8
-ta’jiriybe. Jelatina zolin dializ usilinda tazalaw
Dializ ushin, a’dette, kollodiy pardeden yag`niy nitrotsellyulozadan yaki tsellofandan paydalaniladi. Onin’ menen bir qatarda jasalma yarimo`tkizgishler isletiledi. Sebebi perde, diywal tesiklerin qa’legen (20–30 nm) ko’lemde tayarlaw mu’mkin boladi (su’wret).
Su’wret. Dializator: 1-voronka; 2-yarim o`tkizgish perde; 3-shiyshe idis; 4-suw o`tiwi ushin trubka; 5-suwdi to`giw trubkasi; 6-avtomatik sifon.
Jumistin’ orinlaniwi: Dializ a’sbabina yaki kollodiydan ibarat qaltashag’a jelatinanin’ 1% li eritpesin quyi[, og’an az mig’darda, natriy xlorid qosqan halda, olardi distillengen suwg’a tu’siriledi. 2 saat waqit o`tkennen keyin, sirtqi qabattag’i suwdan xlorid ionlarina, gu’mus nitrat ja’rdeminde sifatiy reaktsiya o`tkeriledi. Bunda, jelatina bar yaki joq ekenligi 10% li tannin eritpesi menen ha’m aniqlaw mu’mkin. Jelatina ha’m tannin aralaspasi o`zine ta’n ren’ beredi. Son’, u’lgi aliw ha’r yarim saattan bejerip bariladi ha’m ta’jiriybe na’tiyjesi jazip bariladi.
9-ta’jiriybe. Kraxmal zolin dializ usilinda tazalaw
Jumistin’ orinlaniwi: 2 gr kraxmaldi texnik ta’rezide tartip alip, oni farfor kesede 5 –10 ml suw menen shiyshe tayaqsha ja’rdeminde jaqsilap aralastiriladi. Bul aralaspani tezde qaynap turg’an 100 ml distillengen suwg’a quyiladi. Aralastirilip kraxmal zoli alinadi. Bul aling’an zolge 1M K2SO4 tin’ eritpesi qosiladi ha’m olar kollodiy qaltashasina o`tkerilip suwg’a batiriladi. 30 –60 minuttan keyin dializatordan suyiqliq alip SO42– ha’m kraxmalg’a sipat reaktsiyasi o`tkeriledi.
10-ta’jiriybe. Temir(ІІІ) gidroksidi zolin dializ usilinda tazalaw
Jumistin’ orinlaniwi: Dializator yaki kollodiy qaltashasina temir (ІІІ)-gidroksidinin’ kolloid eritpesin salip olardi distillengen suwg’a batirip qoyiladi. Ha’r 30 minuttan qaltashani orap turg’an suyiqliqta xlorid ionlari bar yaki joq ekenligi tekseriledi. Bunda xlorid ionlarinin’ (sipat) kemeyiwi ha’m kolloid eritpeni o`zgeriwi gu’zetiledi.
Dostları ilə paylaş: |
