1
SAYLI
P
ROTOKOLUN
3-
CÜ MADDƏSI ÜZRƏ TƏLIMAT
–
A
ZAD SEÇKI HÜQUQU
76.
Rusiya Kommunist Partiyası və başqaları Rusiyaya qarşı
məhkəmə işində Məhkəmə belə
bir məsələni araşdırdı ki,hətta bilərəkdən manipulyasiya hallarının baş verməsinin sübutları
olmasa belə, 1 saylı Protokolun 3-cü maddəsi əsasında dövlət onun nəzarətində olan kütləvi
informasiya vasitələrində işıqlandırmanın obyektiv və "azad seçki" ruhuna uyğun olmasını
təmin etməkdən ibarət pozitiv öhdəlik daşıyırmı? O, bu qənaətə gəldi ki, seçkilərlə bağlı
hüquqi müdafiə vasitələri sisteminin mövcudluğu dövlətin prosessual xarakterli pozitiv
öhdəliyini yerinə yetirmiş hesab edilməsi üçün kifayətdir. Bu öhdəliyin substantiv (maddi
hüquqi) aspektinə və dövlətin audiovizual medianın neytrallığını təmin etməyə borclu olduğu
barədə iddiaya gəlincə, o hesab etdi ki, müxalif partiyaların və namizədlərin müəyyən qədər
televiziya efirinə çıxmasını və medianın redaksiya müstəqilliyini və neytrallığını təmin etmək
üçün müəyyən addımlar atılmışdı. Bu tədbirlər, ola bilsin ki, faktiki bərabərliyi təmin etmirdi,
amma hesab etmək olmazdı ki, dövlət bu sahədə pozitiv öhdəliklərini 1 saylı Protokolun 3-cü
maddəsinin pozuntusunu təşkil edəcək dərəcədə yerinə yetirməyib.
77. Nəhayət,
Oran Türkiyəyə qarşı
məhkəmə işində ərizəçi şikayət etmişdi ki, siyasi
partiyalardan fərqli olaraq müstəqil namizəd qismində onun seçki ilə bağlı çıxışları Türkiyə
radio və televiziyasında ümummilli miqyasda yayımlanmayıb. Məhkəmə hesab etdi ki, siyasi
partiyalardan fərqli olaraq müstəqil namizəd qismində ərizəçi öz çıxışını yalnız namizədliyini
irəli sürdüyü dairədəki seçicilərə ünvanlamalı idi. Bundan əlavə, onun seçki təşviqatının
bütün digər metodlarından istifadə etməsinə maneə yaradılmamışdı və həmin metodlar
müvafiq dövrdə heç bir partiya ilə bağlılığı olmayan bütün müstəqil namizədlər üçün əlçatan
idi. Məhkəmə bu qənaətə gəldi ki,1 saylı Protokolun 3-cü maddəsi pozulmayıb.
F. ...deputat vəzifəsinin icrasına qədər
78. 1984-cü ildə Komissiya işlərdən birində bildirdi ki, şəxsin seçkidə namizəd qismində
iştirak hüququnun təmin edilməsi yetərli deyil və xalq tərəfindən seçildiyi halda o həm də
parlamentdə deputat yerinə sahib olmaq hüququna malikdir. Başqa cür düşünmək seçkidə
namizəd qismində iştirak hüququnu mənasız etmiş olardı (
M. Birləşmiş Krallığa qarşı
,
Komissiyanın qərarı). Lakin həmin işdə o hesab etdi ki, seçilmiş parlament üzvünün artıq
xarici ölkənin qanunverici orqanının üzvü olması səbəbindən deputat yerini tuta bilməməsi 1
saylı Protokolun 3-cü maddəsinə uyğun olan məhdudiyyətdir.
79. Türkiyəyə qarşı qaldırılmış üç işdə Məhkəmə siyasi partiyaların ləğv edilməsinin həmin
partiyalara mənsub olan parlament üzvləri üçün nəticələrini araşdırdı.
