65
-
innovasiyalı layihələrin seçilməsi;
-
İFN-lərin elmi-texniki, hüquqi və iqtisadi təhlili;
-
hüquqi qorunma qabiliyyətinin müəyyən edilməsi üçün
patent tədqiqatlarının aparılması.
Əgər İFN qorunma qabiliyyətli və kommersiya
baxımından perspektivlidirsə, onda patent alma, qeydiyyat və
ya kommersiya sirri rejimini seçməklə onun hüquqi qorunması
təmin edilir.
Nou-hau (know-how) termini ilk dəfə 1916-cı ildə
ABŞ-da məhkəmə praktikasında istifadə olunmuşdur. Birbaşa
tərcüməsi “necə etməyi bilmək”dir.
Kommersiya sirri-informasiyanın konfidensial (gizli)
saxlanması onun sahibinə mövcud vəziyyətdə və imkanlar
daxilində gəlirlərini artırmaq, lazım olmayan xərclərdən
qaçmaq, mal, iş və xidmət bazarında mövqeyini qorumaq və
digər kommersiya xarakterli üstünlük əldə etmək imkanı
yaradır. Kommersiya sirri olan informasiyaya elmi-texniki,
texnoloji, istehsalat, maliyyə-iqtisadi və digər üçüncü şəxslərə
məlum olmadığına görə potensial kommersiya dəyəri olan və
kommersiya sirri rejimi tətbiq edildiyinə görə üçüncü şəxslərin
əldə edə bilmədikləri informasiya aid edilir.
Nou-hau- istehsalat sirrini, başqa sözlə sahibkarlıq
fəaliyyəti sirrini özündə ehtiva edən elmi-texniki, texnoloji,
istehsalat, maliyyə-iqtisadi və digər informasiyadır.
Kommersiya sirri rejimi kommersiya sirri olan
informasiyanın sahibinin onun gizli saxlanması üçün həyata
keçirdiyi hüquqi, təşkilati, texniki və digər xarakterli
tədbirlərdən ibarətdir. Bu tədbirlər kommersiya sirri haqqında
qanunvericilik və normativ sənədlərin müddəalarına uyğun
həyata keçirilir.
İnformasiya mənəvi cəhətdən həddindən artıq tez
köhnəlibsə və patent alma prosesi çox vaxt tələb edirsə, onda
onu nou-hau şəklində sənədləşdirmək sərfəlidir.
66
İFN-lərin mühasibat uçotuna daxil edilməsi və
qiymətləndirilməsi aşağıdakı qaydada aparılır:
Əvvəlcə kommersiyalaşdırma üsulunun seçilməsi üçün:
- marketinq amilləri və bazar tədqiq olunur;
- maliyyə və iqtisadi təhlil aparılır;
- investisiyalara ehtiyaclar aşkarlanır;
Əgər bu tədqiqatların nəticələri kiçik müəssisə
yaratmaqla İFN-ın kommersiyalaşdırmanın mümkün
olduğunu göstərərsə o zaman aşağıdakı tədbirlər həyata
keçirilir:
- menecment, təşkilatı struktur, istehsal, satış və risklərin
təhlilini özündə ehtiva edən innovasiya layihəsinin biznes-planı
tərtib edilir;
- kiçik müəssisənin potensial həmtəsisçiləri ilə ilkin
danışıqlar aparılır;
- təsisçi tərəflərin verəcəyi töhfələr (paylar) müəyyən
olunur.
İFN-lər mühasibat uçotuna aşağıdakı ardıcıllıqla daxil
edilir:
- təsərrüfat cəmiyyətinin təsis edilməsi üçün ilkin qərar
qəbul edilir;
- sonradan mühasibat uçotuna daxil etmək və ən aşağı
sərhəddi müəyyən etmək məqsədilə İFN-nin yaradılması və ya
alınması üçün xərclər qiymətləndirilir;
- nizamnamə kapitalına töhfə kimi verilən İFN-dən
istifadə hüququ pulla dəyərləndirilir.
