EKOLOJİ SİYASӘT
Beynəlxalq Konvensiyalardan irəli gələn məsələlərin həllindən ötrü Azərbaycan
Respublikası Prezidentinin Sərəncamı ilə əlaqələndirici dövlət və mərkəzi icra orqanı
təyin edilir. Bu təşkilatlar Konvensiyalar üzrə Beynəlxalq təşkilatlarla əlaqələr qurur,
onların ölkə daxilində icrası ilə bağlı məsələlərin həllindən ötrü Azərbaycan
Respublikası Nazirlər Kabinetinin qərarlarına uyğun fəaliyyəti təşkil edirlər və s.
Konvensiyalardan irəli gələn öhdəliklərin yerinə yetirilməsi ilə bağlı məsələlərin
həlli adətən aidiyyatı üzrə müvafiq icra orqanları və ya konkret təşkilata həvalə olunur.
Konvensiya və Protokolların bir çoxunun icra mexanizmlərinin faydalanma, beynəlxalq
və regional layihələrdə, proqramlarda iştirak, nou‐hauların və güzəştli investisiyaların,
kreditlərin ölkəyə cəlb edilməsi imkanları mövcuddur.
ARDNŞ‐nin fəaliyyəti ilə bağlı əsas beynəlxalq sənədlər barədə aşağıda qısa
şərhlər verilir.
BMT–nin İqlim Dəyişmələri üzrə Çərçivə Konvensiyası
– 1992–ci ildə qəbul
edilmişdir. Konvensiyanın ali orqanı Tərəflər Konfransıdır, Katiblik Bonn şəhərində
yerləşir. Konvensiyanın məqsədi atmosferə yanacağın yandırılması nəticəsində atılan,
istixana effekti yaradan qazların miqdarını azaltmaqla, dünya ölkələrində davamlı
inkişafa nail olmaq və iqlim sistemini gələcək nəsillərə saxlamaqdır. Konvensiyaya görə
atmosferə atılan qlobal tullantıların miqdarı 1990‐cı il səviyyəsində saxlanılmalı və ya
ondan aşağı səviyyədə olmalıdır. Konvensiya inkişaf etmiş ölkələr üçün tullantıların
azaldılması üzrə konkret öhdəliklər təyin etmişdir. Həmçinin onların qarşısına inkişaf
etməkdə olan ölkələrə yardım etmələri barədə vəzifələr qoymuşdur. Azərbaycan
Respublikası Konvensiyanı 1995‐ci ildə ratifikasiya etmişdir. Bu Konvensiya beynəlxalq
sistemdə ətraf mühit sahəsində qəbul edilmiş ən iri Konvensiyadır və o ətraf mühit
sahəsində mövcud olan “Ozon qatının qorunması üzrə Konvensiya”, “Bioloji
müxtəliflik üzrə Konvensiya”, “Səhralaşmaya qarşı mübarizə Konvensiyası” ilə sıx
əlaqədədir.
1997‐ci ildə bu Konvensiyanın müddəalarının icra mexanizmlərini özündə
birləşdirən
Kioto Protokolu
qəbul edilmişdir. Protokol üzrə birinci hesabat dövrü
2008‐2012 ci illərdir, yəni öhdəliyi olan ölkələr qlobal tullantıların səviyyəsini 1990‐cı il
səviyyəsindən 5 % aşağı endirməlidirlər.
Protokolu 2000‐ci ildə Azərbaycan Parlamenti ratifikasiya etmişdir. Protokol İqlim
Dəyişmələri Konvensiyasının üç icra mexanizmini müəyyən etmişdir:
1. Birgə həyata keçirmələr mexanizmi. Bu mexanizm inkişaf etmiş və iqtisadiyyatı keçid
dövründə olan ölkələr arasında istixana effekti yaradan qazların emissiyalarının
azaldılması üzrə birgə layihələrin yerinə yetirilməsini nəzərdə tutur.
2. Tullantıların ticarəti mexanizmi. Bu inkişaf etmiş ölkələrin öz aralarında kvotalarını
artırmaqdan ötrü olan bir mexanizmdir.
17
EKOLOJİ SİYASӘT
3. Təmiz İnkişaf Mexanizmi (TİM). Bu mexanizm inkişaf etmiş ölkələrin öz kvotalarını
artırmaqdan ötrü inkişaf etməkdə olan ölkələrdə tullantıların azaldılmasına gətirən
layihələrin həyata keçirilməsindən ötrüdür.
Azərbaycan Respublikasının istənilən özəl və dövlət şirkətləri, təşkilatları bu
mexanizm vasitəsi ilə tullantıların azaldılması, enerjidən istifadəyə qənaət, bərpa
olunan enerjidən istifadə, meşə örtüyünün salınması (karbon qazının udulması və
yığılması) layihələrini inkişaf etmiş ölkələrin şirkətlərinə, beynəlxalq maliyyə
qurumlarına təklif edə bilərlər.
Neftqazçıxarma və emal sənayesində istixana effekti yaradan qazların azaldılması
potensialı böyükdür və neft‐qaz çıxarma artdıqca bu potensial da artır. Bu vaxta qədər
bir çox enerji effektivliyi layihələri yerinə yetirilmiş, lakin onlar TİM layihələri kimi
beynəlxalq səviyyəyə çıxarılmamışdır. TİM layihələri ən müasir texnologiyaların,
investisiyaların ARDNŞ‐nin istehsalat sahələrinə gətirilməsinə imkan verə bilər.
Bundan ötrü beynəlxalq standartlara cavab verən layihələrin işlənilməsi lazımdır.
Odur ki, ARDNŞ‐nin yaxın gələcəkdə Ekoloji Siyasətinin əsas istiqamətlərindən biri
TİM layihələrində aktiv və əlaqəli iştirakı təmin etməkdir. Bundan ötrü ARDNŞ
aşağıdakı işlərin görülməsini planlaşdırır:
•
ARDNŞ‐nin fəaliyyət göstərdiyi sahələrdən atmosferə atılan istixana effekti
yaradan qazların mənbələrinin inventarlaşdırılması və hər il yeniləşən istixana
effekti yaradan qazları kadastrının yaradılması;
•
Tullantıların azaldılmasına gətirən, enerjiyə qənaət edən layihə təkliflərinin
hazırlanması və onların Kioto Protokolunun Təmiz İnkişaf Mexanizmi
çərçivəsində beynəlxalq səviyyəyə çıxarılması;
•
Yeni layihələrin və bərpa işlərinin həyata keçirilməsində istixana effekti yaradan
qazların tullantılarına nəzarətin və onların azaldılması tədbirlərinin həyata
keçirilməsi;
•
İstixana effekti yaradan qazların monitorinqi sisteminin yaradılması və
aparılması;
•
İqlim dəyişmələri üzrə milli və beynəlxalq layihələrdə fəal iştirak etmək,
beynəlxalq əməkdaşlığın həyata keçirilməsi.
Beynəlxalq Dəniz Təşkilatı Konvensiyası
1948‐ci ildə təsis olunub, Azərbaycan
1995‐ci ildən bu Konvensiyanın üzvüdür. Konvensiyanın məqsədi beynəlxalq dəniz
ticarət gəmiçiliyində bütün məsələlər üzrə texniki əməkdaşlığı həyata keçirmək, dəniz
naviqasiyası və dənizdə təhlükəsizlik sahəsində ən yaxşı standartların tətbiqinə nail
olmaq, dənizin gəmilər tərəfindən çirklənməsinin qarşısını almaqdır. Konvensiyanın
icra orqanı Londonda yerləşən Ümumdünya Dəniz Təşkilatıdır və Konvensiyanın
18