44
SƏDNİK PAŞA PİRSULTANLI -80
TƏBRİKLƏR
“Saz nəfəsli şeirlərim” kitabı ilə tanışlıq.
Yurd, el-oba sevgisi hər bir insanın qəlbində yaşamalı, onun isti-soyuğuna
dözməli, keçdiyi həyat yolunda silinməz izlər qoyub getməyi bacarmalıdır.
Mənə belə gəlir ki, Sədnik müəllimdə yuxarıda dediyimiz keyfiyyətlərin bir
çoxu yox, hamısı cəmlənmişdir.
Vaxti ilə demişdim:
Qayaları dələrəm,
Cığırınla gələrəm,
Vətən deyib ölərəm,
Telli saz görünəndə.
(Qasım Qırxqızlı)
Həqiqətən də belədir. Saz elə bir çalğı alətidir ki, onun sehri-məhəbbətinin
orbitindən çıxmaq çox çətindir. Respublikamız müstəqillik qazandıqdan sonra
bayağı mahnılara elə aludə olduq ki, əsil xalq musiqi alətlərimiz, tar, saz,
balaban, qara zurna yaddan çıxdı. Həqiqətən də bizim xalq çalğı alətlərimizin
heç bir əvəzi yoxdur. Əfsuslar olsun ki, biganəliyimizin ucbatından bir çox milli
dəyərlərimizi itirə-itirə gedirik. Çox şükürlər olsun ki, Sədnik müəllim kimi
“odqoruyanlarımız” vardır. Çünki onun şeirləri saz nəfəsli, təbii boyalarla
bəzədilmiş, öz xislətinə uyğun xalq dili və ruhunda yazılmışdır. Buna görə də
qələmindən çıxan şeirlər şirin avazla oxunur və əbədi olaraq yaddaşlara həkk
olur. Çünki bu şeirlər xalq poeziyasından cilalanıb və rişələnibdir.
Sədnik müəllimin şeirlərində qəlb inamından, insana, gözəlliyə
vurğunluqdan irəli gələn bir çox məqamlar vardır. “Saz nəfəsli şeirlərim”
kitabının I bölümü “Könlümün tərcümanı saz” ilə başlayır. “Bəri” şeirində
deyilir:
Söylə tarixini, a telli sazım,
Sən varsan, Harutdan, Marutdan bəri.
Sənin ilk səsini Musa eşitmiş,
Gəzmisən Dəclədən Fəratdan bəri.
“Aşıq” şeirində aşığa, onun sənətinə yüksək qiymət verilir.
Sazınla ucalır sözün şöhrəti,
Şair yazır, aşıq verir zinəti,
Qəlbində el ruhu, el məhəbbəti,
Hər sözü tarixdə yadigar aşıq.
Həqiqətən də belədir. Sazla deyilən söz Dədə Qorquddan, Aşıq Abbas
Tufarqanlıdan, Xəstə Qasımdan, Yunis İmrədən, Dədə Ələsgərdən, Dədə
45
SƏDNİK PAŞA PİRSULTANLI -80
TƏBRİKLƏR
Şəmşirdən yadigar qalaraq insan hisslərini silkələməyi, onun qəlbində tufan
qoparmağı, tüğyan etməyi bacarır.
“Bir çiçək də vətəndi” deyən şair incə hisslərə qapılır, bir çiçəyi vətənə
bənzədir, onu oxşaya-oxşaya sevməyi tövsiyə edir.
Sevmişəm könül vermişəm,
Zövq alıb, səfa sürmüşəm,
A Sədnik, vəfa görmüşəm,
Sonasında bu dağların.
Sinəsi çalın-çarpaz olan dağlar Sədnik müəllimin də sinəsini hər an
yandırır, onu vəsf etməkdən yorulmur, üzünü soyuq daşına, otuna, gülünə-
çiçəyinə sürtərək, uyumaq istəyir dağ qucağında.
Can atır göylərə o məğrur başın,
Ağrıdır, Şahdağdır, çoxdur qardaşın.
Vətənə keşikçi sənin hər daşın,
Bu xalqın əyilməz bir oğlusan sən.
Şair böyük ustalıqla dağları, onun hər daşının vətənə keşikçi olmasını
poetik dildə tərənnüm edir.
Həyatda təbiəti sevən insanlar çoxdur. Hər təbiəti sevəndən şair olmaz.
Şair olmaq üçün gərək təbiətlə təbiətin dili ilə danışmağı bacarasan, onu
sevəsən, oxşayasan, ruhun, qəlbin təbiətlə bağlı ola. Bu qəlb çırpıntıları Sədnik
Pirsultanlının şeirlərində özünü açıqcasına biruzə verir. Dağları Tanrının
möcüzəsi, səddi adlandırır.
“A dağlar” şeirindən:
A Sədnik, başından leysanlar töküb,
Qayalardan ona daş hasar çəkib,
Ç in səddini insan əlləri tikib,
Səninkidi Tanrı səddi, a dağlar.
Öz sevgisini çəməndə, güldə, çiçəkdə tapan şair “Bənövşə” şeirində öz
dərdini bənövşənin dərdi ilə eyniləşdirir, maraqlı təzad yaradır.
Neynəyim ki, mən də yara dərdimi,
Sənin kimi tez açmışam, bənövşə.
Sən nələr çəkmisən bütün el bilir,
Mən dərdimi az açmışam, bənövşə.
46
SƏDNİK PAŞA PİRSULTANLI -80
TƏBRİKLƏR
Dərdini bənövşədən tez açdığına görə ürəyində gəzdirdiyi dərdi ona əzab
verir.
Yuxarıda dediyimiz kimi həqiqətən Sədnik müəllim gözəllik aşiqidir. Onun
bu aşiqliyə mənəvi haqqı çatır.
“Dağlar gözəli” şeirini böyük həssaslıqla qələmə alaraq deyir:
Sədnik onu gördü sevdaya düşdü,
Yandı eşq oduna Kərəmi keçdi,
Yüz gözəl içindən tək onu seçdi,
Köksündə ürəkdi, dağlar gözəli.
O, bu şeirində öz ülvü sevgisini Kərəmin sevgisindən də yüksəkdə tutur,
onu ülvi, müqəddəs adlandırır.
“Səfərlər” rubrikası altında verdiyi şeirlərində vətəni qarış-qarış gəzir, onun
gözəlliyi, bakirəliyi qarşısında baş əyir, səcdə qılır. Dağıstanda olarkən yazdığı
şeir ibrətamiz və tarixi baxımdan çox əhəmiyyətlidir. Dağıstanın itkin düşməsi,
əlimizdən alınması onu yanım-yanım yandırır.
“Gəlmişəm” şeirində yazır:
Bu dağlarda itkin düşüb qardaşı,
Abdaloğlu az tökməyib göz yaşı,
Vətənə sarı əyilib o başdaşı,
Qibləsinə döndərməyə gəlmişəm.
Hörmətli Sədnik müəllim. Sizi başa düşürük. Qibləsindən üz döndərən
məzar daşını elə çevirməyiblər ki, sən onu düzəldəsən. “Düzəlməz, nə də
düzələsi deyildir”.
Aşıq qızlara yazdığı şeirlərdə də poetik tapıntılar çoxdur. Mikayıl Azaflının
qızı Aşıq Gülarəyə yazdığı şeirdə Gülarənin avazının gəlməməsinə dözə bilmir,
qəmini, kədərini dağa söyləməyi, dağa göndərməyi tövsiyə edir. Bilir ki, dağ
dərdini, ancaq dağ çəkə bilər:
Ay Gülarə, sazın niyə inləyir,
Hardan alıb bu kədəri, bu qəmi?
Hanı sənin şən avazın, ay zalım,
Dözəmmədim yaş götürdü didəmi,
Dağa söylə, dağa göndər bu qəmi.
Buludun göz yaşlarına da dözə bilmir şair ürəyi. Buludla həmahəng olub,
o, da göz yaşı tökmək istəyir.
Dostları ilə paylaş: |