12
Ijtimoiy
tuzumi
bo`ysundirib, poytaxti Abidos bo`lgan yagona Misr podsholigiga asos solgan.
Fanda qadimgi Misr davlati tarixini quyidagicha beshta yirik davrga bo`lish qabul qilingan: 1) Ilk podsholik
davri (miloddan avvalgi 3100-2800 yillar); 2) Qadimgi podsholik davri (miloddan avvalgi 2800-2250 yillar); 3) O`rta
podsholik davri (miloddan avvalgi 2250-1750); 4) Yangi podsholik davri (miloddan avvalgi 1584-1071 yillar); 5)
So`nggi podsholik davri (miloddan avvalgi XI-VI asrlar). Adabiyotlarda qadimgi Misr davlati tarixi yuqoridagicha
beshta davrga aniq bo`lingan bo`lsa-da, lekin ushbu davrlarning qachon boshlanib, qachongacha
davom etganligi haqida
yagona fikr yo`q
22
.
Qadimgi, O`rta va Yangi podsholiklar oralig`idagi davrlar Misrning xo`jalik va siyosiy inqirozi davrlari
bo`lgan. Misr Yangi podsholik davrida turli qabilalarni o`z hukmronligi ostiga birlashtirgan qudratli davlat - tarixda
birinchi jahon imperiyasiga aylangan. Uning tarkibiga Nubiya, Liviya, Falastin, Suriya va boshqa tabiiy resurslarga boy
viloyatlar qo`shib olingan. Yangi podsholik davrining oxirida Misr inqirozga yuz tutgan va miloddan avvalgi 525 yilda
Ahmoniylar Eroni tomonidan bosib olingan. Eron shohi Kambiz o`zini Misr fir’avni deb e’lon qilgan. Garchi undan
keyingi fir’avnlar misrliklardan bo`lib, ular mamlakatni mustaqillikka olib chiqish va birlashtirish uchun qattiq kurash
olib borgan bo`lsalar ham, ammo Misr miloddan avvalgi 332
yilgacha, ya’ni A.Makedonskiy tomonidan bosib
olingunga qadar Eron saltanati ta’sirida bo`lgan. Iskandar vafotidan keyin bu yerda Ptolomeyning yunon-makedoniya
sulolasi qaror topib, Misr ellinizm davriga qadam qo`ygan. Keyinchalik, miloddan avvalgi I asrda Misr Rim saltanati
ta’siriga tushib qolgan.
Ilk podsholik
(milloddan
avvalgi
3100-2800
yillar)
Yagona Misr davlatining asoschisi Menes (Mina) o`z davlatini mustahkamlash choralarini ko`rgan. U Quyi Misr
chegarasida Memfis shahrini qurdirgan va uni mamlakat poytaxtiga aylantirgan. Mina va uning avlodlaridan keyin
Misrda ikkinchi sulola namoyandalari podsholik qilgan. Shu davrdan
boshlab Misr podsholari fir’avn deyilgan. Bu ikki
sulola vakillari idora qilgan davr
Ilk podsholik davri deyiladi. Bu davr ikki yuz yildan ziyodroq vaqtni o`z ichiga oladi.
Biroq Ilk podsholik davrining ijtimoiy-siyosiy tuzumini xarakterlab beradigan ma’lumotlar fanda juda kam. Misr
davlati bu davrda hali juda qadimiy qabilaviy ittifoq shaklidagi ancha primitiv davlat bo`lgan.
Ilk podsholik davrida va, albatta, keyingi davrlarda ham qishloq jamoasi davlatning
asosiy xo`jalik va ijtimoiy yacheykasi bo`lgan. Jamoalar yerlarga amalda jamoa yer egaligi
asosida egalik qilsa-da, biroq davlat hokimiyati o`zini barcha yerlarning oliy egasi deb
hisoblagan va jamoaning erkin a’zolaridan daromad solig`i undirib turgan. Zero, aholining
asosiy qismini aynan erkin jamoachi-dehqonlar tashkil etgan.
Uning ijtimoiy tuzumida, xususan, iqtisodida barcha podsholiklar davrida
davlatning podsho-cherkov xo`jaligi
hukmron bo`lib turgan.
Misrda oddiy kishilarga nisbatan
meret degan ibora keng ishlatilgan. Bundan tashqari
"podsho xizmatchisi"
degan yarim erkin qaram kishilar ham mavjud bo`lib, ular Misr davlatining barcha davrlarida aniq huquqiy mazmunga
ega bo`lmagan.
Ilk podsholik davrida Quyi Misrning Yuqori Misr tomonidan bo`ysundirilishi jarayoni davom
etgan. Natijada yagona podsholik tashkil topgan.
Ilk podsholik davridagi fir’avnlar va ularning a’yonlari yangi yerlar ochish, sug`orish
inshootlari qurish ishlariga katta e’tibor berganlar.
Davlat tepasida podsho turgan. Uning atrofini
bir qancha saroy amaldorlari va turli xizmatchilardan iborat ko`p sonli saroy a’yonlari o`rab turgan.