Büdcə uçotuna eyni zamanda aşağıdakı şərtlərə cavab
verən qeyri-material aktivlər daxil edilə bilər:
- material-maddi (fiziki) strukturun olmaması;
- digər əmlaka görə identifikasiya edilmə (ayrılma)
imkanı;
- işlərin yerinə yetirilməsində və ya xidmətlərin
göstərilməsində və ya müəssisənin idarəetmə ehtiyatlarında
məhsulun istifadəsi;
67
- uzun müddətli, daha doğrusu 12 aydan çox olan faydalı
istifadə və ya 12 aydan çox olarsa adi əməliyyat tsiklində
istifadə;
- bu aktivin sonradan yenidən satılması nəzərdə
tutulmursa;
- aktivin mövcudluğunu təsdiq edən lazımi qaydada tərtib
olunmuş sənədlərin mövcudluğu;
- aktiv üzərində mütləq hüququ təsbit edən lazımi
qaydada tərtib olunmuş sənədlərin mövcudluğu;
- üzərində mütləq hüquqları aktiv (patent, şəhadətnamə,
digər qoruma sənədləri) və ya elmi-texniki fəaliyyətin, o
cümlədən potensial patent qabiliyyətli həllər və istehsalat
sirləri (nou-hau) kommersiya sirri rejimində qorunan hüquqları
təsdiq edən və lazımi qaydada tərtib olunmuş sənədlərin
mövcudluğu.
Qeyri-material aktivlər büdcə uçotuna onların ilkin
dəyəri ilə daxil edilirlər.
Qeyri-material aktivlərin ilkin dəyəri kimi aktivlərin
yaradılmasına və ya alınmasına sərf edilən faktiki vəsaitlərin
cəmi nəzərdə tutulur.
Qeyri-material aktivlərin alınmasına və ya yaradılmasına
sərf edilən vəsait-lər aşağıdakılardır:
- təchizatçıya (satıcıya) müqavilə ilə ödənilmiş
məbləğlər;
- təşkilatlara müqavilələr əsasında görülən işlərə görə
ödənilən məbləğlər;
- hüquq sahibinə (satıcıya) müqavilə əsasında hüquqdan
istifadən üçün ödənilən məbləğlər;
- qeyri-material aktivlərin satın alınması ilə bağlı
informasiya və məsləhət xidmətləri göstərilən təşkilatlara
ödənilən məbləğlər;
- qeyri-material aktivlərdən istifadə hüququnun əldə
edilməsi üçün ödənilən qeydiyyat haqları, dövlət rüsumları və
digər ödəmələr;
68
- hüquq sahibinin mütləq mülkiyyət hüququnun satması
(verməsi) ilə bağlı ödənilən gömrük, patent və digər rüsumlar;
- qeyri-material aktivlərin alınmasında dəllalıq edən
təşkilata ödənilən mükafatlar;
- qeyri-material aktivlərin istifadə yerinə gətirilməsinə,
nəqlin sığortası da daxil olmaqla, ödənilən vəsaitlər;
- aktivin yaradılmasına sərf olunan xərclər (materiallar,
əməyin ödənişi və əlavə ödəmələr, kənar təşkilatların
xidmətləri və s.);
- qeyri-material aktivlərin alınması və yaradılması ilə
bağlı digər xərclər.
Kommersiya sirri (nou-hau) kateqoriyasına aid olan
intellektual fəaliyyət obyektlərinin (İFO) mühasibat uçotuna
daxil edilməsi aşağıdakı ardıcıllıqla həyata keçirilir.
1. Müəlliflər ali təhsil müəssisəsinin rəhbərliyini
məzmunu potensial kommersiya sirri kateqoriyasına aid olan
texnologiyanı işləyib hazırladıqları haqqında məlumatlan-
dırırlar.
2. İntellektual mülkiyyətin qorunması bölümü ilə birlikdə
texnologiyanın təfsilatlı yazısı tərtib olunur.
3. Qrupun işinin nəticələri ali təhsil müəssisənin patent-
lisenziya komissiyasında müzakirə olunur. Bu komissiya İFO-
lara münasibətləri qaydaya salmaq elmi tutumlu və
rəqabətədavamlı məhsul yaratmaq üçün ixtiraçılıq fəaliyyətinə
həvəsləndirmək, müəssisənin əməkdaşların xidməti vəzifə-
lərinin icrası nəticəsində yaratdıqları İFO-nun sahibi kimi
qanuni maraqlarınmı qorumaq üçün yaradılır.
Müzakirə nəticəsində komissiya texnologiyanın qəbul
edilməsi və kommersiya sirri kateqoriyasına (nou-hau) aid
edilməsi haqqında qərar verir və kiçik innovasiya müəssisə
yaradılarkən onun nizamnamə kapitalına töhfə kimi verilməsi
haqqında tövsiyələr hazırlayır. Texnologiya üzərində sahiblik
və onun istifadəsinə sərəncam vermək hüququ ali məktəbdə
qalır.
69
Komissiya həm də müəlliflərə həvəsləndirici əlavə
ödəmələr verilməsi haqqında qərar qəbul edir.
4. Texnologiyanın yazısı “Ali təhsil müəssisənin
kommersiya sirri” adı altında təhvil-təslim aktı ilə ümumi
şöbəyə verilir. Akt rəhbər tərəfindən imzalanır.
