51
işlə təmin edilmişdir. Rayon əhalisi üçün kreditlərin verilməsi, müxtəlif
kimyəvi pereparatlarla təminat, kənd təsərrüfatının daha sürətli inkişafına
və bolluq yaradılmasına təkan verir. Ümumiyyətlə, kənd yerlərinin kre-
ditləşdirilməsi istiqamətində atılan hər bir addım kənd rayonu olan Bər-
dədə insanların torpağa bağlılığını bir az da artırır. Bu da həm adamların
maddi durumunun yaxşılaşması, həm də bütövlükdə bərdəlilərin ölkə hə-
yatında özünəməxsus yerinin bir az da möhkəmlənməsi deməkdir.
Bərdə öz əvvəlki şöhrətini qaytarmaq istiqamətində əzmlə geniş-
miqyaslı inkişaf yolunu tutub. Bu gün həmin görülən işlərin bir qismini
təqdim etməklə bir daha vurğulamaq istəyirəm ki, Bərdə bütün dövrlərdə
olduğu kimi, yenə də öz böyük tarixinə, öz böyük ənənəsinə sadiqlik nü-
mayiş etdirməkdədir. Necə deyərlər, işləri avand, yolları uğurlu olsun.
Ceyhun Rüstəmov,
Bakı, 13.09.2004, AzərTAc
BƏRDƏ RAYONUNUN MƏRKƏZİ KİTABXANASINDA
REGİONLARDA YARADILAN İLK ELEKTRON
KİTABXANANIN AÇILIŞ MƏRASİMİ OLACAQ
9 fevral tarixində Bərdə rayonunun Mərkəzi Kitabxanasında Azər-
baycan regionlarında yaradılan ilk Elektron kitabxananın açılış mərasimi
keçiriləcək. Mədəniyyət və Turizm Nazirliyindən SİA-ya verilən məlu-
mata əsasən təqdimat mərasimində Azərbaycan Respublikası Mədəniyyət
və Turizm naziri Əbülfəs Qarayev, Bərdə Rayon İcra Hakimiyyətinin baş-
çısı İlham Ağayev, rayon ictimaiyyəti, ziyalılar, mədəniyyət müəssisələ-
rinin əməkdaşları iştirak edəcəklər.
Məlumat üçün bildirək ki, Azərbaycan Respublikası Prezidentinin
2008-ci il 6 oktyabr tarixli Sərəncamı ilə təsdiq edilən “Azərbaycan Res-
publikasında kitabxana – informasiya sahəsinin 2008-2013-cü illərdə in-
kişafı üzrə Dövlət Proqramı”na uyğun olaraq respublikada kitabxanaların
informasiyalaşdırılması işi həyata keçirilir.
Bərdə rayonunda yaradılan ilk Elektron Kitabxana rayon Mərkəzi
Kitabxanasında təşkil olunub. Kitabxana üçün xüsusi Avtomatlaşdırılan
Kitabxana – İnformasiya Sistemi alınıb, habelə kitabxananın Veb-saytı
(http://www.barda-mks.az) yaradılaraq oxucuların istifadəsinə təqdim edi-
lib. Kitabxananın binası əsaslı təmir olunub, müasir inventar və avadan-
lıqlarla təchiz edilib.
52
Veb-saytda Elektron kataloq və Elektron Kitabxana vasitəsi ilə
oxuculara kitabxananın resursları, habelə kitabların tam mətni təqdim
olunur. Elektron Kitabxana bölməsində yüzlərlə müasir, latın qrafikalı ki-
tabların tam mətni yerləşdirilib. Onlardan Azərbaycan və dünya ədəbiyya-
tından seçmələr, Azərbaycan-Ermənistan Dağlıq Qarabağ münaqişəsi
haqqında Azərbaycan və xarici müəlliflərin nəşrlərini qeyd etmək olar.
