59
likdə sevindiyi insanların sözlərindən istifadə etməklə öz sevincini ifadə edə bilir. Onun nitqi başqalarının
üz parçalarından ibarət olan üzü kimi idi; ya da bunu övliyaların ölməz cisimlərinin məclisinə (mərhəmətli
Tanrım, qoy bu mənə magnis componere parva' yaxud, şeytani şeylərdən müqəddəs şeylərin yaranması
kimi görünməsin) yaxud, müxtəlif müqəddəslərin hissələrindən başqa övliyanın yaranmasına bənzətmək
olardı. Onu ilk dəfə gördüyüm anda Salvator istər üzü, istərsə də danışıq tərzi ilə bir az əvvəl qapının
altında gördüyüm tüklü və idbar vəhşidən fərqlənmirdi. Sonralar onun mehriban və zarafatcıl olduğunu
bildim. Daha sonra öyrəndim ki... Amma yox, hər şeyi ardıcıl danışacağam. Həm də o, danışmağa təzəcə
başlamışdı ki, ustadım böyük bir maraqla onu sorğu-suala tutdu.
“Nə üçün “hamınız tövbə edin” deyirsən?” - Vilhelm soruşdu.
“Mərhəmətli atamız və qardaşımız, - Salvator qəribə şəkildə təzim edərək, cavab verdi. - Həzrəti-İsa
gələcəkdir və insanlar tövbəkar olmalıdırlar. Elə deyilmi?”
Vilhelm diqqətlə ona baxdı: “Son minoritlərin
60 61
monastırından bura gəlmisən?”
“Anlamadım...”
“Soruşuram ki, Müqəddəs Fransiskin rahibləri ilə birlikdə yaşamısanmı, özlərini həvarilər
adlandıranları tanıyırsanmı?”
Salvatorun bənizi ağardı - daha doğrusu, qarayanız, vəhşi üzü bozardı. Vilhelmə dərindən təzim etdi
və fısıldayaraq “geri dön”ə oxşar bir söz dedi. Canfəşanlıqla xaç vurub, tez-tez ardına baxaraq, qaçıb getdi.
“Siz ondan nə soruşdunuz?” - deyə Vilhelmə tərəf çevrildim.
O, fikrə dalmışdı: “Mühüm deyil. Sonra deyərəm. İndi kilsəyə gedək. Ubertinonu görmək istəyirəm”.
60
Əhəmiyyətsiz şeylərdən ali şeylərin yaranması (latınca)
~Minoritlər (“kiçik qardaşlar”) - fransiskan ordeninin bir qolu, qatı asketizmin tərəfdarları
Günortanı yenicə keçmişdi. Zəif günəş işığı qərb tərəfdəki bir neçə dar pəncərədən kilsənin içinə
sızırdı. Ensiz işıq şüası mehrabın üzərinə düşərək, nazik qızılı örtüyü parıldadırdı. Kilsənin yan tikililəri
qaranlıq içindəydi.
Mehraba ən yaxın olan sovməənin girişinin yanında, sol tərəfdə, alçaq burma sütunun üstündə çağdaş
üslubda daşdan yonulmuş, üzündə anlaşılmaz təbəssüm, qamı irəli çıxmış, incə bədəni zərif bir geyimə
bürünmüş, körpəsi qucağında olan Məryəm Ananın heykəli ucalırdı. Müqəddəs Ananın ayaqları altında,
klyuni fırqəsinin libasında olan bir adam üzü üstə düşərək, Tanrıya yalvarırdı.
Yaxınlaşdıq. Addımlarımızın səsini eşidib üzünü qaldırdı. O, saçsız-saqqalsız, mavi gözlü, ensiz
qırmızı dodaqlı bir qoca idi. Bəyaz və qırışsız bənizi vardı, şumal dərisi kəlləsinə elə sıx yapışmışdı ki,
başı süddə saxlanmış mumiyanın başına oxşayırdı. Əlləri ağ, barmaqları incə və uzundu. Vaxtsız ölümə
tuş gələn bakirə qızcığaza bənzəyirdi. Bizə dalğın baxışlarla baxdı... görünür, vəcddən ayılmaqda çətinlik
çəkirdi və birdən sevincdən üzü nurlandı.
