74
“Qərib” - atamın əlavəsi idi. Bir də yalnız bircə yerdə, şeirin sonluğunda bir əlavə
etmişdi. Nazimdə şeir belə bitir:
Tesellisiz yaşamayı becerdim
Beceririm tesellisiz ölmesini de.
Senin gibi, Refili.
Atamın tərcüməsində şeir belə bitirdi:
Təsəllisiz yaşamağı bacardım
Təsəllisiz ölməyi də bacararam
Senin kimi Rəfili,
“bədbəxt adam”.
Tərcüməni oxuyub qurtarandan sonra atam izah etdi: -“Axı Rəfili özü-özünə
həmişə zarafatla: ”Mən – bədbəxt adam” deyərdi”.
... Şübhəsiz, Rəfili özünü “bədbəxt adam” adlandıranda zarafat edirdi. Neçə-neçə
qiymətli tədqiqatın, sanballı kitabın müəllifi, tanınmış alim, tənqidçi, gözəl bəlağətli
natiq, azərbaycanca və rusca kamil savadlı elmlər doktoru, professor, yüzlərlə
pərəstişkar tələbənin ali məktəb müəllimi – bir sözlə, seçdiyi peşəsiylə məşğul olan,
nəhayət, zəngin bir kitabxana sahibi, istədiyi vaxt, istədiyi kitablarla söhbət etmək
imkanına malik insanı bədbəxt saymaq mümkündürmü? Əlbəttə, yox. Amma Rəfili
xoşbəxt adam idimi?
Nəğmələri gah coşğun olurdu,
gah həzin.
Arıdılmamış budağıydı şeirimizin.
Şeiri, - deyirlər, - bir az qəribə,
bir az kələ-kötürdü.
Yüz adama zor olan tənələrin yükünü,
Tək boynuna götürdü.
75
R.Rza, Nazim azadlığa çıxanda da, ömrünün son illərini Moskvada keçirəndə də,
onunla birgə nəfəs almış, onun qardaşı, sirdaşı olmuşdur.
Rəsul Rzanın “Şairin anası”, “Rənglər” silsiləsindən olan “Saman sarısı”, habelə
“Ulu şair”, “Burda bir insan ölüb” və başqa əsərləri Nazim Hikmətə həsr olunmuş
poetik nümunələrdir. Bu nümunələrdə Nazimin həyatı, mübarizəsi, amalı, çırpıntılı bir
həyat yolu keçməsi göstərilməklə yanaşı, Rəsul Rzanın Nazim Hikmətə olan böyük
sevgisi də bədii boyalarla əks olunmuşdur.
Türklərin dili ilə desək, Nazimlə Rəsul Rzanın “ruh yapısı” demək olar ki, eyni idi.
Amma bu eyniyyət bənzərlik deyil. Bu eyniyyət bir-birinə dərin rəğbət bəsləyən, həyata
baxışları, duyğuları ilə bir-birinə bağlı olan insanların cazibə qüvvəsi idi.
Rəsul Rzanın Nazim Hikmətə həsr etdiyi şeirlərindən biri “Gülhanə parkında bir
ceviz ağacı var” adlanır. Oxuculara məlumdur ki, Nazim Hikmət Türkiyə
vətəndaşlığından kənar edildikdən sonra böyük kədərinə rəğmən ümid dolu bir
nikbinliklə “Ceviz ağacı”(1957) şeirini yazmış və demişdi:
“Ben bir ceviz ağacıyım
Gülhane parkında,
Nə sen bunun farkındasın,
Nə də polis farkında”.
Rəsul Rza yuxarıda adı çəkilən şeirində Nazimin “Ceviz ağacı” nı xatırlayaraq belə
deyirdi:
Sən bir ceviz ağacıydın
Gülhanə parkında.
Minarələr qarşında,
Minarələr arxanda.
Baharlarda boylanıb
Baxardın Boğaziçinə.
Hərdən polis kölgəsi düşərdi
Gülhanə parkının
76
Divar kərpicinə...
Hələ 1950-ci ildə Nazim Hikmət həbsxanada ikən Rəsul Rza şairin anasına
müraciətlə yazmışdı:
Mən səni görmədim möhtərəm qadın,
Doğma qardaşımdır o mərd övladın.