Bərdə rayon Mərkəzi Kitabxanasının saytında kitabxana və onun şöbələri,
habelə kitabxanada oxucular tərəfindən ən çox oxunan kitablar haqqında
məlumat verilir. Veb-saytda kitabxana tərəfindən keçirilən tədbirlər mütə-
madi işıqlandırılır. Saytda Dağlıq Qarabağ münaqişəsi, Xocalı faciəsinə
dair linklərdə Qarabağ haqqında ətraflı məlumatlar əldə etmək mümkün-
dür.
Bundan başqa, Veb-saytda “Qədim Bərdə və bərdəlilər” məlumat
bazası yerləşdirilib. Burada Bərdənin qədim dövrdən
müasir dövrə qədər
keçdiyi tarixi inkişaf mərhələsi, Bərdənin tarixi abidələri, habelə tanınmış
bərdəlilər haqqında ətraflı məlumatlar yerləşdirilib.
Sözügedən saytdan birbaşa Mədəniyyət və Turizm Nazirliyi, Pre-
zident Kitabxanası, M.F.Axundov adına Milli Kitabxana, C.Cabbarlı adı-
na Respublika Gənclər Kitabxanasının saytına daxil olmaq mümkündür.
08.02.2010
BƏRDƏDƏ YENİ LAYİHƏ TƏQDİM OLUNDU
Bərdə şəhər Elektron Kitabxanasında Azərbaycan Respublikası
Prezidenti yanında QHT-lərə Dövlət Dəstəyi Şurasının yardımı ilə həyata
keçiriləcək “Regionda ekoloji informasiyalaşdırma kampaniyasının təşki-
li” layihəsinin təqdimatı keçirilib. Sosial İnformasiya Agentliyinin xəbəri-
nə görə, təqdimatı “Ekoloji informasiya” İctimai Birliyinin sədri Musa
Muradov açaraq layihənin məqsəd və məramları və donor haqqında məlu-
mat verib. Tədbirdə çıxış edən layihə rəhbəri Taleh Şahsuvarlı bildirib ki,
Azərbaycan Respublikasının Ana Yasasının 39-cu maddəsi hər bir vətən-
daşa sağlam ətraf mühitdə yaşamaq hüququ verir. Bundan əlavə, Azər-
baycan Respublikasının Milli Məclisi 1999-cu ilin noyabrında Orhus
Konvensiyasını ratifikasiya edib. Üç əsas prioriteti özündə əks etdirən
konvensiya vətəndaşların ətraf mühit haqqında informasiya almaq hüqu-
qunu təmin etmək, vətəndaşlara ətraf mühitlə bağlı qanunların qəbul edil-
məsində iştirak hüququ vermək və ətraf mühit məsələləri ilə bağlı ədalət
məhkəməsinə müraciətləri təmin etməyə şərait yaradır.
53
Sevindirici haldır ki, Azərbaycan Konstitusiyasının 39-cu maddə-
sinin və Orhus Konvensiyasının müddəalarının yerinə yetirilməsi üçün
güclü qanunvericilik bazası mövcuddur. Belə ki, Azərbaycanda 2002-ci il
martın 12-də "Ətraf mühitə dair informasiyanın əldə edilməsi haqqında",
2005-ci il 30 sentyabrında isə "İnformasiya əldə etmək haqqında" Qa-
nunları qəbul edilib. Fəqət, Ekologiya və Təbii Sərvətlər Nazirliyi 12 say-
lı Ərazi Ekologiya və Təbii Sərvətlər Şöbəsinin rəisi Mübariz Hacıyevin
verdiyi məlumata görə, 2009-cu il ərzində heç bir vətəndaş şöbəyə ekoloji
informasiya almaq üçün müraciət etməyib. Həyata keçirilən layihə region
üçün məhz bu baxımdan əhəmiyyətlidir və əminik ki, layihəmiz Mübariz
Hacıyevi bir də belə "şikayətlər" etməyə qoymayacaq.
25 Aprel, 2010