29
(– 7)
7
Mən sənin dodaqlarına toxunuram, barmağımı ağzının kənarlarıyla gəzdirirəm və onu elə
çəkirəm ki, sanki
,
mənim əlimdən çıxıb, beləcə, sənin ağzın
,
sanki
,
ilk dəfə açılır və göz
vurmağım yetər ki, dərhal yumulsun, sonra isə hər şeyi yenidən başlayırıq, mən hər dəfə sənin
ağzını yenidən doğulmağa məcbur edirəm, öz arzuladığım kimi, sənin, sifətində mənim əlimlə
seçilmiş və çəkilmiş ağzın, sənin ağzın, uca azadlığın iradəsiylə seçilmişlərdən biri, mənim
seçimim, öz əlimlə sənin sifətində çəkmək üçün etdiyim seçim, tam təsadüfən eynilə sənin ağzın
kimi (mən bunun necə baş verdiyini anlamağa çalışıram) alınan ağız öz əlimlə çəkdiyim ağzın
altından mənə gülümsəyir.
Sən mənə baxırsan, yaxından baxırsan mənə, lap yaxından, biz təpəgöz oyunu oynayırıq,
bir-birimizə baxırıq – üzlərimizi yaxınlaşdıraraq; gözlərimiz böyüyür, böyüyür və getdikcə
yaxınlaşır, bir-birinə vintlənir: təpəgözlər bir-birinə baxırlar, nəfəsimiz təntiyir və ağızlarımız
görüşür, bir-birinə girir, bir-birimizin dodaqlarımızı ehmalca dişləyərək, dilimizi yüngülcə
dişlərimizə dirəyərək və qədim, tanış və sakitlik qoxan ağır, qırıq-qırıq nəfəsimizlə bir-birimizi
qıdıqlayaraq. Mənim əllərim sənin saçlarını axtarır, onların dərinliyinə dalaraq sığallayır və biz
elə öpüşürük ki, sanki, ağızlarımız qeyri-müəyyən ətir saçan çiçəklərlə, yaxud diri, çırpınan
balıqlarla dolub. Birdən hansımızsa dişləsə belə, bunun ağrısı da şirindir və eyni anda udqunaraq
havanı bir-birimizdən alsaq və hansımızsa bu öpüşdən boğulsa belə, bu ani ölüm də gözəldir.
Bizim ağzımızın suyu da birdir və bu, ikimizin də daddığımız yetişmiş dadlı meyvədir və mən
hiss edirəm ki, sən mənim içimdə necə də titrəyirsən, gecə sularında titrəyən ay kimi.
(– 8)
8
Axşamüstü biz Mejisseriyə, sahilə balıqlara baxmağa getmişdik. Mart ayı idi, bəbir ayı,
sarı rəngli günəşin artıq qızdırdığı və qızılı şəfəqlərini günbəgün artıraraq baxdığı etibarsız,
məkrli ay. Sürahinin qırağındakı səkidə bizə pulsuz heç nə verməyə hazırlaşmayan bukinistlərə
əhəmiyyət vermədən akvariumu (biz asta-asta gəzişir, bütün akvariumların günəşin şüaları
altında parıldayacağı anı gözləyirdik) və yüzlərlə çəhrayı və qara balıqların quş kimi sıxılmış
30
havadan asılı qaldığını görəcəyimiz anı gözləyirdik. Mənasız sevinc ruhumuza hakim kəsilmişdi
və sən nəsə oxuya-oxuya məni küçə boyu dartaraq buxarlanan balıqlar aləminə aparırdın.
Akvariumların nəhəng qədəhlərinı küçəyə çıxarırlar, budur, turistlərin, maraqdan
çatlayan uşaqların və ekzotik mənzərələr kolleksiyası toplayan sinyorların izdihamı içərisində
günəş suyu və havanı əridib qarışdırır, çəhrayı və qara quşlar isə kiçicik hava boşluğunda zərif
rəqslər edirlər – ağır, soyuq quşlar. Biz onlara baxıb əylənirdik, gözlərimizi şüşəyə o qədər
yaxınlaşdırırdıq ki, burnumuz ona dirənirdi (bu hərəkətimiz su kəpənəklərini tutan əl torlarıyla
silahlanmış köhnə alverçiləri qəzəbləndirdi) və hər dəfə balığın nə demək olduğu haqda
təsəvvürümüz azala-azala, bu bilgisizlik yoluyla onlara, özlərini anlamayan balıqlara daha da
yaxınlaşırdıq; biz akvariumların ətrafına dolanır və onlara lap çox, eynilə Nef körpüsündən sonra
ikinci çadırda yaşayan alverçi rəfiqəmizə yaxınlaşdığımız qədər yaxınlaşırıq. Yadındadır, o, sənə
deyirdi: «Soyuq su onları öldürür, soyuq su kədərlidir…» Yadıma mehmanxanadakı xidmətçi
qadın düşdü, o, mənə ayıdöşəyinə necə qulluq etməyi öyrədirdi: «Ona yuxarıdan su tökməyin,
dibçəyi su doldurulmuş qaba qoyun, əgər o, su içmək istəyirsə, içəcək, istəmirsə, içməyəcək…»
Bir də haradansa oxuduğum anlaşılmaz bir şey düşdü yadıma, guya, balıq akvariumda tək
qalanda darıxmağa başlayır, amma akvariuma güzgü qoyan kimi sakitləşir…
Biz ən qəribə və şıltaq balıqların satıldığı dükanlara girdik, orada termometrli və qırmızı
qurdları olan xüsusi akvariumlar satırdılar. Bir balığa 550 frank verməyəcəyimizə əmin olan
alverçilərin getdikcə artan qəzəbinə ucadan təəccüblənərək özümüz üçün onların hərəkətlərinin,
sevgilərinin və rəngbərəng formalarının sirrini açmağa başladıq. Biz maye şokolad və portağal
əzməsi kimi rütubətli və yumşaq günlərdə çimərək sirrin içinə girmək arzusuyla köməyə çağıran
metafora və analogiyalardan sərxoş olurduq. Balıqlardan biri eynilə Cottoya bənzəyirdi,
yadındadırsa, digər ikisi də yəşəm daşından qayrılmış itlər kimi oynaşırdılar, üçüncüsü isə, elə
bil, bənövşəyi buludun kölgəsiydi… Biz formalarda yaşayan, üçüncü ölçüdən məhrum həyat
kəşf etmişdik, bu formaların yox olmasını və güclə seziləcək çəhrayı zolağa çevrilərək suyun
içində hərəkətsiz qalmasını müşahidə edirdik, kaş ki, bizə tərəf dönəydilər. Üzgəcini hərəkət
etdirsə, möcüzə yenidən burada olacaq, budur onlar – gözləri, bığları, üzgəcləri, qarnından isə
arabir şəffaf ifrazat lenti çıxaraq arxasınca üzür, hər şey heç cür qırılan deyil, boş şeydir, ancaq
o, qəflətən bu mükəmməl məxluqu təmiz obrazlar aləmindən qoparıb bizimlə bir sıraya qoyur və
onu, yeri gəlmişkən, o günlərdə dilimizdən düşməyən çox böyük sözlərdən biriylə bağlayır.
(– 93)
9