EKOLOJİ SİYASӘT
torpaq təmizləmə qurğularının (1 stasionar və 6 mobil) alınması nəzərdə tutulmuşdur.
Ümumən ARDNŞ 2010‐cu ilin sonuna kimi köhnə yataqların ərazisində 5410 ha ümumi
çirklənmiş torpaq sahələrin təmizlənməsini nəzərdə tutur.
7.3.5. Neft dağılmaları
Neft çıxarma və nəql etmə əməliyyatları zamanı həm dənizdə, həm də quruda neft
sızmaları və dağılmaları olur. Bunun əsas səbəbi mədənlərində istismarda olan qurğu
və avadanlıqların köhnə olması, gözlənilməz qəza hallarıdır. Neft mədənlərində iri
miqyaslı neft dağılmaları 1978‐ci ildə Bahar yatağında, 1986‐cı ildə Günəşli yatağında
müşahidə olunmuşdur. Hələlik ARDNŞ‐də neft dağılmalarına qarşı mübarizə sistemi
mövcud deyildir.
7.3.6. Bərk tullantılar
ARDNŞ‐nin fəaliyyət sahələrində formalaşan bərk tullantılar korroziyaya uğramış
metal tullantıları, istismar müddəti keçmiş və dənizdə batmış gəmilər, tikinti
materialları qalıqları və başqalarıdır. Adətən metal tullantıları metal qəbulu
məntəqələrinə təhvil verilir. Bakı buxtasında və adalarda batmış gəmilərin çoxu hələ də
çıxarılmayıb. Tikinti materialları tullantıları isə mədən ərazilərində abadlaşdırır və
torpaq işlərində təkrar istifadə edilir. Lakin neft mədənləri ərazisində, xüsusi ilə də
Abşeron yarımadasında əhali və başqa sənaye obyektləri tərəfindən tikinti və məişət
tullantılarının atılması hələ də davam edir. Bu tullantılar külli miqdardadır və onlara
yarımadanın hər yerində rast gəlinir.
7.3.7. Ekoloji Monitorinq
ARDNŞ‐nin fəaliyyət sahələrində ekoloji monitorinq Ekologiya İdarəsi tərəfindən
aparılır. Monitorinq Xəzər dənizi akvatoriyası və sahilyanı suların, quruda səth, qrunt
suların, torpaqların çirklənməsi üzərində aparılır. Ekoloji monitorinqin müasir
səviyyədə təşkilindən ötrü yeni laboratoriya avadanlıqlarının alınması,
ekologiya və
keyfiyyət sistemlərinin tələblərinə uyğun olaraq monitorinq sisteminin daima
təkmilləşdirilməsi və inkişaf etdirilməsini ISO 9001, ISO 14001 və OHSAS 18001
beynəlxalq standartlarının tələblərinə uyğun təşkili həyata keçirilməyə başlanmışdır.
7.4. TEXNOLOJİ MODERNLƏŞDİRMƏ
ARDNŞ keçmişdən qalmış ekoloji problemlərin həlli və cari əməliyyatlarda ekoloji
təhlükəsizliyin təmin edilməsindən ötrü fəaliyyət sahələrində ekoloji siyasətinə baxışı
tamamilə təkmilləşdirmək niyyətindədir.
Ekoloji problemlərin mövcud olduğu sahələrin əksəriyyəti neft mədənləri və digər
istehsalat sahələrinin əraziləridir. Bu günə qədər neftin çıxarılması, nəqli, emalı
müəssisələrində köhnəlmiş istismar və infrastruktur texnologiyalarından istifadə ətraf
31
EKOLOJİ SİYASӘT
mühitin çirklənməsinə şərait yaradır. Belə bir şərait ekoloji problemlərin sürətli və
davamlı həllində ən böyük maneədir, onları həll etmədən ətraf mühitin
sağlamlaşdırılması tədbirlərinin görülməsi mümkün deyildir. Məsələn, mədən
ərazilərində neftlə çirklənmiş torpaqların təmizlənməsi işlərinə başlamazdan əvvəl
mədən infrastrukturu (boru kəmərləri, lay suları anbarları, suvurma sistemləri və s.)
əsaslı təmir edilməli çevirilməsi və ya yeniləri ilə əvəz edilməlidir.
Odur ki, ARDNŞ‐nin həm quruda, həm də dənizdə fəaliyyət sahələrində texnoloji
modernləşdirmə istehsalatın aşağıdakı sahələrini əhatə edəcəkdir:
1.
Neft çıxarılmasında müasir texnologiyalardan və üsullardan istifadənin tətbiq
edilməsi. Müasir texnologiyalardan istifadə etməklə köhnə neftçıxarma
ərazilərində quyuların sayını optimallaşdırmaq və ekoloji risklərin bir‐neçə
dəfə azaldılmasına nail olmaq.
2.
Neft‐qaz quyularından, boru kəmərlərindən, kompressor stansiyalarından, lay
suları çənlərindən sızmaların qarşısını almaq. Bundan ötrü torpaq
kanallarının dəmir ‐ beton kanal və ya boru xətləri ilə əvəz edilməsi, yeni
enerjiyə qənaət edən nasos stansiyalarının quraşdırılması, boru kəmərlərinin
dəyişdirilməsi, kanalizasiya‐drenaj sularının neftçıxarma sahələrinə daxil
olmasının qarşısının alınması.
3.
Neftin susuzlaşdırılması, duzsuzlaşdırılması və emalı proseslərində enerjiyə
qənaət edən texnologiyaların tətbiqini həyata keçirmək.
7.5. EKOLOJİ SİYASƏTDƏ STRATEJİ İSTİQAMƏTLƏR VƏ TƏDBİRLƏR
ARDNŞ‐nin keçmişdən qalan və cari istehsalat‐texnoloji prosesləri ilə bağlı olan ekoloji
problemlərini aşağıdakı kimi təsnif etmək olar.
I. KEÇMİŞDƏN QALAN, HƏLLİ TƏXİRƏSALINMAZ OLAN EKOLOJİ
PROBLEMLƏR:
•
Neft‐qaz əməliyyatları aparılmış bütün yataqların ərazilərində neftlə çirklənmiş
torpaqların təmizlənməsi;
•
Lay sularının axıdılması nəticəsində tarixən yaranmış çirkli göllərin və
gölməçələrin təmizlənərək qurudulması, lay sularının bu ərazilərə axıdılmasının
qarşısının tamamilə alınması;
•
Neft mədənləri ərazisində geniş yayılmış sənaye‐məişət tullantılarının ləğv
edilməsi;
•
Xəzər dənizinin batmış və yarımbatmış gəmilərdən, sıradan çıxmış
estakadalardan və digər iri qabaritli metal tullantılardan təmizlənməsi;
•
Xəzər dənizində və sahil zolağında yerləşən neft mədənlərində quyulardan,
borulardan axıntıların, sızmaların qarşısının alınması, neft emalı zavodlarından
32