2.1.1. Çar Rusiyası dövründə Azərbaycanda yerli özünüidarəetmə
Tarix boyu Azərbaycan ərazisində yerli idarəçilik sistemi müxtəlif pillələrdə,
fərqli idarəçilik altında fəaliyyət göstərmişdir. Azərbaycanda keçmiş dövrlərdən
başlayaraq XIX əsrin sonlarına qədər YÖİ-nin təşkilində vahid hakimiyyətə
üstünlük verilmiş və özünüidarəçilik sistemi əsasən şəhərlərdə mövcud olmuşdur.
Rusiya İmperiyası ilə Qacarlar dövləti (İran) arasında imzalanmış oktyabrın
12-i 1813-ci il “Gülüstan” və fevralın 10-u 1828-ci il “Türkmənçay” sülh
müqavilələri nəticəsində Azərbaycanın tarixi torpaqları iki imperiya arasında
bölüşdürülərək, dövlət müstəqilliyindən məhrum edildi. İşğal nəticəsində
Azərbaycan ərazisinin şimalı Rusiya müstəmləkəçiliyinin əsas xammal bazasına
çevrildi və ölkənin iqtisadiyyatına, mədəniyyətinə ağır zərbə endirildi, və yerli
25
idarəçiliyi tamamilə ləğv edildi. Çarizm Qafqazdan öz qayda-qanunlarını bərqərar
etmək, xristianları yaymaq, bölgədə islamın oynadığı mühüm rolu mümkün qədər
məhdudlaşdırmaq siyasəti yürütməyə başladı.
Azərbaycanda ilk bələdiyyənin təcrübəsi və yeni mərhələsi məhz Çar
Rusiyası dövrünə təsadüf etmişdir. Bu dövrdə idarəçilik Çar Rusiyasın təyin etdiyi
məmurların, qısa olaraq desək sərt bürokratiyanın əlində cəmlənmişdi. Çar
Rusiyasında ilk bələdiyyə qanunu 1846-ci ildə paytaxt Sank-Peterburq üçün
çıxarılmışdır. Daha sonra ilərləyən zamanlarda 1862-ci ildə Moskvada, 1863-cü
ildə isə Odessada tətbiq edilməsi üçün qanun çıxarıldı. Lakin, bəzi səbəblərdən
dolayı bələdiyyənin tətbiq edilməsindən müsbət fayda ala bilmədilər. Bunun
üzərindən şəhərlərin inkişaf etməsi, şəhər əhalisinin sayının çoxalması və şəhər
büdcələrinin artması nəticəsində uzun müzakirələrdən sonra 1872-ci il 16 iyunda
Çar II Aleksandr tərəfindən bələdiyyələrin yaradılması ilə bağlı qanun çıxarıldı. Bu
ilk öncə Rusiyanın daxili quberniyalarında həyata keçirilməyə başlanıldı.
Zaqafqaziyada isə onun həyata keçirilməsi hələ də ləngiməkdə idi. Buna əsas
səbəb olaraq, guya yerli əhalinin şəhər idarəetmə işində səriştələrin olmaması,
lazımınca inkişaf etməməsi idi. Azərbaycanda da bir çox şəhərlərin iriləşməsi və
əhalisinin sayının artmasına baxmayaraq, yerli idarəçilik polis idarələrinin
ixtiyarında qalmaqda davam edirdi. Bu dövrdə Bakı qubernatoru olmuş
Kolyubakin də qeyd etməyə çalışırdı ki, yerli əhali kifayət qədər inkişaf
etmədiyinə görə yerli idarəçiliyi, o cümlədən şəhərlərin idarəsini polisin əlində
cəmləşdirmək və şəhər dumalarının isə polisin yanında sadəcə məsləhətçi bir orqan
kimi fəaliyyət göstərmələrini qeyd edirdi.
Bu dövrdə, yerli idarəetmə orqanları demək olar ki, çox az sayda səlahiyyətə
malik idi. Təbii ki, belə məhdud səlahiyyətlərin verilməsinin və qubernatorların
etirazının səbəbi məlum idi. Belə ki onlarda dərk edirdi ki, əgər şəhərlərdə
dumaların yaradılması və səlahiyyətlərin verilməsi onların müstəmləkəçilik
siyasətinə uyğun gəlmirdi. Bütün bu səbəblərə görə Azərbaycanda şəhərlərin
özünü idarə etmə sistemi haqqında 1877-ci il fərmanı ilə Bakıda tətbiq edilməyə
başlanıldı və şəhərlərdəki polis, əsgər idarəetməsi sisteminə bir anda son verildi.
26
Bundan sonra Bakı qubernatoruna yerli dumaya üzvlərin seçilməsi mərhələsinə
başlanılması üçün tapşırıq verildi. Lakin, dumaya seçilmək üçün Çar Rusiyası
tərəfindən bəzi məhdudiyyətlər qoyulmuşdu. Yeni qərara əsasən dumaya seçilmək
üçün insanlar arasında təbəqələşmə prinsipi aparılır, hər adam isə öz namizədliyi
verməsi mümkünsüz idi. Çünki, dumaya seçilmək üçün müəyyən şərtlər və
məhdudiyyətlər hökm sürürdü. Belə ki, dumaya seçilmək üçün 25 yaşdan yuxarı
olmalı, zəngin təbəqə rütbəsindən ibarət olmalı, hər hansı bir daşınmaz əmlaka,
mülkə malik olmalı, ticarət və ya sənaye müəssisələri saxlamalı yada işlətməli,
aylıq gəlirləri 1500 rubldan çox olmalı və şəhərdə ən az iki ildən çox yaşamalı idi.
