Sual 1. İctimai şüurun formaları və mənəvi mədəniyyət
Mənəvi həyat tərzi maddi yaşayış usulu, maddi –ictimai varlığın əsasında
quruluşu müəyyən edir. Elə ona görədir ki, hər bir ictimai-iqtisadi formasiyanın
xarakterinə uyğun spesifik mənəvi həyatı olur. Cəmiyyətin mənəvi həyatı anlayışını
çox zaman “ictimai şüur” anlayışı ilə eyniləşdirirlər. Lakin, onlar bir-birinə yaxın
anlayışlar olsalar da, onları eyniləşdirmək düzgün olmazdı. Mənəvi həyat ən ümumini
ifadə edib, geniş əhatə dairəsinə malikdirsə, ictimai şüur onun tərkib hissəsidir, əhatə
dairəsi cəhətdən nisbətən məhduddur. Cəmiyyətin mənəvi həyatının heç də bütün tərkib
hissələri (mədəniyyət, dünyagörüşü, adət-ənənələr, təhsil, peşə fəaliyyəti və s.) ictimai
şüur anlayışına aid edilə bilməz. İnsanlar maddi-iqtisadi fəaliyyət kimi müəyyən siyasi
və əxlaqi ideyaları rəhbər tutaraq bilik, baxışlar və nəzəriyyələr əsasında hərəkət edirlər.
Baxış və nəzəriyyələr isə cəmiyyət həyatında mühüm rol oynayan ictimai şüur sahəsinə
aiddir.
İctimai şüurun inikas obyekti –ictimai varlıqdır, insanı əhatə edən gerçəklikdir.
İctimai şüur yekcins deyildir. İctimai varlığın rəgarəng və çoxsahəli olmasına uyğun
olaraq, onun inikası olan ictimai şüur da mürəkkəb struktura malikdir. İctimai şüurun
struktur komponentləri sırasında ictimai şüur səviyyələrinin –elmi-nəzəri və adi-
gündəlik şüuru, ictimai ideologoya və ictimai psixologiyanı, ictimai və fərdi şüurun
düzgün dərk edilməsini və s. göstərmək olar.
İctimai şüur formalarının qarşılıqlı əlaqə və təsirinin müəyyənləşdirilməsinin
xüsusi əhəmiyyəti vardır. İctimai varlıq ictimai şüurdan asılı olmayaraq mövcuddur.
İctimai şüur ictimai varlıqdan doğur, onun nəticəsidir və onu əks etdirir. Odur ki,
ictimai inkişafın mənbəyi “ayrı-ayrı şəxslərin başında”, “onların ideyalarında” deyil,
cəmiyyətin maddi həyatında, ilk öncə isə iqtisadi münasibətlərdə siyasi, hüquqi, fəlsəfi,
xəlaqi, dini vədigər baxış və nəzəriyyələrdə öz əksini tapır.
İctimai şüurun inkişafında nisbi müstəqillik özünü əsasən aşağıdakı formalarda
göstərir:
1. İctimai şüur öz inkişafında, əsasən ictimai varlıqdan geri qalır. İctimai şüurun bir
sıra formalarında (din, əxlaq və s.) özünü daha çox göstərən geriqalma meyli ictimai
şüurun öz mahiyyətindən irəli gəlir. Çünki, ictimai varlıq dəyişilməlidir ki, ona uyğun
şəkildə, onun ardınca ictimai şüur, mövcud ideya, baxış və vərdişlər, bütövlükdə isə
şüur səciyyəsi də dəyişsin.
2. İctimai şüur (xüsusilə onun bir sıra ünsürləri: siyasi, nəzəriyyələr və s.) öz
inkişafında ictimai varlığı qabaqlaya da bilir. Bu isə o deməkdir ki, ictimai şüurun
ictimai varlıqdan geri qalması da mütləq deyildir, müəyyən şəraitlə bağlıdır.
3.İctimai şüur öz inkişafında ciddi varisliyə malikdir. Hər bir ideologiya forması
(siyasi, hüquqi, əxlaqi və s.) öz inkişafında əvvəlki ideoloji irsdən, mənəvi sərvətdən
istifadə edir, onun əsas cəhətlərini yaşadır və inkişaf etdirir. Cəmiyyət həyatında qalib
gəlmiş hər hansı sinif öz ideologiyasını və mədəniyyətini yaradarkən özündən əvvvəlki
mənəvi sərvətdən imtina etmir, əksinə, onlardan öz mənafeyinə uyğun şəkildə istifadə
edir. Məhz varislik sahəsində mənəvi sərvətlər də nəsldən-nəslə verilir.
