Jumistin’ orinlaniwi: 100ml distillengen suwdi qaynag’ansha qizdiriladi. Son’ qaynag’an suwg’a tamshilatip 5-10ml FeCl3 tin’ 2% li eritpesi qosiladi. Na’tiyjede intensiv qizil-qon’ir ren’li temir (III)-gidroksidi kolloid eritpesi alinadi.
7-ta’jiriybq. Ku’kirt zolin oksidlew yoli menen aliw
Kislorod ja’rdeminde (yaki SO2 ja’rdeminde) vodorod sulfidti oksidlep ku’lirt zolin aliw mu’mkin:
2 H2S + SO2 → 3S + 2 H2O
A’melde ku’kirt zolin natriy tiosulfat eritpesinen aliw qolay:
Na2S2O3 + H2SO4 → S + SO2 + Na2SO4 + H2O
Jumistin’ orinlaniwi: 30ml suwda 50g tiosulfat kristalli eritiledi. 300ml stakang’a 38ml kontsentrlengen sulfat kislota alip oni jaqsi maydalang’an muz bo`lekshelerine jaylastiriladi. Og’an aralastirip turg’an halda, tamshilatip voronka ja’rdeminde tiosulfat eritpesi qosiladi. (Isti morili shkafta bejeriw kerek!). Reaktsiya na’tiyjesinde ashiq –sari ren’li qoyiw massa payda boladi. Bug’an 100ml suw quyip, oni aralastirip turg’an halda suw banyasinda qizdiriladi. Bunday jag’daydi 30-60 minut dawaminda bejeriw qerek. Aling’an sut ta’rizli aq ren’li ku’kirt zoli suwitilip, paxta arqali filtrlep alinadi. Bunday haldag’i zol artiqsha mug’darda sulfat kislota ha’m natriy tiosulfat elektrolitlerin o`zinde saqlaydi. Olardi ajiratip taslaw maqsetinde, natriy xloridten ibarat toying’an eritpe menen koagulyatsiya qilinadi (sho`ktiriledi). Aling’an sho`kpe, toliq tindirilg’an son’, suyiqliqtan ajiratiladi. Bunin’ ushin sho`kpe filtr qag`azlari arasina alinip siqiladi. Son’ distillengen suw menen peptizatsiyag’a ushratiladi. Suwda erimegen bo’legi ajiratiladi, yag`niy zol basqa stakang’a ko`shiriledi. Bunday usilda aling’an ku’kirttin’ kolloid eritpesi joqari disperslikke iye.
Dostları ilə paylaş: |