Az Book Library qizilgüLÜn adi
Yüklə 2,97 Mb. Pdf görüntüsü
|
53 ləri ilə, dalğalanmış xirqələri ilə, gərgin və ehtiraslı varlıqları ilə, sonsuz mədhiyyələrin təbəssümü qonmuş dodaqları ilə yeni bir nəğmə söyləyirdilər. Qocaların ayaqları altında, onların, taxtın və İncil dördlüyünün üzərində simmetrik şırnaqlar halında həm səmavi, həm də dünyəvi qanunlara uyğun olan incə rəsmlər vardı (dünyanın sevgi ilə, xeyirxahlıqla, nizamla, qüdrətlə, hüquq qaydaları ilə, ilkin səbəblə, həyatla, işıqla, görünüş və görkəmlə birləşməsini əks etdirən); bu əsərləri zorla bir-birindən ayırmaq olardı; çünki elə incə, elə sənətkarlıqla düzülmüşdülər ki, bir-birinə mütənasib, müxtəlif eynilikdə və eyni müxtəliflikdə, dəyişkənlikləri içində vahid və vahidlikləri içində dəyişkən olan bütövü yaradan parçalar, rənglərin yumşaqlığı ilə fövqəladə uyğunluq içindəydilər; bir-birinə bənzəməyən çalarların qeyri-adi və şirin ahəngi kimi, hər yayından bir səs çıxan sitarın tək avazı kimi, hətta müxtəlifliyin azğın oyununda vahid mənaya yönəlmiş daxili qüvvə ilə eyni olan həmahəng, həmsərhəd qonşuluq kimi, qarşı-qarşıya olub birləşməyən, lakin qarşılıqlı məhəbbətdə birləşən varlıqların bəzəyi kimi, eyni dərəcədə həm dünyəvi, həm də səmavi buyruqla bağlanan eşq ittifaqının bəhrəsi kimi, bərabər ölçüdə yerləşmiş maddələrin ciddi quruluşundan xəbər verən, onların gözəlliyinə işıq salan çoxtərəfli vahid kimi - bax beləcə, yer üzünün və cənnətin bağçalarını bəzəyən bütün bitkilərin çiçək və yarpaqları, salxım və zoğları, bənövşə, nəfəsotu, zanbaq, küskütotu, nərgizgülü, şanagüllə, ayıpəncəsi, ətirli səna, xınaçiçəyi, xətmigülü bir-birinə hörülərək, iç-içə keçmişdi. Təbii gözəlliyin və fövqəltəbii əlamətlərin bu ahəngindən coşmuş ruhum xoşbəxtlik nəğməsini söyləməyə hazırkən, gözlərim qocaların ayaqları altındakı güləbənzər daş xonçalara, sonra isə timpanı saxlayan sütunla bütünləşən və bir-birinə çarpaz olan varlıqlara sataşdı. Nə idi bunlar: arxa ayaqlarını yerə möhkəmcə qoyan, ön pəncələri qardaşının kürəyinə dayalı, yalları ilan kimi qıvrım-qıvrım, cəhəngləri ürküdücü nərilti ilə titrəyən, hər biri qövs şəklində şahə qalxmış, bir-birinə buxovlanmış bu üç cüt aslan nəyi ifadə edirdi? Sanki təşviş içində olan
54 ruhumu sakitləşdirmək üçün aslanın şeytani ruhunu ram etmək və onu daha ali niyyətlərin rəmzinə çevirmək məqsədi ilə, sütunun iki tərəfində, qeyri-adi uzunluqdakı meşə qapılarının yan taxtasının olduğu yerdə, timpanın altındakı nəhəng sütunlara söykənərək, fövqəladə hündürlükdə, üz-üzə baxan, bir-birinin bənzəri dörd insan heykəli vardı; bunlar dörd yaşlı qoca heykəli idi; üzərindəki əlamətlərindən Pyotru, Paveli, Yeremiyanı və İsayyanı tanıdım; bədənləri timpanın üstündəki qocalannkı kimi rəqs edirmişcəsinə əyilmiş, uzun və arıq əlləri qanadlar kimi açılmışdı; küləyin dağıtdığı saçları və saqqalları pərvazlanmış, uzun geyimlərinin qatlan da açılmışdı; addımlayarkən uzun ayaqları libaslarını, təbiətcə və cisimcə fərqli olmalarına baxmayaraq, aslan tükü kimi dalğalandınrdı. Məftun olmuş gözlərimi bu mükəmməl cisimlərin cəhənnəm ifrazatı ilə qəribə şəkildə bənzəyişinin yaratdığı çoxsəsliliyindən çəkərkən qapının yanında, dərin tağlann altında, onlara