97
bəbləri ordudakı nizam-intizamsızlıq, rüşvət və “dedovşina”
idi. Dostu bu qısa hekayədə ordunun vəziyyətinə işıq tut-
muşdu.
“...Vəziyyət çətin olduğu üçün, hamı yüngül və rahat yer
arzulayırdı. Zabitlər üçün çayxanaya göndəriləndə sevincimdən
uçurdum. Zabit çayxanasında işləməyimdən narazı olan bir adam
var idi: tağım komandirim-sallaqbığ gizir. Həm bu yerə görə pul
qopara bilməmişdi, həm də rəislərdən xəlvət görüşdüyü sevgilisi
çayçı Cəmiləni mənə qısqanırdı. Cəmilə 39-40 yaşlarında, gözəl-
göyçək qadın idi. Zabitlərin çoxusuyla yatsa da bizim tağım ko-
mandiri onu sevirdi. Həm də ciddi-ciddi sevirdi. Bəzən onun ya-
nında gecəliyirdi. Cəmilə o qədər də sakit qadın deyildi. Hərdən xo-
şuna gələn əsgərləri şəhərin mərkəzindəki evinə dəvət edir, yaxşı
pul alırdı. Amma məni də çox istəyirdi. Hərdən ona şeir oxu-
mağım, romantik əhvalatlar uydurub danışmağım çox xoşuna gə-
lirdi. Cəmilə ilə eyni otaqda oturmağım, onun sevimlisi olmağım
tağım komandirimi cırnadırdı. Döyülməyə, əziyyətlərə dözsəm də
gizirin hər addımbaşı məni sıxışdırmasından, dalbadal gecə növ-
bələrinə göndərməsindən əsəblərim tarıma çəkilmişdi. Gizirlə düş-
mənçiliyin dərinləşdiyi günlərin birində Cəmilə məni evinə dəvət
elədi. Həmin gün hava qaralanda aradan çıxdım və gözəl Cəmilə
gecəni səhərə qədər əsgərliyin ağrı-acısını canımdan çıxardı.
...Yaz günəşinin yandırıcı istisində, başımda əleyhqaz sta-
dionda qaçanda anladım ki, böyük səhv etmişəm. O gün dərk elə-
dim ki, bu dünyada heç bir həzzi doyunca, iztirabsız yaşamaq
mümkün deyil. Daha dünya dağılsa da, gizirlə münasibətlərimiz
düzələn deyildi.
Axşam sıraya düzülüb yeməyə gedəndə gizir məzələnməyə
başladı. “Professora görə döyüşə!”- deyə komanda verir, bütün ta-
98
ğıma mənə görə süründürürdü. Kazarmada ən azı yüz dəfə “Yat-
Qalx” komandası əsgərlərin canını boğazına yığırdı. Səhər
“Qalx!” komandasından sonra gizir tağıma o qədər əziyyət ver-
mişdi ki, hamı qulağım eşidə-eşidə məni söyürdü.
Gizirlə haqq-hesab çəkməyə qərar verməyim bir an çəkdi.
Dəmir parçasını götürüb gücüm gəldikcə təpəsinə çırpdım. Tös-
mərək gizir kökündən kəsilmiş ağac kimi yerə uzandı. Hava işıq-
lananda giziri tibb məntəqəsinə, məni də qərargah rəisinin otağına
apardılar. Cinayət işi açacaqdılar. Səfehcəsinə düşünürdüm ki, bir
yolum var o da intihar etmək.
Kazarmanın arxasında keçdim. Siqaretimi yandırıb əlim-
dəki ülgücü sol biləyimə çəkdim...”
“Dəhşətdir” – Orxan fikirləşdi. Nicat orduda düz
dörd dəfə intihara cəhd edib. Hər cəhddə şiddət, “de-
dovşina” və zabit özbaşnalığının izləri var. Cəhdlər artıq “is-
terik aksentləşmiş şəxsiyyət” diaqnozuna uyğun gəlir. Bu di-
aqnozu məhz hərbi xidmət zamanı qoyublar. Mənə elə gəlir
ki, Nicatın intihar cəhdlərini diqqətlə araşdırıb, ordudakı in-
tiharlarla bağlı müəyyən fikirə gəlmək olar. Zamanında mət-
buatda çap olunan bu yazılar nədənsə heç kəsin diqqətini
çəkməyib.