4. İctimai şüurun, ideologiyanın gerçəkliyinin fəal təsir göstərməsi də onun nisbi
müstəqilliyinin ifadəsidir. Qabaqçıl ideyaları rəhbər tutan kütlələr qarşısında duran ən
mühüm ictimai vəzifələri dərk edərək onları yerinə yetirməyə qadir olan başlıca
qüvvədir. İnkişaf prosesi nəinki ictimai varlıqla ictimai şüur arasında, həm də ictimai
şüurun müxtəlif (siyasi ideyalar, əxlaq, elm, incəsənət və s.) formaları arasında möhkəm
qarşılıqlı əlaqə və təsirdə davam edir. Belə qarşılqlı təsir bütövlükdə tarixi tərəqqinin
ümumi qanunauyğunluqlarından birini təşkil edir. İctimai şüurun ictimai və fərdi şüurun
qarşılıqlı münasibətlərinin düzgün müəyyənləşdirilməsində mühüm metodoloji və
nəzəri-idrakı əhəmiyyəti vardır. Bir cəhəti yadda saxlamaq lazımdır ki, ictimai və fərdi
şüuru nə eyniləşdirmək, nə də onları bir-birindən tam təcrid etmək düzgün deyildir.
İctimai və fərdi şüur bir-birilə dialektik qarşılıqlı əlaqədədir, onlar bir-birinin varlığı ilə
mövcud olurlar. Fərdi şüur həm də ictimi şüurdur. İctimai şüur isə həm də fərdi şüurdur.
Canlı konkret fərdlər, şəxsiyyət olmadan ictimai şüur da ola bilməz. İctimai mühitdən
kənarda isə fərd yoxdur. Onun da şüuru ictimaidir. Lakin, bu heç də onların arasında
bərabərlik işarəsi qoymaq demək deyildir, onların mühüm fərqləri vardır. Fərdi şüur –
şəxsiyyətin mənəvi aləmidir, müəyyən konkret şəxsin fikirləri, baxışları və vərdişlərinin
məcmusudur. Fərdi şüur şəxsin mənlik şüurudur, özü, dünya, kollektiv, sinif və
cəmiyyət haqqında baxışları sistemidir. Bu baxışları isə yalnız fərdin “özü”nə
məxsusluğu ilə izah etmək olmaz. Burada fərdin yaşadığı obyektiv mühitin (takro və
mikro mühitlərin vəhdətinin), onun sinif daxilində fəaliyyət göstərdiyi sosial qrupun,
mənsub olduğu sinfin, millətin, ailənin, dost və tanışların və s. ciddi təsiri vardır. İctimai
şüur cəmiyyətin ən ümumi, qanunauyğun şüurudur. İctimai şüur –ictimai qanunları
dərk etmək yolu ilə yaranır və fəaliyyət göstərir. İctimai şüur, nəhayət etibarıilə ictimai
varlığın inkişaf səviyyəsinə uyğun olur, onun dəyişməsi əsasında dəyişir və inkişaf edir.
İctimai şüuru, onu çoxlu adamı əhatə etməsi mənasında başa düşmək olmazdı. İctimai
psixologiya-maddi iqtisadi münasibətlərin, insanların yaşadığı ictimai şəraitin, gündəlik
əmək fəaliyyəti nəticəsində əldə etdikləri təcrübənin, onların psixikasında olan hisslər,
əhval-ruhiyyə, fikirlər, vərdişlər, təsəvvür və xəyallar şəklində əks olunmasıdır. Həmin
ictimai hiss, əhval ruhiyyə və xəyallar ictimai varlığın ilkin və bilavasitə inikası olsa da,
onlar ümumiləşmiş sistemləşmiş halda deyildir. İctimai psixologiya sosial-sinfi və milli
xarakter daşıyır. O, sosial qrup və siniflərin, xalq, millət və etnik qrupların həyat şəraiti
və mənafelərini əks etdirir. Ona görə də ictiami mənafeləri müxtəlif olan siniflərin, xalq
və millətlərin psixologiyası da, bir-birindən kəskin surətdə fərqlənir. İctimai ideologiya-
ictimai varlığı ümumxalq və müəyyən sinfi mənafe mövqeyində əks etdirən ideyalar,
baxışlar və nəzəriyyələrin məcmusudur. O, hər hansı xalqın, millətin, sinfin siyasi,
fəlsəfi, əxlaqi, dini və s. baxışları sistemidir, gerçəkliyin nəzəri dərk edilib
ümumiləşdirilməsidir. Cəmiyyətdə xalqın və sinfin əsaslı mənafei məhz ideolgiya
vasitəsilə daha dəqiq və dolğun ifadə olunur ki, bu da onun həmişə sianfi xarakter
daşıdığını göstərir. Məhz dərin sinfi xarakter daşıdığına görə bir sıra müəlliflər ictimai
ideologiyaya “şüurun sinfi tərəfi”, “nəzəri sinfi özünüdərketmə” və s. kimi təriflər də
verirlər. Mütərəqqi, inqilabçı siniflərin ideologiyası da, mütərəqqi, elmi olur, öz
dövrünü başa vurmuş siniflər isə həmişə köhnə, mürtəce ideyaları təbliğ edir, öz
istismarçı təbiətlərinə haqq qazandırmağa çalışırlar. Ona görə də onların ideoligiyası
qeyri –elmi və qeyri- mütərəqqidir.
