Məqalədə, ölkədə proqnozlaşdırılan iqlim dəyişmələrinə qarşı tərəvəz və kartof bitkilərinin
həssaslığının azaldılması və əhalinin həmin məhsullarla dayanıqlı təminatına imkan verən, yüksək
adaptasiya qabiliyyətli yeni sortların tətbiqinin əsaslarından bəhs edilir.
Açar sözlər: iqlim dəyişmələri, stres təsirləri, həssaslığın azaldılması, yüksək adaptasiya
qabiliyyətli yeni sortlar
Ключевые слова: климатические изменения, стрессовые влияния, уменьшение
чувствительности, новые сорта с высокими адаптивными способностями
Key words: climate change, stressfull impact,
reduction of vulnerability, new cultivars of high
adaptiveness ability
Bir sıra nüfuzlu beynəlxalq təşkilatların verdiyi proqnozlara əsasən dünyanın bir çox
ölkələrində, həmçinin Azərbaycan Respublikasının ərazisində fasiləsiz olaraq iqlim dəyişiklikləri
baş verməkdədir və yaxın gələcəkdə bu təsirlərin daha da artacağı gözlənilir. Baş verməkdə olan
iqlim dəyişikliyi nəticəsində havanın orta temperaturunun onilliklər üzrə artdığı, atmosfer
çöküntülərinin miqdarının azaldığı, bununla əlaqədar da torpaqların tarla rütubət tutumunun və hətta
ölkədə iri çayların suyunun xeyli azalması müşahidə olunur. Bu neqativ təsirlər nəticəsində bir cox
kənd təsərrüfatı bitkilərinin, həmçinin kartof, tərəvəz və bostan bitkilərinin də ekoloji həssaslığının
artacağı, onların adaptasiya qabiliyyətinin zəifləyəcəyi proqnozlaş-dırılmışdır.
Verilmiş proqnozların nəticələrindən belə məlum olur ki, iqlim dəyişikliklərini yaradan əsas
səbəblərdən biri də atmosferdə istilik effektini (parnik effektini) əmələ gətirən qazların (metan qazı,
azot oksidi və sair) çoxalmasıdır [1; 2; 3; 7; 8].
Bu cür iqlim şəraitində kartof və bir sıra tərəvəz bitkilərinə məxsus sortların ekoloji mühitin
stres təsirlərinə qarşı həssaslığının artcağı, onların adaptasiya qabiliyyətinin, həmçinin
məhsuldarlığının azalacağı gözlənilir [4; 5; 6; 10; 11].
Hazırda ölkədə qəbul edilmiş Ərzaq Təhlükəsizliyi Proqramının tələblərini və əhalinin
müəyyən qisminin yoxsulluq həddində yaşadığını nəzərə alsaq, gözlənilən
iqlim dəyişməsi proqnozu
ciddi bir problem mövqeyində qalır.
Respublikada əkin sahəsinə və məhsulun istehsal həcminə görə kartof və pomidor, soğan,
xiyar, kələm, yerkökü və sair. (açıq və örtülü sahədə) prioritet bitkilərdən hesab edilir [1; 10; 5; 6;
7]. Qeyd etməliyik ki, normal iqlim şəraitində bu bitkilər üçün ümumi günəş radiasiyasının minimal
həddi il ərzində hər kv.sm sahəyə 84 kkal, orta səviyyədə 85-95 kkal, yüksək səviyyədə isə 96,0
kkal-dan çox olmamaqla qəbul edilmişdir. Bu halda FAR-ın miqdarı uyğun olaraq 50,51-68 və 68-
75 kkal/sm
2
hesab edilir.
Yuxarıda qeyd edilənləri nəzərə alaraq, ölkədə gözlənilən iqlim dəyişməsi şəraitində açıq
sahədə kartof və tərəvəz, həmçinin örtülü sahədə pomidor, xiyar və şirin bibər bitkilərinin yüksək
adaptasiya qabiliyyətinə malik sort və hibridlərinin tətbiqi ilə istehsalın təşkilinin əsasları
göstərilmişdir.
Açıq sahədə iqlim dəyişkənliyinin yaratdığı stres təsirlər şəraitində
tərəvəz məhsullarının stabil istehsalı üçün həlli vacib tədbirlər
1.
Respublikanın əsas tərəvəzçilik bölgələrində kəskin iqlim dəyişikliklərinin, xüsusi ilə quraqlığın
bitkilərdə yaratdığı bir sıra stres təsirləri azaltmaq, həmçinin torpaqların münbitlik parametrlərini
qoruyub saxlamaq məqsədi ilə becərilən əsas tərəvəz-bostan bitkilərinin (pomidor, baş soğan,
sarımsaq, xiyar, bibər, ağbaş kələm, yerkökü, tərəvəz noxudu, qarpız, yemiş) yüksək ekoloji
plastikliyə və stabilliyə malik yeni məhsuldar sortlarının
müəyyən edilməsi və tətbiqi;
2.
