6.2 Əməliyyatlar üzrə məlumatların açıqlanması
Bu məlumat maliyyə hesabatlarının istifadəçilərinə maliyyə hesabatlarına münasibətin göstərə biləcəyi potensial səmərəni anlamağa imkan vermək üçün kifayət etməlidir.
Məlumatın açıqlanması üç elementdən ibarət olmalıdır:
Müvafiq hesabın nisbəti kimi əməliyyatların həcminin göstərilməsi
Hər hansı ödənilməmiş maddələrin nisbəti, və
Əlaqəli üçüncü tərəflərlə bağlı aparılan əməliyyatlara uyğun olaraq qiymət siyasətləri
Bu məlumatların açıqlanması ilə bağlı tələblərin arxasında duran fərziyyə ondan ibarət idi ki, maliyyə hesabatlarının istifadəçiləri qiymət siyasətlərini bildikləri halda onlar üçüncü tərəf münasibətinin keyfiyyət xüsusiyyətini qiymətləndirə və müvafiq hesabların hissələrini bilməklə onlar münasibətin kəmiyyət səmərəliliyini hesablaya bilərdilər. Təsadüfi hallarda bu, “müvafiq hesabın” yalnız Gəlir kimi tək maddədən ibarət olduğu təqdirdə mümkün ola bilərdi.
6.2.1 Əməliyyatların həcminin müəyyən edilməsinə dair nümunə
Aysberq şirkətinin Xatirə şirkəti ilə əlaqəli üçüncü tərəf münasibəti var. Müvafiq ildə, Aysberq şirkəti Xatirə şirkəti ilə satışlar həyata keçirib. Məlumatın açıqlanması ilə bağlı tələblər yuxarıda göstərilənə uyğun gəldiyi təqdirdə maliyyə hesabatının istifadəçilərinə aşağıdakı məlumat verilmiş olar:
a) “Normal” satışlar 40 % həcmində ümumi gəlir gətirir
b) Xatirə şirkətinə satışlar 10 % həcmində ümumi gəlir vermək kimi qiymətləndirilib
c) İl ərzində ümumi satışlar 1.000.000 manat olub
d) Xatirə şirkətinə satışlar ümumi satışların 20 %-i həcmində hesablanıb
Bu məlumat əsasında əlaqəli tərəflər ilə bağlı satışın ümumi məbləğinin 200.000 manat həcmində qiymətləndirildiyini hesablamaq asandır, lakin bu, ümumi gəlirdən yalnız 5.9 % təşkil etmişdir.
Bununla belə, bir çox müxtəlif məbləğlərdən ibarət olan müvafiq hesab mürəkkəb olduğu təqdirdə tələb olunan məlumatın açıqlanması səviyyəsində hesablamaların qeyri–mümkün olması sübut olunur.
Dostları ilə paylaş: | 