Adi –kütləvi (və ya gündəlik) şüur insanların gündəlik həyat proseslərində, əmək-
istehsalat, ictimai –siyasi və mənəvi fəaliyyətlərində gerçəkliyə münasibətləri, öz
vəziyyətləri və tələbləri haqqında əldə etdikləri emprik biliklər, təsəvvür, yaradıcılıq və
idraki qabiliyyətləri, vərdiş, əxlaq normaları, adət-ənənələri və s. əhatə edir. Adi şüur
gerçəkliyin nəzəri anlaşması səviyyəsinə qalxa bilmir. O, gerçəkliyin ən çox xarici,
təzahür cəhətlərini dərk edir, gerçəkliyin qanunauyğunluqlarına, hadisələrin daxili
mahiyyətinə nüfuz edə bilmir. Elmi-nəzəri şüur təbii və sosial gerçəkliyin elmi dolğun
inikasıdır, nəzəri cəhətdən sistemli və ümumiləşdirilmiş inikasıdır, daxili mahiyyətli,
qanun və qanunauyğunluqlarda ifadə olunan inikasıdır. Əlbəttə, bu iki şüur səviyyəsi
arasında sədd nisbidir, onlar bir-birinə qarşlıqlı təsir edir. Hətta müəyyən dərəcədə bir-
birinə qarşılıqlı təsir edir, bir-birini zənginləşdirirlər. Adi –gündəlik şüur bütün
dövrlərdə ictimai şüur formalarının inkişaf və qida mənbəyi olmuşdur. Elmin,
incəsənətin ən görkəmli yaradıcıları həmişə şifahi xalq yaradıcılığına, xalq təfəkkürünə
istinad etmişlər. İctimai şüurun rəngarəng və müxtəlif formaları, istiqamətləri, aspektləri
vardır: siyasi ideyalar, hüquq, əxalq, elm, din və s. Həmin formalar arasında möhkəm
qarşılıqlı təsir əlaqələri mövcuddur. İctimai şüurun müxtəlif formalarının yaranmasının
və onlar arasında qarşılıqlı təsirin mövcudluğunun əsasında, bu formaların hamısının
inikası obyektinin ümumiliyi durur: insanı əhatə edən obyektiv gerçəklik, ictimai varlıq
özünün rəngarəngliyi, çoxsahəliliyi ilə səciyyələnir. Bu müxtəlif sahələr, aspektlər
təcrid olunmuş halda mövcud deyildir, onlar çox müxtəlif forma və vasitələrlə qarşılıqlı
əlaqədə bir-birinə təsir edir, bir-birinin mövcudluğunu şərtləndirir.
Siniflərin dövlətə, istehsala, hakimiyyətə, ictimai təşkilat və təsisatlara olan
münasibətləri müəyyən siyasi ideya, baxış təsəvvür və hadisələr doğurur. Həmin ideya
və baxışların məcmusu siyasi şüuru əmələ gətirir. Deməli, siyasi şüur xalqın və
siniflərin dövlət hakimiyyətinə münasibətləri əsasında yaranan sosial- iqtisadi və
ictimai-siyasi mövqe və mənafeləri əks etdirən ideya və təsəvvürlərin, hiss və əhval-
ruhiyyələrin məcmusudur. Həmin sosial-iqtisadi və sinfi mənafelər əsasında xüsusi
siyasi mənafelər formalaşır. Siyasi mənafe obyektivdir və ona görə də cəmiyyətin bütün
üzvlərinə (sinif, təbəqə, kollektiv, fərd və s.) toxunur, onları əhatə edir. Siyasi mənafe-
cəmiyyətdəki bütün ümumilli, sosial, iqtisadi, sinfi, mənəvi məqsədləri mərkəzləşdirib
sintez halında ifadə edir. Odur ki, siyasi mənafe cəmiyyətdəki bütün ziddiyyətlərin və
toqquşmaların əsasında durur. Həmin mübarizədə ideoloji mübühisələr şəklində elm,
incəsənət, din, fəlsəfə və s. kimi şüur formaları da cəlb olunur, onlar siyasətin təsirinə
məruz qalır, hətta cəmiyyətin sosial- iqtisadi və mənəvi həyatı siyasi mənafedən asılı
vəziyyətə düşür. Lakin, bunlar heç də bəşəri incəsənətin, mütərrəqi elmin nisbi
müstəqilliyini, hətta siyasətə əks təsirini inkar etmir.
