Ü M U M İ D İ L Ç İ L İ K – I I C İ L D
44
5. German dilləri qrupu
Bu dil qrupu iki yarımqrupa bölünür: qərb yarımqru-
pu, şimal yarımqrupu.
1. German dillərinin qərb yarımqrupuna
alman, ingi-
lis, holland və fris dilləri daxildir.
1)
Alman dili. Almaniyanın, Avstriyanın, İsveçrənin döv-
lət dilidir. Alman dilinin iki ləhcəsi vardır:
a)
Yuxarı alman ləhcəsi, yaxud dili.
b)
Aşağı alman ləhcəsi, yaxud dili.
Bu ləhcələr bir-birindən çox fərqləndiyi üçün onlara
dil də deyilir. Yuxarı alman ləhcəsinin – dilinin bir çox
dialekti vardır. Ən başlıcaları bunlardır: frank, bavar,
aleman, şvab dialekti. Alman ədəbi dili yuxarı alman
dili əsasında formalaşmışdır. Bu dilin yazılı abidəsi VIII
əsrə aiddir. Aşağı alman dilinin yazılı
abidəsi IX əsrə
məxsusdur.
Alman yazısı latın qrafikası əsasındadır. Bunun iki
forması vardır: qot forması, antikva forması.
2)
İngilis dili qədim german tayfalarının dillərindən ya-
ranmışdır. Belə ki, V–VI
əsrlərdə müasir Şlezviq və
Cənubi Danimarka ərazisindən anql, saks və yut tay-
faları Britaniya adasına köçmüş və orada məskunlaş-
mışlar. Həmin tayfaların dili əsasında anqlo-sakson
dili meydana çıxmışdır. Bu dilə əvvəlcə Danimarka,
sonra isə fransız dili uzunmüddətli təsir göstərmişdir.
Hər iki dilin güclü təsiri altında get-gedə ingilis dili
formalaşmışdır.
İngilis dilinin inkişaf tarixinin üç dövrü vardır:
a)
Qədim ingilis dili, yaxud anqlo-sakson dili V–XI əsrlərdə.
b)
Orta ingilis dili – XI–XVI əsrlərdə.
c)
Yeni ingilis dili – XVI əsrdən.
London dialekti əsasında formalaşan ingilis ədəbi di-
linin tarixi XVI əsrdən başlayır.
Ü M U M İ D İ L Ç İ L İ K – I I C İ L D
45
Müasir ingilis dili german dillərindən ən çox yayıl-
mışıdır. Bunun Britaniya və Amerika variantları vardır.
Bu dil İngiltərədə, ABŞ-da və bir sıra başqa ölkələrdə
dövlət dilidir. Bundan beynəlxalq aləmdə də geniş istifa-
də olunur.
3)
Holland, yaxud Niderland dili. Niderlandın dövlət dili-
dir. Bu dildən Belçikanın flamand hissəsində də rəsmi
dil kimi istifadə olunur.
Holland dilinin bir neçə dialekti vardır. Bunların ən
başlıcası brabant, limburq və
holland dialekti hesab olu-
nur. Bu dilin yazılı abidəsi XII əsrə aiddir. Yazı sistemi latın
qrafikası üzərində qurulmuşdur.
4)
Fris dili Almaniya və Hollandiyanın bəzi ərazilərində iş-
lənilir. Bu dilin başlıca üç dialekti vardır:
a)
Şimali fris dialekti (Amrum, Silt, Fer, Xelqoland ada-
ları və Şlezviq);
b)
Şərqi fris dialekti (Vanqeroq adası);
c)
Qərbi fris dialekti (Frisland adası). XX əsrdə bu dia-
lekt əsasında fris ədəbi dili formalaşmışdır.
Fris dilinin yazılı abidəsi XIII əsrdən məlumdur.
Dostları ilə paylaş: