Nəticələrin
elmi-praktiki
əhəmiyyəti:
Dissertasiyada
əks olunan
informasiyalar
vasitəsilə
YÖİ
orqanlarının
maliyyə
mexanizminin
təkmilləşdirilməsi, alternativ maliyyə qaynaqlarının formalaşmasının təklifləri və
onların mövcud problemləri əks olunmuşdur.
Dissertasiya işinin strukturu və həcmi:
Tədqiqatın işi giriş, 3 fəsil, 8
paraqraf, nəticə və təkliflər, istifadə edilmiş ədəbiyyat siyahısı, 8 cədvəl və 2
qrafiklərin siyahısı daxil olmaqla 71 səhifədən ibarətdir.
10
I FƏSİL. YERLİ ÖZÜNÜİDARƏETMƏ ORQANLARININ
MALİYYƏLƏŞMƏSİNİN NƏZƏRİ VƏ METODOLOJİ ƏSASLARI
1.1. Yerli özünüidarəetmə orqanlarının yaranma prosesi və inkişaf
mərhələləri
Bütün dünyada demokratiyanın və müstəqilliyin əsas mərhələsi kimi
qiymətləndirilən yerli özünüidaetmənin meydana çıxması uzun tarixi bir inkişaf
yolu keçmişdir.
Qədim yunan və Roma şəhərləri bugünkü bələdiyyəçilik
anlayışının təməllərini təşkil edir. Roma şəhərini ifadə edən “municipe” termini
bugünkü ingiliscədəki “municipality” (bələdiyyə) terminindən qaynaqlanır.
(Karadeniz Ş., 2019)
Müasir dövlətin siyasi nəzəriyyəsi 1550-ci ildən 1650-ci ilə qədər
yaranmağa başladı. Müasir dövlətin yaranması ilə yerli hökumət dövlətin tərkib
hissəsi olmuş və sonrakı illərdə mərkəzi dövlətlər daha da güclənmişdir. 1600-
1800-ci illər arasında olan Böyük Britaniya, Fransa və Almaniyada yerli
hökumətlər “ara qurumlar” olaraq fəaliyyət göstərirdi. Çünki bu dövrdə hakimiyyət
mərkəzləşmişdi və ulus-dövlətlərinin ortaya çıxması ilə dövlət tək vahid
hakimiyyətə çevrildi. Bu dövrdə Montesquieu, Rousseau və Kant kimi
mütəfəkkirlər birləşərək "başqa bir quruma azad dövlətə və azad bir vətəndaşa
girməyə ehtiyac yoxdur” fikrini irəli sürdülər. Daha sonrakı dövrdə, Robert Turgot
və Jeremy Benthamın (1748-1832) İngiltərədəki fəaliyyətləri ilə yerli hökumət
ideyası canlandı. İlk növbədə fransız, lakin İngiltərədə yaşayan Robert Turgot
(1727-1781) yerli hökumətin islahatını müdafiə etdi. O, ölkənin bələdiyyələrə və
kəndlərə bölünməsini, bələdiyyə seçki mühitinin qurulmasını və ən yaxşı bələdiyyə
kəndin daşınmaz əmlakı tərəfindən seçilməsini təklif etdi. Bentham İngiltərədə
"yerli hökumət" konsepsiyasını təqdim etdi. O, həmçinin ölkəyə daha yaxşı xidmət
etmək üçün yerli hökumət modelini təklif etdi. Benthamın fikirləri İngiltərədən
kənarda Fransanı da təsir etdi.
XVIII əsrin sonlarından etibarən bir sıra ölkələrdə YÖİ orqanları
yaradılmağa başlanıldı. Belə ki, Fransada YÖİ orqanları haqqında ilk hüquqi sənəd
11
1790-cı ildə, İngiltərədə isə 1835-ci ildə qəbul edilmişdir. İlk dəfə YÖİ haqqında
konstitusiyanın əsasını 1831-ci ildə Belçika Krallığının Konstitusiyasında
qoyulmuşdur. Bu sənəd ilə hakimiyyətin ənənəvi üç qolu ilə yanaşı dördüncüsü-
bələdiyyə hakimiyyəti də tanınmışdır.