Rəsul Rza anaya xitabən Nazimin keçdiyi şərəfli həyat yolu ilə fəxr etdiyini
bildirir, Cəlilə xanımın şair oğluna qolundakı zəncirləri qırıb qaranlıq və kəsafətli
zindanlardan azadlığa çıxacağı günü arzulayırdı.
1963-cü il iyun ayının 3-də Nazimin qəfil ölümü onu sevənləri sarsıtdı. Ölümünə
ağılar deyildi, şeirlər yazıldı. Yenə bu ağıların, şeirlərin içərisində Rəsul Rza sözü və
onun ömür dostu, unudulmaz şairəmiz Nigar Rəfibəylinin göz yaşları ilə dolu misraları
fərqli bir ahənglə səsləndi. Rəsul Rza yazırdı:
Bir dostumuz öldü.
adamların yaxşılarından idi.
Sözü, işi, arzularıyla İnsan idi.
Bu ölümə yerin torpağı yandı,
Ağacın yarpağı yandı.
Nigar Rəfibəyli isə bu ağır dərdi belə ifadə edirdi:
İndi sevdiyin, məhəbbətlə baxdığın
Gözlər ağlayır,
İllərlə həsrətini çəkdiyin
Balaca oğlun Məhməd ağlayır,
Anaların ən gözəli-
Münəvvər ağlayır.
77
Nazim Hikmət Varnada bir şeir yazmışdı oğlu Məhmədə müraciətlə. Şeir belə idi:
Karşı yaka memleket,
Sesleniyorum Varnadan, işitiyormusun
Memet, Memet.
Kara deniz akıyor durmadan,
deli hasret, deli hasret,
oğlum, sana sesleniyorum, işitiyormusun
Memet!.. Memet.
Şairin bu ürək titrədən misralarına balaca Məhməd deyil, sonralar Rəsul Rza cavab
vermişdi:
Üfüqdə göy gözlərin sarı həsrəti.
Bir səs:
-Oğlum, oğlum!- deyə
Çağırır Məhmədi...
Miz üstü – bir işıq gölü.
Miz arxasında Məhməd.
Dəftər, kağız miz üstünə tökülü.
...Qara dənizin üstündən
Qara yellər əsdimi?
Məhməd gecikdimi?
Çağıran tələsdimi?
...Üfüqdə göy gözlərin sarı həsrəti.
Səhifələrdə yaralı qəlbin məhəbbəti.
78
Məhməd dərs oxuyur
Lehistanın baş kəndində.
Şəkərim, qardaşım, ustad!
Bir də çağırma,
Çağırma Məhmədi !
Rəsul Rzanın şəxsi arxivindəki Nazim Hikmətə həsr etdiyi şeirlərə, məqalələrə,
onun adi bir teleqramının da necə diqqətlə qorunub saxlanmasına, bu səliqə-səhmana
heyran qalmaya bilmirsən. Nazimi düşünəndə Rəsul Rzanın aşağıdakı misraları yada
düşür :
Qəlbində insanların
Kədərini, sevincini daşıdı.
Ünvanı pasportdan məlum.
Nə bir şəhər, bir küçə, bir tindədir.
Ünvanı
milyonlarla insan qəlbindədir.
Rəsul Rzanın arxivində Nazimin imzaladığı belə bir məktub da var:
“Rəsulcuğum!
Salam. Sənə Anarla bu qısacıq məktubu yollayıram. Süleymana, Mehdiyə,
Mirzəyə də bir neçə sətir yazdım. Onların da məktublarını özlərinə çatdır. Sizin dərgidə
son şeirlərimi oxudum, çox bəyəndim. Əllərin kədər görməsin. Sentyabr ayında
Qafqaza gəlmək niyyətindəyik. Sənə teleqram vuracağıq. Bəlkə də imkan olarsa,
yolçuluğumuzu səninlə birlikdə yaparıq. Anar sənə təfsilatı ilə danışar. Səni, Nigar
xanımı, balaca sultanı qucaqlayıram.
Yaxında görüşmək ümidi ilə.
Nazim Hikmət.”
Dostları ilə paylaş: |