Orxan qara cildli dəftərə tələsik qeydlər edib, örtdü.
Ayağa qalxıb otaqda var-gəl etməyə başladı. Olduqca çətin
bir işin altına girmişdi.
İşə salmışam yazıq həkimi. İndi yüz faiz məni ta-
nıdığı günə nifrin yağdırır. Müvəffəqiyyət qazana bilməsi isə
sual altında idi. Daha doğrusu qəfildən peyda olduğu bu ro-
manda uğur qazanmağı məndən asılıydı. Deyəsən geri çə-
99
kilməyəcəkdi. Axı, mən onu təsadüfi seçməmişəm... Ya şai-
rin qatilini, ya da intihar səbəbini tapacaqdı. Onu da qeyd
edim ki, Elxanın romanı üçün Nicatın qətlə yetirildiyini sü-
but etmək onun məqsədlərinə aid deyildi.
Elxanı romanın bu yerində qəsdən süjetdən uzaq-
laşdırıram. İstəsəm onu adi tikintidə işə qoyaram, amma qoy gedib
başqa işlərlə məşğul olsun. Yumşalsam, bəlkə ona başqa məş-
ğuliyyət tapdım. Sadəcə doktorun əziyyət çəkməsini vicdanım qə-
bul etmir. Kefimə düşsə Elxan üçün yaxşı bir xalaşka da tapdım
bəlkə. Özüm ölüm hə, öz əlimdə deyil?
Qoy doktorun yeganə məqsədi bu dağınıq faktlar
arasında çabalaya-çabalaya ölümə gedən yolu axtarıb tap-
maq olsun...
100
16
“Biz ölümü gözə aldığımız üçün,
hərbi xidmətə gedənlərdənik.”
əsgər gündəliyindən...
Orxan dostunun hərbi xidmət boyunca yaşadıqlarını
yadından çıxara bilmirdi. İki-üç gün dostunun sonuncu alın-
mayan intihar cəhdi haqqında yazdığı yazını oxumağa hə-
vəsi olmadı. Orduda baş verən vəhşiliklər və əsgər ölümləri
bir-bir gözünün önündən keçirdi. Könüldən də bir xəbər çıx-
madığı üçün, saatlarla ordu, öldürülən əsgərlər, çarəsiz va-
lideynlər haqqında düşünürdü. Hər şey bu qədər sadə
olmamalı idi. Müharibə şəraitində olan bir ölkədə əsgər in-
tiharları, döyülürək, güllələnərək öldürülən əsgərlər vicdanlı
vətəndaş kimi onu narahat edirdi. Doktor ölkəsini çox se-
virdi. Az qala hər gün eşitdiyi əsgər ölümləri gecələr yu-
xusuna girirdi. “Bəlkə də orduya psixoloq lazımdır” – Orxan
düşündü. Tez də xatırladı ki, ölkədə təhsilin vəziyyəti çox
pisdir. Savadlı psixoloq tapmaq, onları orduyla işləməyə razı
salmaq da zülmdür. Bu cür davam etsə düşmən qarşısına çı-
xaracaq əsgər tapılmayacaq. Hamıda orduya nifrət yaranır.
Ümumiyyətlə ölkədə baş verən hadisələri düşün-
dükcə ruhdan düşürdü. Dostunun intihar etməsinə səbəb də
bu ölkə deyildimi? Məsələn, indi fəlsəfi bir romanın persona-
jı kimi kef edə bilərdi. Bəxtindən mənim də bu cür ağır işə
girişməməyim, onu gətirib salmışdı intihar söhbətlərinin içi-
nə.
Yaşamağa, sevməyə səsləyən bir insan nə üçün inti-
har etsin? Yaşatsaydıq bəlkə də ədəbiyyatımıza, mədəniy-
Dostları ilə paylaş: |