmuşdur. Funksional imkanlarının genişliyinə
görə bədii üsluba ədəbi-bədii dil deyilir. Bədii üslubun ən vacib
şərti və ümumi cəhəti obrazlılıqdır. Bədii üslubun obrazlılığı həm
fonetik,
həm leksik, həm də qrammatik səviyyədə özünü göstərir.
Emosionallıq (ekspressivlik) ilk növbədə obrazlılıqdan ya-
ranır. Obrazlı nitq həm də emosional (ekspressiv) nitqdir.
Fonetik səviyyədə bədii üslubun göstəriciləri alliterasiya,
assonans, təkrar və intonasiyadır. Birinci üç göstərici nitqdə ritm
yaradan əsas vasitələrdir.
Alliterasiya eyni samit səslərin təkrarına deyilir.
Məsələn: ―Yaxşılığa yaxşılıq hər kişinin işidir, yamanlığa
yaxşılıq ər kişinin işidir‖.
Atalar sözündə təkrar olunan y və ş samitləri nitqdə alli-
terasiya yaradır. Nəsiminin: ―Al ilə ala gözlərin aldadıb aldı
könlümü;
Alinə bax nə al edər, kimsə irişməz alinə‖
beytində ilə l
samitinin təkrarı alliterasiyadır.
Assonans isə eyni saitlərin təkrarına deyilir. Məsələn: ―Aza-
cıq aşım, ağrımaz başım‖ atalar sözündə a və ı saitlərinin təkrarı
nitqdə assonans yaradır. Nəsiminin yuxarıdakı beytində də bu
saitlərin təkrarı assonansdır.
Təkrar dedikdə isə ritmik (fonetik) təkrar nəzərdə tutulur.
Məsələn: ―Ağa Kərəm, paşa Kərəm, xan Kərəm; Alış Kərəm,
tutuş Kərəm, yan Kərəm‖ misralarında Kərəm sözünün təkrarı
189
xüsusi bir ritm yaradır. İntonasiya isə şeirin və ya cümlənin
xüsusi intonasiya ilə oxunması deməkdir.
Bədii üslubun leksik səviyyədə göstəriciləri: epitet, təşbeh,
istiarə, mübaliğə, kinayə; frazeoloji birləşmələr, omonimlər,
sinonimlər, antonimlər və s.
Bədii üslubun qrammatik səviyyədə göstəriciləri:
Söz sırasının qəsdən pozulması (inversiya), qeyri-normativ
quruluşlu
cümlələr, ellipsis (sözlərin və ya şəkilçilərin ixtisarı).
Obrazlılığın fonetik səviyyədə təzahürü qrammatik səviy-
yədə təzahürü ilə, leksik səviyyədə
təzahürü isə həm fonetik, həm
də qrammatik səviyyədəki təzahürləri ilə birbaşa bağlıdır.
Bədii üslub ümumxalq dilinə əsaslanır. Xalq təfəkkürünün
məhsulu olan sözlər, ifadələr, hətta müəyyən həcmdə dialek-
tizmlər belə bədii üslubda işlənir.
Bədii üslub – şeir dili, nəsr dili və drammaturgiya dili
formalarında özünü göstərir.
Şeir dili – müəyyən ahəngə, ölçüyə və bölgüyə malik olan və
qafiyələnən dildir. Məsələn,
Başına döndüyüm gülüzlü sona,
Ömrümün ilk çağı yadıma düşdü:
Şairlər oylağı
bizim tərəflər,
Tərlanlar oylağı yadıma düşdü.
(S.Vurğun)
Nəsr dili – müəyyən süjetə malik olan təhkiyənin – hekayə,
povest, romanın dilidir. Məsələn:
Musa dayı iti və sərt bir hərəkətlə üzünü bizə tərəf çevirib,
heyrətlə əvvəlcə mənə, sonra Humaya, sonar yenə mənə baxdı.
Sanki kişi Yer üzündə görünməmiş qəribə bir şey eşitmişdi.
Birdən barıt kimi açılaraq, dəyirmanın şırıltısını batıran qəzəbli
səslə mənim üstümə qışqırdı:…
(İ.Əfəndiyev)