1835-1919-cu illər arasındakı YÖİ haqqında edilən islahatlarda İngiltərədə
yerli rəhbərliklərini yerli xidmət təşkilatı kimi təşkil edildi. Bu dövrdə yerli
hakimiyyət orqanları müasir bir şəhər formalaşdırmaq üçün əsasən məsuliyyət
daşıyırdılar. Dövlətin bir hissəsi olaraq qəbul edilən yerli rəhbərliklər, şəhərin
demək olar ki, bütün ehtiyaclarını qarşılamağa başlamışdılar.
Yerli rəhbərliklər XIX əsrin sonlarına doğru inzibati bölmənin əsas vahidləri
olmuşdular. Bu proses nəticəsində bələdiyyələr dövlətin tərkibində deyil, vətəndaş
cəmiyyətinin bir hissəsi kimi çıxış edirdi. Həmin əsrdə yerli rəhbərliklərin
demokratiyanın əhəmiyyətli və lazımlı təşkilatlar olduğunu ifadə edən John Stuart
Mill (1806-1873), "xalq vergi ödəyirsə, milli səviyyədə olduğu qədər də yerli
səviyyədə də söz haqqı olmalıdır" deyərək, yerli səviyyədə xalqın rəhbərliyə
qatılmasıyla effektli bir idarəetmənin reallaşacağını ifadə etmişdir. Bundan başqa
A. Tokvil, (1805-1859) Milin görüşünə paralel olaraq yerli rəhbərlikləri
demokratiyanın məktəbi olaraq adlandırmışdır. Özü şəxsən ABŞ-a gedərək orada
etdiyi müşahidələr nəticəsində "bir şəhərin müstəqil bir hökumət qura biləcəyini,
ancaq bələdiyyə təşkilatlarına sahib olmadan müstəqillik həyəcanına sahib ola
bilməyəcəyini" söyləmişdir.
(Mehmet Z.S, Köseoğlu Ö., 2016)
1848-ci ildə İngiltərədə ortaya çıxan sənayə inqilabı nəticəsində
manufakturaların sayı sürətlə artması və inkişafı, sənətkarların və tacirlərin bir
sözlə şəhər əhalisinin artması ilə YÖİ sisteminin inkişafında yeni bir dövrün
başlanğıcı olmuşdur. XIX əsrdə şəhərlər sıx əhali, hava çirkliliyi və
infrastrukturun olmaması kimi problemlərlə üzləməşməyə başlamışdır. Bu
problemlərin axtarışı və həlli yolları üçün avropa bələdiyyələrinə dərindən təsir
etmiş, yerli hökumətlərə yeni qərarların verməsinə təsirini göstərmişdir.
(Ökmen M.,
Bekir P., 2013)
12
Yerli özünüidarəetməyə müasir baxışın əsasını XIX əsr alimlərinin
əsərlərində irəli sürülən nəzəri fikirlər təşkil edir və bu fikirlər bir-birindən əsaslı
surətdə fərqlənirdi. Bir necə alimlər YÖİ-ni dövlətin və mərkəzi hökumətin ümumi
siyasi baxışlarına uyğun xidmət göstərən forması kimi hesab edirlər. Digər alimlər
isə YÖİ orqanlarının özünəməxsus şəkildə müstəqilliyini müdafiə edirlər. İddia
edirdilər ki, YÖİ orqanları müstəqil və qurum olaraq yalnız yerli xalqın
qarşılaşdığı problemləri yerindəcə həll etməli və onlara xidmət göstərməlidirlər.
Bu gün dünyanın inkişaf etmiş ölkələrində mövcud olan YÖİ sistemləri öz
varlığını əsasən XIX əsrin bələdiyyə islahatlarına borcludur.
(Yusifov S., İsmayılov V.
və Hüseyn A, 2016).