“Vilhelm! - deyə qışqırdı. - Sevimli qardaşım! - Çətinliklə ayağa qalxıb, ustadımın ağuşuna atıldı, onu
bərk-bərk qucaqlayıb, ağzından öpdü. - Vilhelm! - O, ucadan dedi və gözləri yaşardı. - Neçə illər keçdi!
Amma səni ilk baxışdan tanıdım! Neçə illər keçdi, başımıza nələr gəldi! Tanrı bizi nə çox sınağa çəkdi!”
- ağlayaraq dedi. Vilhelm qocanı bərk-bərk qucaqladı. O da açıq-aşkar mütəəssir olmuşdu. Biz məşhur
Kazallı Ubertinonun qarşısında dayanmışdıq.
Bu adam haqqında İtaliyaya gəlməzdən öncə də çox eşitmişdim - imperatorluq sarayında yaşayan
fransiskanları ziyarət edəndə adı tez-tez çəkilmişdi. Hətta bir nəfər demişdi ki, o dövrün dahi şairi,
Florensiyalı Dante Aliqyerinin yazdığı şerlərin çoxu (kobud xalq dilində yazıldığından, onları oxuya
bilmədim)
Ubertinonun “Arbor vitae crucifıxae”
1
poemasındakı misraların
----------------------------------
1
«Çarmıxa çəkilmiş ömür ağacı” (latınca)
60
61
təbiridir. Bu məşhur adamı dəyərli edən təkcə bu deyildi. Oxucularımın bu qarşılaşmanın əhəmiyyətini
daha yaxşı anlamaları üçün mərkəzi İtaliyada qaldığım qısa müddət içində Vilhelmin dediyi bir neçə
cümlədən və yolçuluğumuz zamanı onun müxtəlif monastırlarda rahiblərlə etdiyi söhbətlərdən anladığım
şəkildə, o dövrün hadisələrini xatırlamağa çalışmalıyam.
Doğru-dürüst anladacağıma bəzən əmin olmasam da, xatırladığım hər şeyi söyləməyə çalışacağam.
Melkdəki ustadlarım mənə, bir şimallı üçün İtaliyanın dini və siyasi həyatının incəliklərindən baş açmağın
çətin olduğunu çox demişdilər.
Ruhanilərin başqa yerlərə nisbətən daha çox hökmranlıq etdiyi bu yarımadada, dindarların başqa
yerlərə nisbətən daha çox qüdrət və zənginliyə malik olduğu bu torpaqlarda son iki yüz il ərzində pozğun
ruhaniliyin əleyhdarlarından yaranmış, daha yoxsul həyat sürməyə meyilli olan insanların hərəkatı
yayılaraq, inkişaf etmişdi. Hətta Tanrıya ibadəti belə rədd edən bu insanlar birləşərək, feodalların,
imperatorluğun və şəhər magistratlannm eyni dərəcədə nifrət etdiyi müstəqil cəmiyyətlər yaratmışdılar.
Nəhayət, Müqəddəs Fransisk gəldi və kilsənin əsaslarına zidd olmayan bir yoxsulluq sevgisi yaymağa
başladı. Onun səyləri ilə kilsə, köhnə hərəkatlara xas olan ciddi əxlaqa sədaqəti qəbul etdi; lakin əvvəldən
onun içində yuva qurmuş iğtişaş rüşeymlərinin kökü kəsildi. Bunun ardından dinc və firavan günlərin
gələcəyi gözlənilirdi, amma fransiskan ordeni böyüyüb ən yaxşı insanları özünə cəlb etdikcə daha da
güclənir və tez-tez dünyəvi işlərə qarışırdı. Buna görə də fransiskanların çoxu ordeni əvvəlki saflığına
qaytarmağa çalışdılar. Mənim monastırda olduğum dövrdə dünyaya yayılmış otuz min fransiskanın oldu-
ğunu nəzərə alsaq, bu çox çətin məsələ idi. Amma bu məsələ çoxlarını maraqlandırırdı və Müqəddəs
Fransiskin rahibləri kilsə tərəfindən qoyulmuş qaydalara etiraz edir deyirdilər ki, kilsənin qüsurlarını
düzəltmək üçün yaranmış orden əksinə, özü bu qüsurları mənimsəmişdir. Və bunun Fransisk hələ həyatda
olarkən baş verdiyini, onun sözlərinə və məqsədlərinə xəyanət edildiyini deyirdilər. O zaman qəzəblənmiş
rahiblər, peyğəmbərlik
Dostları ilə paylaş: |