61
sahibkarlığın inkişafının perspektivinə dair rəyləri
ilə bölüşdülər. İkinci panel isə biznes fəaliyyətinin
dayanıqlı qurulması qaydaları, o cümlədən
yeni iqtisadi reallıqlara uyğunlaşma, korporativ
idarəçiliyin təkmilləşdirilməsi və sair bu kimi
aspektlərin müzakirə edilməsinə həsr edilmişdir.
Dəstəklənmiş və birgə təşkil edilmiş tədbirlər
PAŞA Bank sənayeni təmsil edən ekspertlər
ilə panel müzakirələri vasitəsilə iqtisadi
riskləri və ssenariləri təhlil edən təşəbbüsləri
dəstəkləyir. Bu tədbirlərdə diqqət artım üçün
perspektivlərə yönələrək qlobal risklər və
irəliləyişlər Azərbaycanda və Xəzər regionunda
biznes liderlərinin üzləşdikləri strateji qərarlar
ilə əlaqələndirilir. 2016-cı ildə PAŞA Bank bir sıra
maraqlı tərəflərlə tərəfdaşlıqda bir sıra ölkələrdən
siyasət qurucularının, investorların və qeyri-
hökumət təşkilatlarının Azərbaycanın iqtisadi
inkişafını sürətləndirmək üçün imkanları müzakirə
etmək üçün bir araya gəldiyi tədbirləri təşkil
etmişdir.
Enerji, bərpa oluna enerji və dayanıqlıq
(22 aprel 2016-cı il)
PAŞA Bank Azərbaycandakı Amerika Ticarət
Palatası tərəfindən ABŞ-ın Azərbaycandakı səfirliyi,
ADA universiteti, Alternativ və bərpa olunan enerji
mənbələri üzrə dövlət agentliyi və digər hökumət
və biznes təşkilatları ilə tərəfdaşlıqda təşkil etdiyi
“Enerji, bərpa olunan enerji və dayanıqlıq” adlı
konfransa sponsorluq etdi. Konfrans 22 aprel
2016-cı ildə Bakı şəhərində keçirilmişdir.
Sıralarında PAŞA Bankın Baş icraçı direktoru
və İdarə heyətinin sədri Taleh Kazımovun da olduğu
konfrans spikerləri dayanıqlıq, Azərbaycanın aşağı
karbon iqtisadiyyatına keçidi, ətraf mühitə dair
tənzimləyici qaydalar və uyğunluq, yaşıl enerji
məqsədlərinə dair maarifləndirmə və təşviqat
aspektlərini təhlil etmişdir. Tədbirdə bərpa olunan
enerji strategiyalarını artıq uğurla tətbiq edən
ölkələrin təcrübələrinin mənimsənilməsinin
faydası, eləcə də tədqiqat və inkişaf işlərinin
PAŞA Bankın 2016-cı il üzrə fəaliyyətinə dair İllik hesabat
63
əhəmiyyəti vurğulanmışdır. Əsas nitqdə bütün
ölkələr tərəfindən milli bərpa olunan enerji
strategiyasının və müvafiq qanunvericilik
çərçivəsinin hazırlanmasının labüdlüyü, eləcə də
belə bir strategiyanı həyata keçirmək üçün müvafiq
elmi və texniki potensialın inkişaf etdirilməsinə
investisiyanın edilməsi ehtiyacı vurğulandı.
PAŞA Bankın Baş icraçı direktoru və
İdarə heyətinin sədri Taleh Kazımov öz
nitqində qeyd etdi ki, Azərbaycan iqtisadiyyatı
innovativ texnologiyaları istifadə etməklə və
mütərəqqi yanaşmaları və ən əlverişli təcrübələri
mənimsəməklə adaptasiya olunmalıdır.
Azərbaycan Mikro-maliyyə assosiasiyasının
təşkil etdiyi İllik konfrans (6-7 oktyabr, 2016-cı il)
“Üfüqdə yeni imkanlar: çətinlikləri imkanlara
çevirək” adlı beynəlxalq mikro-maliyyə konfransı
Bakıda 6-7 oktyabr 2016-cı ildə keçirilmişdir. PAŞA
Bank tədbirin əsas sponsoru idi.
Konfrans iştirakçıları bir sıra aspektləri, o
cümlədən Azərbaycanın mikro-maliyyə bazarında
dayanıqlı kreditləşmə və məsuliyyətli borc alma,
uzun müddətli əmanətlər və investisiyalar ilə
bağlı maliyyə maarifləndirilməsi, kiçik fermerlərin
ehtiyaclarını təmin etmək üçün innovativ kənd
təsərrüfatı alətlərinin müəyyən edilməsi, maliyyə
təşkilatlarında qiymətlərin müəyyən edilməsi
siyasətinin optimallaşdırılması, rəqəmsal inqilab və
sair oxşar məsələləri müzakirə etmişdir.
PAŞA Bankın Baş kommersiya inzibatçısı
Melih Mengu konfransda spiker qismində çıxış
etmiş və iştirakçıların nəzərinə çatdırmışdır ki, PAŞA
Bank korporativ və private banking seqmentlərinə
geniş çeşidli maliyyə xidmətləri təmin edən
və şəffaf biznes prinsiplərinə riayət edən lider
təşkilatlardan biridir. 2016-cı ildə PAŞA Bank mikro-
maliyyələşdirmə üçün 70 milyon manat həcmində
vəsait ayırmışdır.
Bu tədbirdə təxminən 130 nümayəndə iştirak
etmişdir. İştirakçılar sırasına Türkiyə, ABŞ, Almaniya,
Rusiya, Qazaxıstan, Ukrayna, Bolqarıstan və
İtaliyadan bir sıra beynəlxalq və yerli investisiya
firmalarından və xidmət təminatçılarından mikro-
maliyyə və ixtisaslı maliyyə ekspertləri daxil idi.
ABŞ-Azərbaycan Biznes forumu (1 dekabr
2016-cı il)
Azərbaycandakı Amerika Ticarət Palatası
PAŞA Bank ilə tərəfdaşlıqda və bankın maliyyə
dəstəyi ilə ilk Azərbaycan-ABŞ biznes forumuna
ev sahibliyi etmişdir. Forumun məqsədi iki ölkə
arasında biznes münasibətlərini yaxşılaşdırmaq
üçün Azərbaycanı, onun iqtisadiyyatını və
imkanlarını Amerikan şirkətlərinə təqdim etmək idi.
Azərbaycan və ABŞ-dan hökumət, elmi icma
və sənaye təmsilçiləri Azərbaycanda iş fəaliyyəti,
investisiya imkanları və özəlləşdirmə aspektlərini
əhatə edən təqdimatlar təqdim etdilər. Forum
çərçivəsində həmçinin Azərbaycandakı Amerika
Ticarət Palatası və Azərbaycan Dövlət Gömrük
komitəsi arasında yaşıl dəhlizin və AmCham üzvləri
üçün gömrük sərhədlərindən mal və nəqliyyat
vasitələrinin daşınması üçün digər nəzarət-buraxılış
sistemlərinin istifadəsi üzrə əməkdaşlıq və təşviqata
dair Anlaşma memorandumu imzalanmışdır.
Tədbir çərçivəsində Bank və Maliyyə, Enerji
və Sənaye, Kiber təhlükəsizlik və E-ticarət, Kənd
təsərrüfatı və ticarət və Nəqliyyat aspektlərinə
dair sessiyalar da təşkil edilmişdir. Konfransdan
sonra B2B toplantılar keçirilmişdir. Honeywell,
International Development of Reinke, AGCO
Corporation, John Deere, Commercial Airplanes
Boeing və TERA International Group Inc. kimi
tanınmış amerikan şirkətlərinin nümayəndələri
bu tədbirdə iştirak etmək üçün Azərbaycana səfər
etmişdir.
PAŞA Bankın 2016-cı il üzrə fəaliyyətinə dair İllik hesabat