Misrning yagona davlat qilib birlashtirilishi bu yerda markazlashgan byurokratik apparatning tashkil etilishini
tezlashtirgan. Ushbu apparat yordamida markaziy hokimiyat kuchayib borgan, fir’avnning qudrati yanada
mustahkamlanishda davom etgan. Bu ayniqsa uning ilohiylashtirilib borilishida ko`zga yaqqol tashlangan
Ilk podsholik davrinig armiyasi to`g`risida shuni aytish mumkinki, doimiy qo`shin, garchi
davlat qo`shni qabilalar bilan ko`pdan-ko`p urushlar olib borgan bo`lsada, endigina shakllana
boshlagan edi.
3. Qadimgi podsholik
(miloddan avvalgi 2800-2250 yillar)
Qadimgi podsholik (ba’zi manbalarda Ko`hna podsholik deb ham yuritiladi) mamlakatni Ilk podsholikdan
ko`ra xiyla mustahkamroq qilib jipslashtirgan va ko`proq markazlashtirgan. Shu sababli
Misrda bu vaqtda birinchi
markazlashgan kuchli davlat tashkil topgan deb hisoblanishi ham bejiz emas.
22
Qarang; История государства и права зарубежных стран. Ч.1. Учебник для вузов / Под
ред.проф.Крашенинниковой Н.А. и проф.Жидкова О.А.-М.,1998.-20-bet; Всеобщая история государства и
права:Учебник / Под ред.проф.К.И. Батыра.-М.,1998.-20-23-betlar;Черниловский З.М.Всеобщая история
государства и права.-М.,1996.-23-24-betlar;
Muqimov Z. Chet mamlakatlar davlati va huquqi tarixi. (Qadimgi dunyo
va O`rta asrlar davlati va huquqi tarixi). O`quv qo`llanmasi. - Samarqand, 1992, 19-bet. Bizningcha, umumiy tarixda
belgilangan yuqoridagi ko`rsatilgan yillarni qabul qilish maqsadga muvofiq.
Davlat
tuzumi
Armiya
13
Qadimgi podsholik xo`jaligi rivojlanishning yuqori darajasi bilan ajralib turgan. Yaxshi
tashkil etilgan ishchilar armiyasi mamlakat aholisini barcha zarur narsalar bilan ta’minlab
turgan. Jamiyat ijtimoiy pog`onasining yuqori qismida katta yerlarga egalik qiluvchi yirik
quldor zodagonlar turgan. Yirik yer egalari saroyda va davlat boshqaruvida muhim
mansablarni egallaganlar.
Misr
jamiyatida
kohinlar alohida rol o`ynaganlar. Bundan tashqari,
kohinlarning davolash, murakkab
arxitektura inshootlarini barpo qilish san’atini egallaganliklari, yer uchastkalari maydonlarini hisoblashni bilganliklari
ularning ahamiyatini yanada oshirgan. Kohinlar podsho hokimiyatining tayanchi bo`lib xizmat qilgan. Buning evaziga
fir’avnlar o`z navbatida cherkov xo`jaligini soliqlardan va davlatga ishlab berishdan ozod qilganlar.
Davlatdagi asosiy ishlab chiqaruvchi kuchlar
jamoachi-dehqonlar bo`lgan.
Qadimgi podsholik davrida garchi qul bozori mavjud bo`lib, odamlar sotilgan va sotib olingan bo`lsada,
qullar
hali juda kam bo`lgan. Ba’zi manbalarda davlatmandlar (amaldorlar, kohinlar va shu kabilar) marhamatiga qarab qolgan
"och va yalang`ochlar" tilga olinadi.
Qadimgi podsholik davrida Misrning davlat tuzumi boshqaruvning qattiq
markazlashtirilishi bilan xarakterlanadi. Diniy mafkura
yordamida podsho va uning
faoliyatining ilohiylashtirilishi fir’avnning nufuzini juda mustahkamlagan. Podsho hokimiyati
kuchaya borib mustabid tus olgan. "Podsho" so`zining o`zi shu qadar muqaddas nomga
aylanganki, bu nomni ovoz chiqarib aytishga hech kimga huquq berilmagan, hukmdorni tilga
olish juda zarur bo`lib qolgan taqdirdagina majoziy
"Fir’avn" ("Ulug` uy" degani, shu uyda turadigan shaxsni nazarda
tutib aytilgan") iborasini ishlatganlar. Hujjatlarda esa fir’avnni rasmiy ravishda "Rahmdil xudo", Tog`, "Ra farzandi"
(ya’ni Quyosh o`g`li) va boshqa shu kabi nomlar bilan ataganlar.
Fuqarolar podsho oldida paydo bo`lganlarida "qorinlari bilan" yiqilishga va o`z hukmdorining oyog`i tagidagi
tuproqni o`pishga majbur bo`lganlar, ammo nufuzli ba’zi shaxslargina podshoning oyog`ini o`pishga haqli bo`lgan.