Sadak və başqaları
Türkiyəyə qarşı (№ 2)
məhkəmə işində siyasi partiya dövlətin ərazi bütövlüyünü və
vahidliyini pozan hərəkətlərinə görə ləğv edilmişdi. Həmin partiyaya mənsub olan parlament
üzvləri avtomatik olaraq deputat yerlərini itirmişdilər. Məhkəmə hesab etdi ki,
müxalifətçiparlament üzvünün ifadə azadlığına müdaxilə xüsusilə ciddi nəzarət tələb edir.
Ərizəçilərin parlamentdəki yerlərini itirmələri bu və ya digər siyasi fəaliyyətlərdə şəxsən
iştirak etmələrindən asılı olmayaraq avtomatik surətdə baş vermişdi. Beləliklə, bu, həddən
artıq sərt tədbir idi və qarşıya qoyulan qanuni məqsədə mütənasib deyildi.
80.
Kavakçı Türkiyəyə qarşı
məhkəmə işində mənsub olduğu partiyanın yekun qərarla ləğv
edilməsi ilə əlaqədar olaraq ərizəçinin siyasi hüquqlarına müvəqqəti məhdudiyyətlər
qoyulmuşdu. Məhkəmə hesab etdi ki, bu tədbirlərin məqsədi Türkiyənin siyasi rejiminin
dünyəvi xarakterini qoruyub saxlamaqdır və dünyəvilik prinsipinin Türkiyənin siyasi rejimi
üçün mühümlüyünü nəzərə alaraq müəyyən etdi ki, görülmüş tədbir iğtişaşın qarşısını
almaqdan və digər şəxslərin hüquq və azadlıqlarını qorumaqdan ibarət qanuni məqsədlər
daşıyırdı. Bununla belə, həmin sanksiyanın mütənasibliyinə gəlincə, siyasi partiyanın ləğvinə
dair qüvvədə olan konstitusiya normalarının tətbiq dairəsi olduqca geniş idi. Partiya
üzvlərinin bütün hərəkətləri və çıxışları partiyanın adına yazıla və partiya konstitusiyaya zidd
23
Avropa İnsan Hüquqları Məhkəməsi
1
SAYLI
P
ROTOKOLUN
3-
CÜ MADDƏSI ÜZRƏ TƏLIMAT
–
A
ZAD SEÇKI HÜQUQU
fəaliyyətlərdə təqsirkar sayıla bilərdi ki, bununla da onun ləğvi barəsində qərar çıxarıla
bilərdi. Hüquqa zidd hesab edilmiş fəaliyyətlərdə partiya üzvlərinin iştirak dərəcəsi nəzərə
alınmır və bu əsasda onlar arasında fərq qoyulmurdu. Bundan əlavə, ərizəçi ilə müqayisə
edilə bilən vəziyyətdə olan müəyyən partiya üzvləri, xüsusən partiyanın sədri və sədr müavini
cəzalandırılmamışdılar. Müvafiq olaraq, Məhkəmə bu qənaətə gəldi ki, sanksiya mütənasib
deyildi və 1 saylı Protokolun 3-cü maddəsi pozulmuşdu.
81. Eyni partiyadan olan və deputat yerini itirən digər parlament üzvünə aid başqa bir işdə
Məhkəmə yenə də 1 saylı Protokolun 3-cü maddəsinin pozulduğunu müəyyən etdi, amma
onu da məmnunluqla qeyd etdi ki, konstitusiyaya parlament üzvlərinin statusunu gücləndirən
dəyişiklik edilib və güman ki, bununla da bu cür əsaslara görə parlament üzvlərinin
deputatlıqdan məhrum edilməsi halları az-az baş verəcək (
Sobacı Türkiyəyə qarşı
).
82.