Hüquq
şüuru
qanun
və
normaların
cəmiyyətdəki
münasibətlərin
tənzimlənməsindəki rolunu özündə əks etdirir. Həmin qanun və normalar ayrı-ayrı
fərdlərin, təbəqələrin, siniflərin, əmək kollektivlərinin, ictimai hərəkat və partiyaların,
vəzifəli şəxslərin, təşkilat, idarə, müəssisələrin və s. sosial-iqtisadi fəaliyyətini rəsmi-
hüquqi cəhətdən tənzim edir.
Əxlaqi şüur cəmiyyətin mənəvi sturukturunu təşkil edən ən mühüm
komponentlərdən biridir. İnsan cəmiyyəti yaranan dövrdən hələ şifahi (yazılmamış)
formada insanlar arasında müəyyən tənzimedici norma və qaydalar da meydana
çıxmışdır ki, onların məcmusu məhz əxlaqi münasibətlərdir. Əxlaq-ictimai həyatın
bütün sahələrində - əmək istehsal prosesində, sosial-siyasi fəaliyyətdə, ailə-məişətdə,
siyasətdə, elmdə, şəxsi, sinfi, milli, beynəlxalq münasibətlərdə və s. insanların
davranışını və rəftarını tənzim edir, insanlararası qarşılıqlı münasibətlərin ən ümumi
əsaslarını müəyyən edir. Ən ümumi əxlaqi prisnsiplər (humanizm, vətənpərvərlik,
millilik, beynəlmiləçilik, ədalət, yaxşılıq, xeyirxahlıq, aşkarlıq və s.) bəşəri
mənəviyyatın əsaslarını təşkil edir. Əxlaq normaları gündəlik birgəyaşayışda əldə
edilmiş inam və əqidə əsasında formalaşmış ictimai rəy üzrə tənzim olunur. Mənəviyyat
sistemində şəxsiyyətin nüfuzu (avtoriteti) heç də müəyyən siyasi imtiyaz, rəsmi vəzifə
ilə deyil, mənəvi-əxlaqi nümunə əsasında, davranış və rəftar mədəniyyəti sayəsində əldə
edilir.
Əxlaqın mənşəyi, mahiyyəti, kateqoriya, prinsip və qanuauyğunluqlarından xüsusi
fəlsəfə elm–etika bəhs edir. Başqa sözlə, etika əxlaq haqqında elmi nəzəriyyədir.
Hazırda respublikamızda, xüsusilə əmək kollektivləri, ictimai qruplar, siyasi
partiya və təşkilatlar, ailə məişət münasibətləri, mədəni münasibətlər, tibb və s.
sahələrdə insanlar arasındakı qarşılıqlı əlaqə və münasibətlər bir çox hallarda rəsmi,
hüquqi normalarla deyil (onların rolu tam inkar edilməmək şərtilə), əsasən əxlaq
normaları ilə, davranış qaydaları ilə tənzim olunur. İctimai rəy, yəni daha təsirli vasitəyə
çevrilir. Ona görə də, hazırda şəxsi mənəvi nümunə, nüfuz, şəxsi fəallıq, təşəbbüskarlıq,
paklıq, ləyaqət hissi, işgüzarlıq və s. kimi yüksək mənəvi keyfiyyətlər cəmiyyətdə
mühüm tərbiyəvi və tənzimedici vasitə kimi çıxış edir, sözlə işin uyğun gəlməməsi və
mənəvi laqeydlik kimi əsas, “əxlaqı bəlaya”çevrilmiş halların aradan qaldırılmasına fəal
müsbət təsir göstərir. Cəmiyəytin mənəvi münasibətləri sistemində inzibati amirlik
şəraitində formalaşmış və müəyyən cəhətləri hələ indi də qalmaqda olan, yuxarılar
qarşısında mütilik və yataqlıq, aşağılara isə laqeyd, kobud, bürokratik münasibət
bəslənilməsi kimi hallar insanlarda mənəvi passivlik, sosial-siyasi məqsədələrə inam-
sızlıq, bədbinlik əhval –ruhiyyəsi və s.yaradır, mənəvi həyat ziddiyyətlərinə isə “çıxıl-
maz” xarakter verir. Məhz bu cür mənfi halların aradan qaldırılması, cəmiyyətdə müsbət
meyllərin, yaxşı əhval ruhiyyənin, vətənpərvərlik, vicdan, ləyaqət, sədaqət, milli
dəyərlərimizə, böyüklərə hörmət kimi ali dəyərlərin, hisslərin formalaşdırılması üçün
ictimai şüurun bütün formalarının təsir qüvvəsindən düzgün istiqamətdə yararlanmaq,
cəmiyyəti tərbiyə etmək, maarifləndirmək, mənəvi mədəniyyəti inkişaf etdirmək
vacibdir.
Dostları ilə paylaş: |