Fir’avnning qo`lida
butun qonun chiqarish, ijro etish va sud hokimiyati to`plangan. Fir’avnlarning asosiy
diqqat-e’tibori barcha muhim davlat ishlariga qaratilgan. Sug`orish bo`yicha tadbirlar, sud, mansablarga tayinlash va
bo`shatish, yorliqlar berish, majburiyatlar yuklash va ulardan ozod qilish, harbiy yurishlar, kemachilik bo`yicha
tadbirlar, davlat qurilishi va yer osti boyliklarini qazib olish - bularning hammasi podshoning buyrug`i bilan amalga
oshirilgan.
Fir’avn hokimiyati Qadimgi podsholik davridayoq u yoki bu sulola podsholigi vaqtida meros tariqasida o`tgan.
Lekin sulolalar, ma’lumki, tez-tez o`zgarib turgan, ba’zi fir’avnlar, ayniqsa, notinch yillarda 3-4 yil podsholik qilganlar.
Fir’avnning vakolatlari nihoyatda katta bo`lishiga qaramay, uning hokimiyati shaxsiy, o`zboshimchalikka
asoslangan emas edi. Yagona Misr davlatining siyosiy barqarorligi, taxtning daxlsizligi fir’avnning hukmron tabaqalar,
ayniqsa, harbiylar va kohinlar tabaqasi yuqori qismining manfaatlari yo`lida qanchalik muvaffaqiyatli xizmat qilishiga
bog`liq edi. Fir’avnning hokimiyati diniy-axloqiy adolat me’yorlari bilan ham ushlab turilgan.
Davlatdagi eng muhim mansabdor
shaxslar - oliy amaldorlar, harbiy boshliqlar, xazinani saqlovchilar, ish
boshqaruvchilar, oliy kohinlar, odatda, podsho xonadoni a’zolari bo`lgan.
Vazir - jati davlat boshqaruvida podshodan keyin birinchi o`rinda turuvchi oliy amaldor hisoblangan. Jati
dastlab hukmdor qarorgohi joylashgan shaharning kohini bo`lgan va asosan podshoning o`g`illaridan biri yoki
fir’avnning boshqa yaqin qarindoshlaridan biri bu lavozimga tayinlangan. Jatining vakolatlari asta-sekin podsho
saroyini, podsho xo`jaligini boshqarish doirasidan tashqari chiqib, kengayib borgan.
Qadimgi podsholik davrida harbiy ishlar ancha rivojlangan. Misr armiyasi 2 qismdan: 1)
maxsus o`rgatilgan va yaxshi tayyorlangan soldatlarning kichik otradlari va, 2) qo`shinga bir
necha oyga olingan va vaqtincha dala ishlaridan ozod qilingan dehqonlarning katta lashkaridan
tashkil topgan.
Oliy sud instansiyasi -
"Oltita buyuk uylar" poytaxtda bo`lgan.
Eng oliy sud hokimiyati
fir’avnga tegishli edi.
Davlat hududi ilgarigidek alohida viloyatlar - nomlarga bo`lingan,
ularning tepasida hukmdorlar - nomarxlar turgan. Ular viloyatning xo`jalik
boshqaruvini
amalga oshirganlar va maydonlarni sug`orishga tayyorlash, yangi to`g`onlar
barpo etish,
kanallar qazish haqida buyruq berganlar, shuningdek hosilni yig`ib olish va
uning aholi
o`rtasida taqsimlanishi ustidan kuzatib turganlar.
Qadimgi podsholikning oxirgi bosqichiga kelib fir’avnning hokimiyati zaiflasha
boshlagan. Mamlakatdagi barcha yerlar faqat nomigagina fir’avnning mulki hisoblangan.
Haqiqatda esa podsho pomestyelari saroydagi va boshqa xizmatlar
uchun mukofot tariqasida
bo`lib berilgan in’om-tortiqlar hisobiga kamayib ketgan. Fir’avn atrofidagi sig`indilar (podshoning iltifoti bilan uning
saroyida yashab turuvchilar) armiyasi ko`payib borgan, bu esa podshoning xazinasini bo`shatib turgan. Katta amaldorlar
soliqlar to`lashdan, ularning yerlaridan o`tadigan fir’avn xizmatchilarini boqishdan, o`z kishilarini ijtimoiy ishlarga
jo`natishdan ozod bo`lib olishga erishganlar. Ko`p joylarda nomlarni boshqarish meros bo`yicha otadan o`g`ilga o`tgan.
Podsho hokimiyatining inqirozi Misrda "notinch yillar"ning boshlanishiga olib kelgan.
Siyosiy tarqoqlik taxminan miloddan avvalgi XXIII asr o`rtalaridan XXI asr o`rtalarigacha
davom etgan. Siyosiy tarqoqlik jiddiy qiyinchiliklar keltirib chiqargan. Sug`orish tarmoqlari
ishdan chiqqan, xo`jalikning vayron bo`lishi va ocharchilik xalq ommasi orasida norozilikni
kuchaytirgan, g`arbdagi liviya qabilalari va Sharqdagi ko`chmanchi qabilalar Misrga bostirib
Ijtimoiy
tuzumi
Davlat
tuzumi
Armiya
Sud
Mahalliy
boshqaruv
Inqirozi
Siyosiy
tarqoqlik