5. Komissiyanın qərar əsasında işçi qrupun rəhbəri
tərəfindən müəlliflərə əlavə ödəmələr ayrılması haqqında
xidməti müraciət tərtib olunur. Rəhbərlik bu ödəmələri əmrlə
rəsmiləşdir. Beləliklə, bu ödəmələrin əsasında texnologiyanın
ilkin dəyəri müəyyən edirlər.
6. İşlənib hazırlanmış texnologiyanın kommersiya
dəyərinin müəyyənləş-dirilməsi aşağıdakı ardıcıllıqla həyata
keçirilir:
- müəlliflər rəhbərliyə İMO-dan istifadə hüququnun pulla
dəyəri haqqında xidməti yazı göndərirlər (bu təsərrüfat
cəmiyyətinin nizamnamə xarakterinə töhfə hesab olunur);
- İMO-dan istifadə hüququnun pulla qiymətləndirilməsi
məsələsinə patent-lisenziya komissiyasında baxılır. Komissiya
müəlliflərin təqdim etdikləri materiallar əsasında nou-haunun
nizamnamə kapitalına töhfə kimi istifadəsi haqqında tövsiyə
verir, onun kommersiya dəyərini müəyyən edir və ali təhsil
müəssisənin kiçik innovasiya müəssisəsinin nizamnamə
kapitalına töhfələrinin miqdarının təsdiq İMO-dan istifadə
hüququnun pulla dəyəri ali təhsil müəssisəsi tərəfindən
müstəqil olaraq (kənar qiymətləndiriciləri cəlb etmədən)
müəyyən edilir. Bu dəyər müəssisənin İMO-nin alınmasına və
ya yaradılmasına sərf etdiyi məbləğdən az ola bilməz.
Əgər bu məbləğ qanunvericilikdə müəyyən olunmuş
həddi aşarsa, o zaman qiymətləndirməyə müstəqil ekspert cəlb
olunur.
7. İMO-n-n mühasibat uçotuna daxil edilməsi haqqında
əmr verilir.
70
8. İşlənib hazırlanmış texnologiya ali təhsil müəssisəsi
tərəfindən kiçik innovasiya müəssisəsi yaradılanda nizamnamə
hesabına töhfə kimi daxil edilir.
Bu müəssisənin nizamnamə kapitalının miqdarı hər
təsisçinin payı almaqla təsisçilərin ümumi yığıncağında
müəyyən edilir.
Ali təhsil müəssisəsi öz payını pulla yox, nou-hau
şəklində təhvil-təslim aktı ilə nizamnamə kapitalına əlavə edir.
Akt ali təhsil müəssisəsinin və kiçik innovasiya müəssisəsinin
rəhbərləri tərəfindən imzalanır.
Hər iki müəssisə arasında istehsalat sirrindən istifadə
haqqında lisenziya müqaviləsi bağlanılır.
18. LİSENZİYALAŞDIRMA
Lisenziya elmi-texniki işləmənin sahibi tərəfindən texno-
logiyadan, ixtiradan, faydalı modeldən, sənaye nümunə-
lərindən, nou-hau-dan, proqram məhsulundan və işləmə
prosesində əldə olunan digər intellektual mülkiyyət obyekt-
lərindən başqa şəxsin istifadə etməsi üçün verilmiş icazədir.
Lisenziya müqaviləsi İMO-nun sahibi tərəfindən ondan
istifadə hüququnun digər şəxsə verilməsini sonuncunun
bununla bağlı razılaşdırılmış ödəmələri həyata keçirməsini və
müqavilədə nəzərdə tutulmuş digər vəzifələri yerinə
yetirməsini tənzimləyən sənəddir. Bu müqavilə bağlanarkən
İMO-lardan istifadəıni tənzimləyən qanunvericilik qanunları
rəhbər tutulmalıdır.
Bu müqavilələr başqasına verilən hüquqların həcmi-
nə, lisenziyanın ödənilib ödənilməməsinə, müqavilə tə-
rəflərinin yerləşdikləri məkana (daxili və ya beynəlxalq),
lisenziyanın verilməsinin könüllülüyünə (könüllü və ya
məcburən) görə təsnifatlandırırlar.