Bol və keyfiyyətli tərəvəz və bostan məhsulunun elmi əsaslarla istehsalının təşkili məqsədi ilə
hər bir bölgə üçün bitkilərin quraqlığa davamlılığı nəzərə alınmaqla, yenidən işlənmiş və
ixtisaslaşdırılmış tərəvəzçilik, tərəvəzçilik-yemçilik əsaslı növbəli əkin sisteminin
müəyyənləşdirilməsi və tətbiqi;
3.
Bölgələrdə yüksək adaptasiya qabiliyyətinə malik, məhsuldar tərəvəz və bostan bitkilərinin
sortlarının perspektiv mövcud ekoloji şəraiti nəzərə almaqla yeni səmərəli becərmə
texnologiyasının işlənib hazırlanması və tətbiqi;
4.
Suvarma sularına qənaətin edilməsi və torpaq münbitliyinin yaxşılaşdırılması məqsədi ilə yeni
suvarma texnologiyaları və üsullarının işlənməsi və tətbiqi;
5.
Torpaq münbitliyinin qorunub saxlanması, onun mühafizəsi məqsədi ilə tərəvəz və bostan
əkinlərində yeni ekoloji şərait nəzərə alınmaqla azot, fosfor və kaliumun ən müasir, mürəkkəb və
ya kompleks gübrələrindən
istifadənin təşkili;
6.
Əkinlərin xəstəlik və zərərvericilərlə yoluxma ehtimalını proqnozlaşdırmaqla, ən səmərəli
kimyəvi preparatların müəyyən edilməsi və onların əsasında mübarizə tədbirlərinin keçirilməsi;
7.
Bölgələrdə iqlim dəyişikliyinin stres təsirləri şəraitinə davamlı olan yüksək məhsuldarlığı və
əsas xəstəliklərə qarşı davamlılığı ilə fərqlənmiş olan tərəvəz və bostan bitkilərinin seçilmiş
sortlarının, həmin bölgə şəraitində ilkin və reproduksiya toxumçuluğu işinin təşkil
edilməsi;
8.
Tərəvəz və bostan məhsulları və onların konserv məmulatları ilə əhalinin uzun müddət və
etibarlı təminatının təşkili üçün, yerlərdə müasir səviyyəli texniki imkanlara malik olan saxlama
anbarlarının və xırda emal müəssisələrinin yaradılması.
İqlimin dəyişməsinə qarşı bitkilərin həssaslığının azaldılması üzrə istixana tərəvəzçiliyinin
yeni ekoloji şəraitə uyğun təşkili və inkişafı tədbirləri
1.
Bölgələrdə əkin üçün az yararlı olan,
lakin suvarma suyu, elektrik enerjisi imkanları, küləklərdən
və qardan mühafizəsi, mümkün olan sahələrdə və işçi qüvvəsi cəlb etmək imkanları olan
ərazilərdə müasir səviyyəli istixana qurğularının yaradılması və inkişaf etdirilməsi;
2.
İstixanalarda becərmək üçün yerli şəraitə uyğun və məhsuldar, abiotik faktorların stres
təsirlərinə qarşı davamlı olan pomidor, xiyar və şirin bibər sort və hibridlərinin
qiymətləndirilməsi, əlverişli nümunələrin seçilərək
becərilməsi;
3.
İstixana qurğularının tipinə uyğun olaraq seçilmiş pomidor, xiyar və şirin bibər sort və
hibridlərinin ən səmərəli becərmə texnologiyasının işlənməsi;
4.
İstixana şəraitində pomidor və xiyar bitkilərinin becərilməsi üçün ən əlverişli gübrə formalarının
və kimyəvi preparatların seçilməsi, onların optimal dozalarının və tətbiq müddətlərinin, eləcə də
suvarma rejimlərinin müəyyən edilməsi;
5.
İstixana torpağının ekoloji təmizliyinin qorunub saxlanması və istehsal edilmiş məhsulların
keyfiyyətinə nəzarətin təşkili məqsədi ilə müasir səviyyəli laboratoriya nəzarət cihazlarının əldə
edilməsi və tətbiqi;
6.
İstixana şəraitində istehsal edilmiş məhsulların yığımının, qablaşdırılaraq səmərəli satışa nail
olmaq məqsədi ilə müasir tələblərə uyğun texniki təchizatlı saxlama anbarlarının qurulması
işinin genişləndirilməsi.
İqlimin stres faktorlarının təsirinə davamlı kartof sortlarının
seçilməsi, əkini və becərmə texnologiyası
1.
Suvarılan aran ərazilərdə (dəniz səviyyəsindən 600 m hündürlükdə yerləşən) yalnız tezyetişən
sortların becərilməsi və əkinin 20 fevral-10 mart tarixlərində aparılması məqsədəuyğundur.