Azərbaycan Respublikası Mədəniyyət Nazirliyi Kollegiyasının 8 noyabr 2018-ci IL tarixli 6/1 nömrəli

V. ŞAGİRDLƏR

5.1. Şagird davranışına və mədəniyyətinə görə nümunəvi olmalı, sadə və səliqəli geyinməli, Məktəbin ictimai həyatında fəal iştirak etməlidir.
5.2. Şagirdin hüquqları:

• 
  təlim-tərbiyə prosesində, habelə Məktəbin ictimai həyatında iştirak etmək;
  
• 
  tədris proqramları həcmində seçdiyi ixtisasla bağlı hərtərəfli biliklər əldə etmək;
  
• 
  Məktəbin sinif otaqlarından, musiqi alətlərindən, emalatxanasından, fonoteka və videotekasından, kitabxana və digər xidmət sahələrindən istifadə etmək;
  
• 
  təhlükəsiz və zərərsiz təlim şəraiti ilə təmin olunmaq;
  
• 
  hüquqa zidd və insan ləyaqətini alçaldan hərəkətlərdən müdafiə olunmaq;
  
• 
  arzusu və direktorun razılığı ilə imkan olduğu halda istədiyi müəllimin sinfində təhsil almaq.
  

5.3. Şagirdin vəzifələri:
-Məktəbin daxili nizam-intizam qaydalarına riayət etmək, əxlaq və etika normalarına əməl etmək;

• 
  biliyini daima artırmaq, dərinləşdirmək, ümumi mədəni səviyyəsini yüksəltmək;
  
• 
  ixtisası üzrə sənətin incəliklərinə səylə yiyələnmək;
  
• 
  tədris plan və proqramlarında nəzərdə tutulmuş bütün tapşırıqları vaxtında və səmərəli yerinə yetirmək;
  
• 
  bütün dərslərdə və məşğələlərdə müntəzəm iştirak etmək;
  
• 
  hər tədris ilinin əvvəlində ümumtəhsil məktəbindəki (və ya peşə, orta ixtisas, ali təhsil müəssisəsindəki) dərs cədvəlləri barədə arayış təqdim etmək.
  
• 
  Məktəb əmlakını qorumaq, özünün və yoldaşlarının əşyalarına qarşı diqqətli olmaq;
  

5.4. Şagirdin seçdiyi ixtisas üzrə musiqi aləti, zəruri tədris vəsaitləri olmalıdır.
5.5. Məktəbin daxili nizam-intizam qaydalarına riayət etməyən, tədbirləri bu və ya digər səbəbdən pozan şagirdlərə qarşı direktorun əmri ilə aşağıdakı intizam tənbehi tədbirləri tətbiq edilir:
a) xəbərdarlıq;
b) sonuncu xəbərdarlıq;
c) Məktəbdən xaric etmək.
Qeyd:
görülən tədbirlər haqqında Məktəbin rəhbərliyi tərəfindən dərhal şagirdin valideyninə məlumat verilməlidir.