Yerli özünüidarəetmə nəzəriyyəsinin inkişafında ABŞ-ın görkəmli xadimi
T.Ceffersonun da böyük rolu olmuşdur. O, YÖİ orqanlarının qeyri-mərkəzləşdirmə
kimi hesab edir və müstəqil şəkildə özünüidarə edən icmaları ədalətli idarəetmənin
və xalqın müstəqilliyinin əsası kimi hesab edirdi. T.Ceffersonun görüşlərinin təsiri
altında fransız tarixçi, sosioloq və siyasi xadim A.Tokvil bildirirdi ki, YÖİ
orqanlarının müstəqillik şəkildə fəaliyyət göstərən bir qurumdur və hakimiyyətin
ilkin mənbəyini dövlət tərəfindən təyin olunmuş nümayəndəli dövlət orqanları yox,
könüllülük prinsipi əsasında icmada birləşmiş və öz işlərini sərbəst, müstəqil həll
edən bir qurum olmalıdır. Bu və digər bənzər fikirlər Avropada XIX əsrin
ortalarına doğru geniş yayılan azad icma nəzəriyyəsinin əsasını təşkil etməyə
başladı. Bu nəzəriyyəyə əsasən, yerli hakimiyyət orqanları dövlətdən əvvəl
yaranmış və dövlət məhz yerli hakimiyyətin inkişafı nəticəsində yaranmışdır.
Məhz buna görə dövlət orqanları yerli hakimiyyətin azadlığına hörmətlə yanaşmalı
və onların sərbəst şəkildə fəaliyyət göstərməyinə şərait yaratmalıdır. Həmçinin bu
nəzəriyyəyə görə, dövlət icmanı yaratmalı deyil, sadəcə olaraq onu müstəqil qurum
kimi tanımalıdır.
(Ökmen M., Bekir P., 2013)
XIX əsrin görkəmli alman filosofu, iqtisadçısı, sosial dövlət ideyasının
müəllifi Lorens fon Şteyn (1815-1890) YÖİ orqanlarının dövlətin bir hissəsi kimi
baxırdı. O hesab edirdi ki, özünüidarəetmə yerlərdə dövlət idarəetməsinin təşkili
formalarından biri olub, ictimai xarakterli istənilən idarəetmə dövlətin işidir. YÖİ-
13
nin tətbiqi yerli icmanın dövlətdən ayrılması ilə deyil, yerli sakinlərin dövlət
maraqlarına və məqsədlərinə xidmətə cəlb olunmasıdır. YÖİ sahəsindəki bütün
səlahiyyətlər dövlət tərəfindən verildiyinə görə bələdiyyələrin həll etməli olduğu
bütün problemlər də müəyyən dərəcədə dövlət əhəmiyyətlidir. L.Şteynin fikrlərinə
paralel olaraq həmin əsrdə yaşamış və yerli özünüidarəetməyə siyasi aspektdən
yanaşan Rudolf fon Qneist (1816-1895) düşünürdü ki, YÖİ orqanlarının vəzifəli
şəxslərinin seçki ilə vəzifəyə gəlməsi, onların tam olaraq müstəqil olmasını
müəyyən etmir. Əgər vəzifəli şəxslərin siyasi asılılığı olarsa, onlar idarəetmədə
müstəqil qərar vermə imkanına malik ola bilməz. Buna görə də, YÖİ orqanlarının
vəzifəli şəxslərinin mərkəzi hökümət tərəfindən təyin edilməklə deyil, yerli
əhalinin seçkisi ilə iş başına gəlmələridir ki, bu ha həmin orqanlara və vəzifəli
şəxslərə nisbi müstəqillik verir, eyni zamanda onların yerli əhalinin nəzarəti altında
olmasını təyin edir. Buna baxmayaraq YÖİ orqanları və vəzifəli şəxslərinin seçki
vasitəsi ilə iş başına gəlməsi hələ də onların müstəqilliyinə təminat vermir. O qeyd
edirdi ki, YÖİ orqanlarının müstəqilliyini təmin etmək üçün burada çalışan şəxslər
ictimai əsaslarla öz işlərini görərək əmək haqqı almadan çalışmalıdırlar və vəzifəli
şəxslərin əmək haqqı almadan işləməsini özünüidarəetmə orqanlarının mərkəzi
hakimiyyətdən asılı olmaması kimi qiymətləndirirdi. Çünki, həmin işlərin əvəzi
ödənilən olması onlara gəlir mənbəyi kimi baxılmasına gətirib çıxarır və bu da
iqtisadi vəziyyətdən asılı olaraq, həm YÖİ orqanlarında çalışan şəxslərin, həm də
bu orqanların müstəqillik olmamasına mənfi təsir göstərə bilər.