Likurezos Yunanıstana qarşı
məhkəmə işində Məhkəmə peşə fəaliyyəti ilə məşğul
olanların parlament üzvü ola bilməməsi barədə yeni müddəanın seçkilərdən qabaq elan
edilmədiyini və həm öncə deputat seçilmiş olan ərizəçi, həm də ona səs verənlər üçün
gözlənilməz olduğunu müəyyən etdi. O hesab etdi ki, ərizəçinin statusunu 2003-cü ildə
qüvvəyə minmiş yeni konstitusiya maddəsi əsasında qiymətləndirməklə və həmin tarixdən
əvvəl deputat seçilmiş olan ərizəçinin parlamentə tamamilə qanuni şəkildə seçildiyini nəzərə
almamaqla hakim ərizəçini deputat yerindən məhrum etmiş və onun seçicilərini dörd il
ərzində onları təmsil etməsi üçün azad və demokratik şəkildə seçdikləri namizədlərindən
məhrum etmiş, bununla qanuni gözlənti prinsipinə məhəl qoymamışdı. Analoji olaraq,
Pasxalidis, Kutmeridis və Zaxarakis Yunanıstana qarşı
məhkəmə işində Məhkəmə müəyyən
etdi ki, seçkilərdən sonra gözlənilmədən səslərin sayının hesablanması ilə bağlı presedent
hüququndan geri çəkilmə və bunun nəticəsində parlamentə seçilmiş bir neçə üzvün
deputatlıqdan məhrum olması 1 saylı Protokolun 3-cü maddəsinin pozulmasına səbəb olub.
83.
Paunoviç və Milivoyeviç Serbiyaya qarşı
məhkəmə işində Məhkəmə siyasi partiyaların
istifadə etdiyi tarixi göstərilməyən məktubların imzalanması praktikası ilə bağlı qərar çıxardı,
partiyanın parlamentə seçilmiş üzvləri deputat fəaliyyətinə başlamazdan əvvəl bu cür
məktubları imzalamalı idilər ki, bununla da partiya öz üzvlərini istənilən vaxt onların iradəsi
əleyhinə deputatlıqdan kənarlaşdıra bilərdi. Məhkəmə ilk növbədə bu mövqeyini bildirdi ki,
hətta deputatlıqdan istefa məktubu partiya tərəfindən təqdim edilmiş olsa belə, parlament
üzvünü deputatlıqdan məhrum etmək hüququna yalnız parlament malikdir. Beləliklə,
parlament üzvünün istefasının qəbul edilərək deputatlıqdan məhrum edilməsi dövlət
tərəfindən həyata keçirilir. Buna görə də, deputat yerini itirmiş parlament üzvünün şikayət
ərizəsi şəxs meyarına görə (ratione personae) qəbul edilən hesab olundu. Daha sonra
Məhkəmə müəyyən etdi ki, etiraz edilən praktika daxili qanunvericiliyə ziddir, belə ki,
qanunvericilik deputatlıqdan istefa üçün parlament üzvünün şəxsən müraciət etməsini tələb
edirdi. Beləliklə, 1 saylı Protokolun 3-cü maddəsi pozulmuşdu.
Okketto İtaliyaya qarşı
məhkəmə işi (qərardad) şəxsin Avropa Parlamentindəki yerindən imtina etməsi ilə əlaqədar
idi. Mənsub olduğu siyasi hərəkatın həmtəsisçisi ilə razılaşmanın nəticəsi olaraq deputat
yerindən imtina etdiyi barədə sənədi imzaladıqdan sonra ərizəçi fikrini dəyişmişdi. Lakin
həmin deputat yeri siyahıdakı növbəti namizəd tərəfindən artıq tutulmuşdu. Məhkəmə
müəyyən etdi ki, seçkidən sonra namizəd qanunverici orqanda deputat yeri tutmaq hüququna
malikdir, amma bu onun öhdəliyi deyil. İstənilən namizədseçilərək sahib olduğu deputat
yerindən imtina edə bilər və bu imtinanın qeydə alınması barədə qərar ümumi seçki hüququ
prinsipinə zidd sayılmır. O əlavə etdi ki, ərizəçinin istefa qərarını geri götürməsini qəbul
etməkdən imtina edilməsi qanuni məqsədlər daşıyırdı, yəni seçki prosesində hüquqi
müəyyənliyin təmin edilməsinə və digər şəxslərin hüquqlarının, xüsusən ərizəçinin öncə
sahib olduğu deputat yerini tutduğu elan edilən şəxsin hüquqlarının qorunmasına yönəlmişdi.
Ərizəçi istəyini yazılı formada və birmənalı şəkildə ifadə etmiş və bildirmişdi ki,
24
Avropa İnsan Hüquqları Məhkəməsi