həm dayaq verən, həm də onları bəzəyən kövrək sütunların arasındakı boşluqda yer alan və bəzən sıx yarpaqlarını hər sütun başının üzərinə sərən, bəzən də saysız-hesabsız tağlann boyunca qol-budaq atan ağacların içində, yalnız parabolik və alleqorik məzmun daşıdıqlarına görə, ya da hər hansı əxlaq dərsi verdikləri üçün orada olan eybəcər və dəhşətli varlıqları gördüm. Ayaqları kərkəsin ayaqları kimi sərt tüklərlə örtülü, şiş qarınlı bir satirlə' cütləşmiş çılpaq, dərisi sallanmış, əti iyrənc qurbağalar tərəfindən gəmirilən, tükürpərdici bir səslə öz lənətini ulayan, zəhərli ilanların sancdığı həyasız bir qadın gördüm; yaraşıqlı sütunlarla əhatəli yatağında ölüm soyuğundan keyimiş, cinlər alayının ürkək ovuna çevrilmiş bir xəsisin, əfsus ki, ölümsüz həyatda yenidən doğulmayacaq körpə görkəmindəki ruhunun bir şeytan tərəfindən son dəfə xırıldayan boğazından qoparıldığını gördüm; lovğa bir adam gördüm, çiynində oturmuş şeytan caynaqlarını onun gözünə soxmuşdu; bu vaxt, iki qarınqulu bir-birinin iyrənc bədənini didib-parçalayırdı; keçi üzlü, aslan dərili, bəbir dişli başqa məxluqlar gördüm, 50 50 satir - əxlaqsız, şəhvətpərəst 55 hamısı da yandırıcı nəfəsi duyula bilən alovlu bir meşənin əsiri; onların ətrafında, içində, başlarının üstündə, ayaqlarının altında qəribə üzlər və bədənlər vardı; bir-birinin saçlarından yapışmış ər-arvad; bir günahkarın gözlərini soran iki əfi ilan; qıvrılmış əlləri ilə əjdahanın cəhəngini ayıran bir pəhləvan; İblisin taxtını qoruyub, çələnglə bəzəmək və öz məğlubiyyətləri ilə onu şərəfləndirmək üçün bütün şeytani məxluqlar bir yerə toplaşmışdı: satirlər, androginlər 1 , altıbarmaq eybəcərlər, su pəriləri, hippokentavrlar, qorqonlar, yarasalar, inkublar 51 52
, ilanquyruqlular, minotavrlar, vaşaqlar, bəbirlər, əjdahalar, burunlarından atəş saçan köpək üzlü siçovullar, timsahlar, skolopendralar, qıllı ilanlar, səməndərlər, buynuzlu ilanlar, suilanlan, yexidnalar, bellərində dişləri olan ikibaşlı məxluqlar, goreşənlər, susamurları, qəcələlər, mişarbuynuzlu hidroforlar, qurbağalar, yarıaslan, yarıqartal qrifonlar, itbaşlılar, meymunlar, mantihorlar 53 , leşyeyən quzğunlar, yırtıcı dələlər, sığmlar, şanapipiklər, bayquşlar, uzunquyruq kərtənkələlər, dəribaşlar, gürzələr, ayağıziyillilər, əqrəblər, yaşıl kərtənkələlər, balinalar, əsayaoxşar ilanlar, amfısbenalar 54 55 , dipsadlar 56 , milçəkyeyənlər, vəhşi poliplər, muranlar və tısbağalar. Cəhənnəmin bütün bədheybətləri qaranlıq meşəni, vəhşi və kədərli səhranı təmsil edirmişlər kimi, bir yerə toplanıb, yuxarıda Oturanın vəd və təhdid edən üzünə qarşı dayanmışdılar. Armageddonda 57 məğlub
olanlar diriləri və 51
- yunanca “oğlanqız” - hermafrodit 52
- yatanları yoldan çıxaran erkək şeytanlar; bax, həmçinin sukkub 53
- farscada “adamyeyən”in təhrif olunmuş - Böyük Pliniyə görə hind əfsanələrində aslan bədənli, insan üzlü, əqrəb quyruqlu vəhşi heyvan 54
(yunanca) - Böyük Pliniyə, Lukana görə: ikibaşlı ilan. 55
çox uzun zəhərsiz ilan 56 dipsad (yunanca) - Böyük Pliniyə, Lukana, Siliya İtalikə görə zəhəri ölümcül susuzluq yaradan zəhərli ilan 57
(ivritcə) - Qiyamətin qurulacağı yer (Müqəddəs İohannın bəyanları, 16:16) Yüklə 2,97 Mb. Dostları ilə paylaş:
|