(Yusifov S., İsmayılov
V. və Hüseyn A, 2016).
XX əsrdə Fransada Henri Pirenne, İngiltərədə Sidney və Beatrice Webb,
Almaniyada isə Max Weber bələdiyyə islahatları ilə maraqlanırdılar. XX əsrdə
yerli hökumətlərinin qızıl çağı hesab olunurdu. Bu dövrdə yerli rəhbərliklər
özlərini maliyyələşdirmiş və mərkəzi hökumətlərə nisbətən daha çox xidmət
göstərmişdilər. Bu dövrdə irəli sürülən və dəstəklənən bələdiyyə sosializmi
ideyası, yerli muxtariyyətə və yerli demokratiyaya təsir göstərən fikirlərdən biri
idi. Bu fikrin nümayəndələrindən olan Beatrice Webb və onun kimi düşünənlər işçi
sinfinin birlikdə hərəkət etməli, sosial islahat və təmsilçilik üçün səy
14
göstərməlidilər. Onlar bələdiyyə sosializmi ilə öz məqsədlərini yerinə
yetirəcəklərini düşünürdülər. Bələdiyyə sosializmin əsas prinsipləri ondan ibarət
idi ki, əksəriyyət tərəfindən müəyyən edilmiş və idarə olunan yerli xidmətlər
bələdiyyələr tərəfindən həyata keçirilməli idi.
(Karadeniz Ş., 2019)
XX əsr vətəndaş və siyasi azadlıqların genişləndiyi il idi. Bu dövrdə
bərabərlik və azadlıq konsepsiyası inkişaf edirdi. XX əsrin birinci rübündən
etibarən isə Qərbi Avropada, xüsusilə İngiltərədə yerli hökumətlərin fikirləri
dəyişməyə başlamışdır. Xüsusilə 1929-cu il iqtisadi böhrandan sonra, dövlət
vəzifələrinin artırılması ilə paralel olaraq dövlət xidmətlərinin sayı artmağa
başlamışdı. Bu dövrdə yerli rəhbərliklər mərkəzi hökumətin genişləndirilməsi və
yerli xidmətlərin səmərəli çatdırılması üçün bir sistem kimi qəbul edilməyə
başlamışdılar. 1945-1975-ci illər arasında sosial dövlət anlayışının inkişafıyla
birlikdə yerli səviyyədə "rifah dövləti bələdiyyəçiliyi" və ya digər bir ifadə ilə
"ictimai bələdiyyəçilik" anlayışı da yayılmışdır. Beləliklə, yerli idarələr səhiyyə,
təhsil, mədəniyyət, idman, təhlükəsizlik və s. bir çox sosial xidmətlər həyata
keçirmişdir. Sosial dövlət bələdiyyələri II. İkinci dünya müharibəsindən sonra
sosial demokratik idarəetmənin ideologiyasına da uyğun gəlmişdir.
1970-ci illərin sonundan etibarən, yerli rəhbərliklərin inzibati və maliyyə
mənbələrinin artırılması və yerli idarəetmə meylləri yenidən gündəmə gəlmişdir.
1980-ci ilə qədər sərt mərkəzləşdirmə xüsusiyyətlərini qoruyub saxlayan Fransada
da, yerli proseslər bundan sonra da genişlənmişdir. Dünyadakı lokallaşdırma
siyasəti dövlət proqramlarına daxil olub və həyata keçirilməyə başlanıldı.
(Eryılmaz
B., 2010)
Dostları ilə paylaş: |