İstismar dövründə avtomobil yük və sərnişin daşımalarını yerinə yetirərkən onun
konstruksiyasına müxtəlif xarakterli amillər təsir etdiyi üçün hərəkət tərkibinin texniki
vəziyyəti bir sıra səbəblərdən mənfi tərəfə dəyişir.Nəticədə avtomobilin yerinə yetirdiyi
nəqliyyat işi (t.km.-lə) və məhsuldarlığı (tonla) azalır, daşımaların maya dəyəri
yüksəlir.Bu isə iqtisadi cəhətdən sərfəli hesab edilə bilməz.Ona görə avtomobilin
5
onun texniki vəziyyəti vaxtaşırı təyin edilməli, qeyri-müəyyən hallar varsa, onlar aradan
qaldırılmalıdır.
Ümumiyyətlə, avtomobillərin texniki vəziyyəti üç üsulla təyin edilir
-vizual müşahidələr yolu ilə;
-bilavasitə ölçmə əməliyyatlarını yerinə yetirməklə;
-dolayı yolla, yəni xarici təzahürlərə görə.
Avtomobilin texniki vəziyyətinin təyin edilməsi çox mürkkəb prosesdir.Çünki onun
konstruksiyasında baş verən imtina və nasazlıqların çoxu gizli xarakter daşıyır.Bunları
birinci üsulla aşkara çıxarmaq həmişə mümkün deyil.İkinci üsullatəyin etmək üçün isə
tətbiq obyekti sökülməlidir.Bu isə vaxt itgisi və böyük iş həcminin yerinə yetirilməsi ilə
əlaqədar olduğundan, avtomobilin boş dayanma müddəti artır, məhsuldarlığı aşağı
düşür, son nəticədə isə daşımaların maya dəyəri yüksəlir. Bu baxımdan avtomobilin
texniki vəziyyətinin təyin edilməsi üçün üçüncü üsuldan geniş istifadə edilir.Burada
avtomobilin texniki vəziyyəti müxtəlif avadanlıqlardan istifadə etməklə, özü də
sökülmədən təyin edilir.Bunun nəticəsində avtomobilin təmirdə boş dayanma müddəti
azaldığı üçün ondan istifadə dərəcəsi artır.
Avtomobilin texniki vəziyyətinin üçüncü üsulla, yəni xarici əlamətlərə görə təyin
edilməsi “diaqnostika” adı ilə geniş yayılmışdır.
Dostları ilə paylaş: