4
Allah rəhmət eləsin
Naxçıvan Muxtar Respublikası Doğum
Mərkəzinin həkimlərindən Nəzakət
Quliyeva, Bəhriyyə Novruzova, İlhamə
Nəsirova, Bəhriyyə Əliyeva, Bilqeyis
Ələsgərova və Şəhla Əzimova həkim
Bəxtiyar Hüseynova, anası
MAXMƏR XANIMIN
vəfatından kədərləndiklərini bildirir
və dərin hüznlə başsağlığı
verirlər.
Naxçıvan Muxtar Respublikası Doğum
Mərkəzinin baş həkimi Kəmalə Qurbanova
və mərkəzin həkimlərindən Nüşabə Əliyeva,
Nəzakət Gülməmmədova, Səkinə
Abutalıbova və Hafizə
Mirzəyeva həkim Bəxtiyar Hüseynova,
anası
MAXMƏR XANIMIN
vəfatından kədərləndiklərini bildirir və dərin
hüznlə başsağlığı verirlər.
Asan hesab edilməyən
Asan hesab edilməyən
rəqib – “Şəmkir”
rəqib – “Şəmkir”
“A
“A
raz-Naxçıvan” çıxış
etdiyi 2000-2001 və
2001-2002-ci illər mövsümlərində
“Şəmkir”lə 4 dəfə qarşılaşmış,
onların 2-də məğlub olmuş, bu
arenada keçirilən görüşdə isə he-
sab açılmamışdır. Həmin dövr
şəmkirlilərin ən parlaq illəri hesab
edilirdi. Belə ki, Azərbaycanın
ən istedadlı futbolçularını heyə-
tinə cəlb edən qərb klubu məhz
bu iki mövsümdə çempionluq
sevinci yaşamışdır. Bununla ya-
naşı, “Qızıl oyun”la çempion ol-
duğu dövrdə şəmkirlilər Çem-
pionlar Liqasında böyük əzmkar -
lıq göstərmiş və tur adlamışdır.
Elə 2001-2002-ci il mövsümünü
də lider kimi başa vuran şəmkir-
lilər yenə UEFA kubokunda ba-
xımlı oyunları ilə yadda qalmış-
dılar. Belə bir komandaya qarşı
oynamaq, təbii ki, yeni formalaşan
bir klub üçün asan deyildi.
Daha çox hücum futbolu oy-
nayan “Şəmkir”in Naxçıvanda
bir qədər müdafiətipli oyuna üs-
tünlük verəcəyi gözlənilən idi.
Çünki qərb klubu yaxşı bilirdi
ki, muxtar respublikadan xalla
qayıtmaq mümkün olmayacaq.
Odur ki, komandanın məşqçisi
Ruslan Abbasov ən yaxşı halda
qapılarından daha az qol burax-
mağı yetirmələrinə tapşırmışdı.
Meydana komandanın əsas fut-
bolçularını buraxan baş məşqçi
4-2-3-1 taktikasını seçmişdi.
Oyunu rəqibi əks-hücumda tutma
taktikasında quran Ruslan Ab-
basov eyni zamanda müdafiəni
də gücləndirmişdi. Baş məşqçi
bütün oyunu Vüsal İbrahimovun
üzərində qurmuşdu.
Hər iki hissənin qalibi –
Hər iki hissənin qalibi –
“Araz-Naxçıvan”
“Araz-Naxçıvan”
“A
“A
raz-Naxçıvan”a gə-
lincə, ilk matçda
4-5-1 taktikasına üstünlük verən
baş məşqçi Əsgər Abdullayev
bu görüşdə bir qədər dəyişiklik
etmişdi. Onun belə addım at-
masına əsas səbəb komandanın
kapitanı Emin İmaməliyevin
zədəli olması və meydana çıxa
bilməməsi idi. Emin İmaməli -
yevin işi isə meydanda Eşqin
Quliyevə həvalə olmuşdu. Bütün
hücumları Eşqin Quliyevin üzə-
rində quran Ə. Abdullayev həm-
çinin cinahlardan da rəqibin mü-
dafiəsini yarmağı düşünmüşdü.
Bəxtiyar Soltanov, Elgün Abbaslı
və Elmin Çobanov hücumun
sivri ucunda Rəhman Musayevə
dəstək olmaqla yanaşı, rəqib qa-
pıya tez-tez zərbələr endirmək
tapşırığını almışdılar. İlk oyundan
fərqli olaraq, bu dəfə qapını qo-
rumağı baş məşqçi Nicat Əliyevə
tapşırmışdı. Müdafiənin dörd-
lüsündə isə Mikayıl Rəhimov,
Cavid Həsənov, Ruslan Abıyev
və Əlimirzə Daşzərini nəyə qadir
olduqlarını göstərdilər.
Oyun “Araz-Naxçıvan” üçün
yaxşı başladı. Elə ilk dəqiqələr-
dən hücuma atılan qırmızı-ağlar
rəqib qapısı önündə lövbər sal-
mağa başladılar. Daha çox ci-
nahlardan gələn asmaları hava
mübarizəsində qazanan koman-
damız hesabı 18-ci dəqiqədə aç-
mağa müvəffəq oldu. Sol cinahda
“Şəmkir”in kobud oyunu haki-
min diqqətindən yayınmadı. Tə-
yin olunmuş cərimə zərbəsini
isə Əlimirzə Daşzərini birbaşa
qapıya göndərməklə tablodakı
sıfırları dəyişdi. Qeyd edək ki,
bu, Əlimirzənin “Araz-Naxçı-
van”ın heyətində üçüncü qoludur.
Qoldan ruhlanan meydan sahib-
ləri hücumlarının sayını daha
da artırmağa başladılar. Cinahdan
edilən asmalarda Ruslan Abıyev
hamıdan yüksəyə tullansa da,
top qapıdan aralı keçdi.
Oyunun gedişində bütün
komponentlərdə üstün olan
“Araz-Naxçıvan” ilk hissədə bir
qədər maraqlı addım atdı. Belə
ki, baş məşqçi Əsgər Abdullayev
əvvəlcə 32-ci dəqiqədə Fərman
Qəmbərovu Elgiz Kərimli ilə
əvəzlədi və orta xətdə liderliyi
ələ keçirməyə müvəffəq oldu.
İlk hissənin başa çatmasına bir
dəqiqə qalmış isə Rəhman Mu-
sayev Amil Həsənovla əvəzlən-
di. A.Həsənovun oyun təcrübə-
sinin bir qədər az olması həmin
cinahda “Şəmkir”li futbolçuların
rahat hərəkət etməsinə səbəb
oldu. İlk hissədə, demək olar
ki, muxtar respublika klubu bir
neçə epizodda hesab arasındakı
fərqi artıra bilərdi. Xüsusilə
Bəxtiyar Soltanovun sağ cinah-
dan etdiyi driblinqlər və verdiyi
ötürmələr alqışlarla qarşılandı.
İkinci hissə də komandamızın
hücumları ilə başladı. Bir qədər
hücumameyilli futbol oynamağa
başlayan “Araz-Naxçıvan” rəqib
qapıçını daha çox cinahlardan
narahat edirdi. Belə hücumların
birində qapıçı ilə üzbəüz qalan
Bəxtiyar Soltanov qırmızı-ağların
heyətində ilk qoluna imza atdı.
O, müdafiəçiləri geridə qoyaraq
topu qapıçının başı üzərindən
tora göndərdi – 2:0. Bu qol həm
də komandamızın bir qədər sakit
oynamasına səbəb oldu. Yarım-
müdafiə xəttində Eşqin Quliyevi
Akif Tağıyevlə əvəzləyən Əsgər
Abdullayev yetirmələrinə daha
çox uzaqdan zərbələrlə hesabı
artırmağı tapşırdı. Bir epizodda
Amil Həsənov qola yaxın olsa
da, buna bir qədər dəqiqlik çat-
madı. Ancaq “Araz-Naxçıvan”
istəyinə 71-ci dəqiqədə nail oldu.
Epizodların birində cərimə mey-
dançasında yaranan qarışıqlıqdan
Bəxtiyar Soltanov layiqincə isti-
fadə etdi. O, qapıçıdan dönən
topu boş qapıya göndərməklə
oyunda dublunu rəsmiləşdirdi.
Artıq qələbəni tam olaraq sığor-
talayan qırmızı-ağlar son 10 də-
qiqədə daha iki dəyişiklik etdi.
Hesabı qorumaq istəyən Əsgər
Abdullayev hücumçunu müda-
fiəçi ilə əvəzlədi. Ancaq son də-
qiqədə qapıçı Nicat Əliyevin ko-
bud səhvindən “Şəmkir” bacarıqla
istifadə etdi. N.Əliyevin uzaq-
laşdırmaq istədiyi top “Şəmkir”li
Vüsal İbrahimovun qarşısına düş-
dü. O da boş qapını dəqiq nişan
almaqla hesab arasındakı fərqi
ikiyə endirdi. Bundan sonra oyun-
da başqa qol olmadı və “Araz-
Naxçıvan” ilk rəsmi “ev” oyu-
nunda rəqibi məğlub etməyi ba-
cardı – 3:1. Bu qələbədən sonra
komandamız 2 oyundan maksi-
mum xalla (6 xal) “Neftçala” və
“Qaradağ Lökbatan”la birlikdə
liderlər cərgəsində qərarlaşıb.
Qeyd edək ki, “Araz-Naxçı-
van” növbəti oyununu sentyabrın
29-da səfərdə keçirəcək. Ko-
mandamızın budəfəki rəqibi
İmişli təmsilçisi “Mil-Muğan”dır.
Baş məşqçilərin fikirləri...
Baş məşqçilərin fikirləri...
R
R
uslan Abbasov (“Şəm-
kir”in baş məşqçisi):
“Oyun istədiyimiz kimi başla-
madı. Birinci qoldan sonra fut-
bolçularım sanki özlərini itirdilər.
Əgər ilk hissədə hesabı bərabər-
ləşdirə bilsəydik, o zaman oyun
başqa cür olardı. Ancaq alın -
madı. Komandanın növbəti tur-
larda daha inamlı oynayacağını
düşünürəm. “Araz-Naxçıvan”a
qarşıdakı oyunlarda uğurlar
arzulayıram”.
Əsgər Abdullayev (“Araz-
Naxçıvan”ın baş məşqçisi): “İlk
olaraq, futbolçularımızı, stadiona
gələn bütün azarkeşləri qələbə
münasibətilə təbrik edirəm. İlk
“ev” oyununda qələbə qazanmaq
istəyirdik, buna da nail olduq.
Hesab daha böyük olardı, ancaq
bir qədər səhvlərimiz oldu. İndi
bu səhvlər üzərində çalışıb digər
oyunlarda bunu təkrarlamaq is-
təmirik. Oyunçuların hər biri
meydanda əzmkarlıq göstərdi.
Qarşıdakı oyunlara hazırlaşıb
qələbələrimizi davam etdirmək
istəyirik”.
-
Ceyhun MƏMMƏDOV
B
B
irinci divizionun ikinci turunda “Araz-Naxçıvan”
futbol komandası ilk rəsmi “ev” oyununda Şəmkirin
eyniadlı komandasını sentyabrın 22-də Naxçıvan Muxtar
Respublika Stadionunda qəbul etdi. İlk turda başqa bir
qərb təmsilçisi “Turan T”-ni məğlubiyyətə uğradan muxtar
respublika klubu bu matçda da qələbəni bayram edib,
liderlər qrupunda qərarlaşmaq istəyirdi. Odur ki, “ev”
oyunu qırmızı-ağlar üçün böyük önəm kəsb edirdi. Xüsusilə
12 il bundan öncə bu arenada “Şəmkir”ə məğlub olan
komandamız bu dəfə mütləq qələbə qazanmalı idi.
Muxtar respublikamızda sağlamlıq
imkanları məhdud uşaqların hüquqla-
rının təmin olunması, sağlamlıqlarının
qorunması, tibbi-sosial reabilitasiyala-
rının təşkili həyata keçirilən sosial si-
yasətin əsas istiqamətlərindən biridir.
Bu kateqoriyadan olan uşaqların xarici
ölkələrdə müalicəsi də daim diqqət
mərkəzində saxlanılır. Sentyabrın
22-də muxtar respublikadan 18 yaşadək
sağlamlıq imkanları məhdud 8 uşaq
valideynləri ilə birlikdə Ukrayna Res-
publikasının Evpatoriya şəhərində fəa-
liyyət göstərən sanatoriyaya müalicəyə
göndərilib. Uşaq serebral iflici diaqnozu
qoyulmuş sağlamlıq imkanları məhdud
uşaqlar bu sahə üzrə ixtisaslaşmış rea-
bilitasiya mərkəzində müalicə kursu
keçəcəklər.
Qeyd edək ki, bu ayın əvvəlində
nazirliyin təşkilatçılığı ilə 8 sağlamlıq
imkanları məhdud uşaq həmin sanato-
riyaya müalicə üçün göndərilib.
Naxçıvan Muxtar Respublikası Əmək və
Əhalinin Sosial Müdafiəsi Nazirliyinin
mətbuat xidməti
Sağlamlıq imkanları məhdud uşaqlar müalicə
üçün Ukrayna Respublikasına göndəriliblər
Naxçıvan Diaqnostika-Müalicə Mər-
kəzində xroniki böyrək çatışmazlığının
müalicəsində müasir üsulların tətbiqinə
dair elmi-praktik seminar keçirilmişdir.
Mərkəzin baş həkiminin müalicə işləri
üzrə müavini Zaur Həsənov tədbiri giriş
sözü ilə açaraq dünyada xroniki böyrək
çatışmazlığı ilə xəstələnmə hallarının
durmadan artdığı bir dövrdə müasir müa-
licə üsullarının tətbiqinə daha geniş yer
verilməsinin zərurətə çevrildiyini bildir-
mişdir. Qeyd olunmuşdur ki, hazırda bir
sıra ölkələrdə hər 1 milyon nəfərdən
800-1400-ü xroniki böyrək çatışmazlı-
ğından əziyyət çəkir. Onlardan 250-750
nəfərinə hemodializ müalicəsi tətbiq
edilir. Dializ böyrək çatışmazlığının əsas
əvəzedici üsulu olub, xəstənin həyatının
xilas edilməsinə, ömrünün uzadılmasına
və səhhətinin yaxşılaşmasına xidmət edir.
Ölkəmizdə dializ yardımının təkmil-
ləşdirilməsi və keyfiyyətinin yaxşılaş-
dırılması üçün dövlət tərəfindən bir sıra
əhəmiyyətli tədbirlər həyata keçirilir.
2006-cı ildən “Xroniki böyrək çatışmaz-
lığı üzrə Tədbirlər Proqramı”nın qəbulu
ilə əlaqədar xəstələrin dövlət təminatı
hesabına ixtisaslı müalicəsi və dərman
təchizatı mümkün olmuşdur. Hazırda
respublikamızın 22 dializ mərkəzində
1600-dən artıq xəstə dövlət vəsaiti he-
sabına dializlə təmin olunur.
Tədbirdə vurğulanmışdır ki, Naxçıvan
Diaqnostika-Müalicə Mərkəzi funksional
və başqa tədqiqat metodlarından istifadə
etməklə müayinəni həyata keçirən aparıcı
tibb müəssisəsi rolunu oynayır. Hazırda
burada 10, Naxçıvan Muxtar Respublika
Xəstəxanasında 3, Ordubad Rayon Mər-
kəzi Xəstəxanasında 2, Culfa Rayon
Mərkəzi Xəstəxanasında 2, Şərur Rayon
Mərkəzi Xəstəxanasında 3 dializ cihazı
fəaliyyət göstərir. Bu günlərdə açılışı
olacaq Babək Rayon Mərkəzi Xəstəxa-
nasında da 2 dializ aparatı tibbi heyətin
istifadəsinə veriləcəkdir.
Bildirilmişdir ki, muxtar respublika-
mızda yaşayan 77 xəstənin 53 nəfəri
Naxçıvan Diaqnostika-Müalicə Mərkə-
zində hemodializ müalicəsi almaqdadır.
İl ərzində, əlavə olaraq, muxtar respublika
qeydiyyatında olmayan və ya bura qonaq
gəlmiş 42 xəstəyə dializ müalicəsi həyata
keçirilmişdir. Bütövlükdə, ilin əvvəlindən
bəri Naxçıvan Diaqnostika-Müalicə Mər-
kəzində 4823 hemodializ seansı aparıl-
mışdır. Hazırda xroniki böyrək çatış-
mazlığı üzrə tədbirlər proqramının icrası
mərkəzdə uğurla davam etdirilir.
Sonra Naxçıvan Diaqnostika-Müalicə
Mərkəzi Hemodializ şöbəsinin müdiri
Mustafa Əliyev xroniki böyrək çatış-
mazlığının müalicəsi barədə məruzə
etmiş, tədbir iştirakçılarının suallarını
cavablandırmışdır.
Naxçıvan Muxtar Respublikası
Səhiyyə Nazirliyinin
mətbuat xidməti
Xroniki böyrək çatışmazlığının müalicəsində
müasir üsulların tətbiqinə dair elmi-praktik seminar
Son illərin quruculuq ünvanlarından
biri olan Culfa Rayon Mərkəzi Xəstə-
xanasında əhalinin müayinə və müalicəsi
üçün lazımi şərait yaradılmışdır. Müasir
tibbi avadanlıqların quraşdırıldığı, zirzəmi
ilə birlikdə üç mərtəbədən ibarət 50 çar-
payılıq xəstəxanada hazırda 26 həkim,
56 tibb işçisi çalışır. Xəstəxanada Sta-
sionar, Poliklinika, Təcili yardım şöbələri
fəaliyyət göstərir. Burada həmçinin yo-
luxucu xəstə liklər, pediatriya, doğuş və
ginekologiya, cərrahiyyə, terapiya böl-
mələri vardır. Rayon Mərkəzi Xəstəxa-
nasında cərrahiyyə bölməsi yeni sahə-
lərdən biridir. Bölmənin müasir cərrahi
avadanlıqlarla təchiz edilməsi xəstələrin
rayondan kənara getmədən, elə bu
səhiyyə müəssisəsində müalicələrinə
imkan verir.
Naxçıvan Diaqnostika-Müalicə Mər-
kəzinin cərrahları burada yaradılmış şə-
raitdən səmərəli istifadə edərək indiyədək
10-dan çox müxtəlif cərrahi əməliyyat
həyata keçirmişlər. Növbəti əməliyyatlar
isə ötən şənbə günü keçirilmiş, bir gündə
20 xəstə müayinə olunaraq onlardan 6
nəfəri üzərində cərrahi əməliyyat apa-
rılmışdır. Bu əməliyyatlar Diaqnostika-
Müalicə Mərkəzinin cərrahları Abasət
Hüseyn əliyev, İsa Abdullayev, Şahin
Məmmədli, Nazim İbrahimov, aneste-
zioloq Ənvər Şıxəliyev və əməliyyat
blokunun tam heyəti tərəfindən icra olun-
muşdur. Əməliyyat olunan xəstələr – İn-
tiqam Əliyev, Zakir Həbibov, Günay Hü-
seynova birgünlük müşahidədən sonra
evlərinə buraxılmışlar. Həmin gün Yaycı
kəndindən aztəminatlı Rzayevlər ailəsinin
2 övladı üzərində də cərrahi əməliyyatlar
aparılmışdır. Uşaqların nənəsi Solmaz
Tağıyeva bu humanitar aksiyanı ölkə-
mizdə əhalinin sağlamlığının qorunmasına
dövlət qayğısının parlaq ifadəsi kimi
dəyərləndirmişdir.
Culfada bir gündə altı cərrahi
əməliyyat aparılmışdır
Qeydiyyat №: 575
Əlyazmalara cavab verilmir
və onlar geri qaytarılmır
ØßÐÃqapısı
Ünvan: AZ-7000,
Naxçıvan şəhəri, “Təbriz” küçəsi, 1.
Telefonlar: Məsul katib: 545-62-47
Şöbələr: 545-81-44, 545-51-18
Müxbirlər: 545-75-21, Faks: 544-52-52
E-mail: serqqapisi@nakhchivan.az
Nömrəyə məsul: Kərəm Həsənov
Qəzet redaksiyanın kompüter mərkəzində yığılıb, səhifələnib və
“Əcəmi” NPB-də ofset üsulu ilə çap olunmuşdur
.
Tiraj: 3940. Sifariş № 864
Baş redaktor:
TURAL SƏFƏROV
“Araz-Naxçıvan”dan
“Araz-Naxçıvan”dan
maksimum nəticə
maksimum nəticə