Bu məhdudiyyətlərdən digəri isə dumaya seçiləcək üzv sayının yarısından çoxu
xristianlardan olmaq şərti idi. Həmçinin, seçkilərdə iştirak edən insanların sayına
da məhdudiyyətlər qoyulmuşdu. Belə ki, kasıb təbəqədə olan insanlar yəni,
fəhlələr, müəllimlər, vergi vermək üçün mənzilləri olmayan şəxslər, yaşı 25-dən
aşağı olanlar və qadınlar səs vermə üçün icazələri yox idi. Belə olduğu halda həm
yoxsul təbəqələrin, həm də müsəlmanların iqtidardan uzaq tutulması siyasəti
güdülürdü. Bütün bu şərtlər və məhdudiyyətləri bir sözlə demək olar ki, bu seçkilər
ancaq xüsusi mülkiyyət hüquqlarına əsaslanırdı. Buna görə də, seçicilərin iştirakı
çox məhdud sayda olmaqla, əhalinin yalnız bir necə faizi seçkilərdə iştirak edə
bilirdi. Səsvermə isə hər bir namizəd üçün ayrılıqda keçirilirdi. Seçki qutuları
yarısı ağ və qara olmaqla iki yerə bölünmüşdü. Hər seçici isə namizədin lehinə səs
vermək ağ qutuya, əlehinə səs vermək istəyəndə isə qara qutuya öz seçimini edirdi.
Seçki zamanı nadir hallarda bir neçə ziyalı seçilə bilirdi. Belə ki, 1877-ci il
dekabrında Bakı şəhər dumasına seçilən üzvlər içərisində bir neçə ziyalı var idi ki,
bunlardan da seçilmək hüququ qazanmaq üçün başçısı ölmüş varlı ailələrindən
birinə qəyyum təyin edilməklə mümkün olmuşdu. Bu şəxslər Həsən bəy Zərdabi,
Həbib bəy Mahmudbəyov, Əli Mərdan bəy Topçubaşov idi.
(İsmayılov M, 2007)
1877-ci il seçkilərində seçkilərdə iştirak etmək üçün həm insanlar arasında
təbəqələşmə, həm də seçilən üzvlərin yarısından çoxu xristinlar təşkil edilməli idi.
Bu səbəbdən, birinci dumaya Bakıdan 72 nəfər üzvdən 36 nəfəri müsəlmanlar
təşkil etmişdi. Bu üzvlər arasında həmin dövrün zəngin və ziyalı şəxsləri olan
27
Musa Nağıyev, Hacı Zeynalabdin Tağıyev, Ağabala Quliyev, Şəmsi Əsədullayev, ,
İbrahim bəy Aşurbəyov, Əli İskəndər Aşurov, İsabəy Hacınski, Nəcəfqulu Sadıqov
və başqaları var idi.
Yeni qanuna əsasən, şəhər idarəsi 4 il müddətinə seçilmiş şəhər dumasının
dörd üzvündən və dumanın iclaslarında tamhüquqlu səlahiyyətə malik olan şəhər
başçısından ibarət idi. 1877-1882-ci ilə kimi şəhər dumasının üzvləri Məmməd
Həsən Hacınski, Kamil bəy Səfərəliyev, Cümşüd Cavadoviç və Makedonski Boris
Aleksandroviç idi. İdarənin katibliyi vəzifəsini isə qısa müddətdə olsa Nəcəf bəy
Vəzirov daşıyırdı. Şəhər idarəsinin əsas funksiyasına vəzifəli şəxslərin təyin
edilməsi, şəhərin ictimai problemlərinin həll edilməsi, vergi və rüsumların təyin
edilməsi, şəhər büdcəsinin gəlir və xərclərini əks etdirən hesabatların hazırlanması,
şəhərin və ətraf mühitin təmiz saxlanılması və zibillərdən təmizlənməsi daxil idi.
Şəhər dumasının iclasları isə qubernatorun tələbləri əsasında şəhər başçısı
tərəfindən təyin olunurdu. Lakin, qubernatorun və quberniya idarəsi tərəfindən tam
nəzarət olunduğundan duma öz üzərinə düşən səlahiyyətləri və funksiyaları
müstəqil şəkildə yerinə yetirmək iqtidarında deyildi. Duma yerli polis idarəsindən
həm asılı vəziyyətdə idi, həm də sərt büroktarik, iyerarxik idarəçilik sistemi hökm
sürürdü. Dumada alınacaq bütün qərarlar yəni, vergilərin təyin edilməsi, vəsaitlərin
xərclənməsi, şəhərin idarəçiliyinə dair alınan digər qərarları polis idarəsi ilə
razılaşdırılmalı idi. Çünki, bu kimi qərarları reallaşdırmaq yalnız güc polisinin
əlində idi.
(
https://anews.az/az/baknn-ictimai-idareiliyi-nece-yaranb-tarix/test
)
1892-ci ildə hakimiyyətdə olan III Aleksandr, yeni şəhər əsasnaməsini təsdiq
etmişdir. Həmin əsasnaməyə görə, qubernatora bütün şəhərin idarəetmə işlərində
birbaşa qarışmasına səlahiyyət verildi. Həmçinin, qubernatora şəhərin
idarəetməsində məsul şəxsləri işdən azad etmək, işə daxil etmək, qanun
pozuntuları aşkarlananda inzibati məsuliyyətə cəlb etmək səlahiyyəti də verildi.
(Qılman İ., 2006)
|