Lisenziar ixtiradan, sənaye nümunəsindən, faydalı
modelindən, əmtəə nişanından və digər İMO-lardan istifadə
71
hüququnu digərinə verən şəxsidir. Adətən lisenziya
müqaviləsinin predmeti ixtira, faydalı model və ya sənaye
obyekti isə lisenziar rolunda patent sahibi, əgər əmtəə nişanı isə
həmin nişanın sahibi çıxış edir. Sahibkarlıq fəaliyyəti ilə
məşğul olmayan vətəndaş yalnız patent sahibidirsə o, lisenziar
ola bilər. Əmtəə nişanı verilən müqavilədə lisenziar yalnız
təşkilatlar və ya fərdi sahibkarlar ola bilərlər. Lisenziar həm
ölkə vətəndaşı, həm də əcnəbi ola bilər.
Lisenziat İMO-nun istifadəsi üçün hüququ əldə edən
istənilən təşkilata və ya sahibkara deyilir.
Ali təhsil müəssisələrinin texnologiyalarının lisenziyalaş-
dırılması “Mülkü Məcəllə”, patent və müəlliflik hüququ
haqqında qanunlarla tənzimlənməlidir. Bu lisenziat və lisenziar
arasındakı adətən istifadə olunmayan investisiya yatırma və
mülkiyyət payı münasibətlərdə qanunvericilik aktlarının tətbiqi
ilə əlaqədardır. Digər aspekt İMO-ların xidməti vəzifələrin
icrası nəticəsində yaradılmasıdır.
Ali təhsil müəssisələri statuslarına görə İMO-ların
yaradılma istiqamətlərin-in seçimində də müstəqildirlər. Bu
müəssisələrin çoxu dövlət qurumlarıdır, nazirliklərin tabeliyin-
dədirlər, təsdiq olunmuş plan üzrə işləyirlər, ona görə bütün bu
aspektlər lisenziya alınmasında və verilməsində nəzərə
alınmalıdır.
Bundan əlavə bu müəssisələr hər hansı bir texnologiyanı
ərsəyə gətirmələrinə baxmayaraq ondan müstəqil olaraq
istifadə edə bilmirlər. Ona görə lisenziyalaşdırma və ya patent
sahibi hüququnun başqasına verilməsi onlar üçün öz
işləmələrinin tətbiqinin yeganə mümkün üsuludur.
Lisenziyalar müxtəlif xarakterli olurlar.
Mütləq lisenziya alan lisenziat ixtiradan, əmtəə
nişanından, faydalı modeldən və sənaye nümunəsindən tam
istifadə hüququnu əldə edir. Bu zaman intellektual mülkiyyət
sahibi lisenziata qoruma sənədinin qüvvədə olduğu bütün
müddət ərzində məhdudiyyət qoymadan istifadəçi hüququnu
72
verir. Lisenziar üçüncü şəxslərlə lisenziya predmeti üzərində
mülkiyyət hüququnu və lisenziata verilməyən hissədən istifadə
hüququnu özündə saxlayır. Mütləq lisenziya almış şəxs isə öz
növbəsində sublisenziya həyata keçirə bilər.
Qeyri-mütləq
lisenziya
yalnız lisenziatın özünə
lisenziya predmetindən istifadə hüququnu gec verə bilər.
Belə müqaviləyə görə lisenziat sublisenziyanı yalnız
lisenziarın razılığı ilə həyata keçirə bilər.
Müqavilələrdə təkcə mütləq lisenziya və ya qeyri-mütləq
lisenziya qeyd etmək kifayət deyildir, orada hansı hüquqların
verildiyi, hansıların isə verilmədiyi mütləq göstərilməlidir.
Açıq lisenziya istənilən intellektual mülkiyyətdən sərbəst
istifadə etmək imkanı verir. Belə müqavilə yalnız patent sahibi,
daha doğrusu ixtiranın və ya sənaye müəssisənin sahibi
tərəfindən imzalana bilər. Bunu üçün o, patent qurumuna ərizə
təqdim edir və ərizə bu qurum tərəfindən cəmiyyətdə tanınmaq
üçün dərc edilir. ərizənin predmetindən istifadə etmək istəyən
şəxs patent sahibi ilə müqavilə bağlayır.
Açıq lisenziyada patent sahibinin xərcləri az olur, patenti
saxlama rüsumları 50% azalır və s.
Məcburi qeyri-mütləq lisenziya o vaxt verilir ki:
- patent sahibi patent aldıqdan sonra 4 il ərzində ixtiradan
heç istifadə etməmiş və ya patentdən və sənaye nümunəsindən
bu müddətdə kifayət qədər istifadə etməmiş, faydalı modeldən
isə 3 il müddətində istifadə etməmişdir;
- potensial lisenziat patent vermiş obyekti istehsalatda
tətbiq etməyə hazır oldugunu bildirmişdir;
- patent sahibi ilkin razılaşma əldə edildikdən sonra
lisenziya müqaviləsini imzalamaqdan imtina etmişdir;
- patent sahibi obyektdən istifadə etmədiyini və ya
kifayət qədər istifadə et-mədiyini sübut edə bilməmişdir.
Bu sadalanan hallarda patent verilmiş obyektdən istifadə
etmək istəyən şəxs ali lisenziya palatasına müraciət edərək ona
məcburi qeyri-mütləq lisenziya verilməsini xahiş edə bilər.
73
Lisenziyanı verərkən palata verilən hüquqların həcmini,
ölçülərini, ödəniş qaydalarını müəyyən edir, bu zaman
lisenziyanın dəyəri bazar qiymətindən aşağı olmamalıdır.
Bütün sənaye cəhətdən inkişaf etmiş ölkələrdə beynəl-
xalq mübadilədə texnologiyaların və mülkiyyət hüquqlarının
verilməsində intellektual mülkiyyətdə istifadə əvəzinə mükafat
kimi “ağılabatan kompensasiya” (ağılabatan royalti) tələb
olunur. Ümumi qaydada əgər patent sahibi ilkin olaraq könüllü
lisenziya vermişsə, kompensasiyanın qiymətləndirilməsi üçün
“ağlabatan royalti” tətbiq olunur.
Lisenziyanın qiyməti altında beynəlxalq praktikada
lisenziyanı “alanın” “satana” ödəyəcəyi məbləğ nəzərdə tutulur.
Onun hesablanması lisenziatın gəliri əsasında, royalti
bazasında və ya kombinə edilmiş əsasda həyata keçirilir.
Sublisenziayalaşdırma lisenziyatın lisenziar kimi çıxış
edərək lisenziya müqavilə bağlamasıdır. Bu müqavilədə so-
nuncunun mütləq lisenziya əldə etmiş lisenziatlar üçün patent
sahibindən razılıq alması tələb olunmur. Belə lisenziatlara
sublisenziyalaşdırma hüquqi lisenziya müqaviləsindəki hüquq-
larla birlikdə verilir.
Qeyri-mütləq lisenziya almış lisenziat sublisenziyanı
yalnız lisenziarın razılığı ilə həyata keçirə bilər.
Lisenziyanın verilməsindən imtina lisenziya müqavilə-
sinin tərəflərin razılığı və ya bir tərəfin təşəbbüsü ilə pozulma
yolu ilə həyata keçirilir.
Bir sıra hallarda partnyor son qərar qəbul etməzdən əvvəl
kiçik seriya ilə nümunənin sınağını keçirməyi tələb edir. Belə
halda tərəflər opsion müqaviləsi imzalayırlar.
Opsion müəyyən şərtlər daxilində və müəyyən müddətdə
alış, satış, icarə kontraktı bağlama hüququnu əldə etməyə
deyilir. İntellektual mülkiyyət satılarkən çox vaxt obyektin
dəyəri və hətta onun kommersiyalı həyata keçirilməsi opsion
müqaviləsi qüvvədə olduğu müddətdə baş verir. Ona görə də
belə müqaviləyə lisenziyadan əvvəlki müqavilə deyilir.
74
Opsion ilkin müqavilədir, qarşılıqlı razılıqla tərəflər
gələcəkdə bu müqavilənin şərtləri əsasında əsas müqaviləni
bağlamaq haqqında öhdəlik götürürlər. İlkin müqavilədə hansı
müqavilənin, hansı şərtlər daxilində və hansı müddətdə
bağlanacağı göstərilir. Əgər tərəflərdən biri əsas müqaviləni
bağlamaqdan imtina edərsə, digər tərəf ona dəyər zərərin
ödənməsi iddiası ilə məhkəməyə müraciət edə bilər.
Opsion texnologiyanın texniki sənəd, sınaq nümunəsi və
s. şəklində verilməsi üçün birdəfəlik ödənişini nəzərdə tutur.
Konfidensiallıq haqqında müqavilədə olduğu kimi texnolo-
giyanın belə verilməsi sınaqdan artıq heç bir istifadəyə hüquq
vermir. Müqavilə qəbul edən tərəfin texnologiyanın üçüncü
tərəfə satmasına icazə vermir.
Opsionun şərtləri səylə formalaşdırılmalıdır, texnolo-
giyanı verən tərəf müqavilədə göstərməlidir ki, əgər üçüncü
tərəfdən daha sərfəli təklif gələrsə, o, texnologiyanı bu tərəfə
satmaq hüququna malikdir.
Lisenziya müqavilələrinin pozulmasına görə tərəflərin
məsuliyyəti mülki qanunvericiliyin ümumi normalarından irəli
gəlir.
Dostları ilə paylaş: |