Əbədiyyət yolçuları
115
ƏFLATUN NOVRUZOV
(1976-1996)
Novruzov Əflatun Ulduzxan oğlu
- 1976-cı ildə Lerik qəsəbəsində
anadan olub. 1983-cü ildə Lerik
qəsəbə natamam orta məktəbinin
birinci sinfinə daxil olub, 1991-cı
ildə həmin məktəbin səkkizinci sinfini bitirib. 1991-93-cü
illərdə Lerik qəsəbə 1 saylı məktəbdə orta təhsilini başa vurub.
Orta məktəbi bitirdikdən sonra 1994-cü ilin aprel ayın-
da Lerik rayon Hərbi komissarlığı tərəfindən həqiqi hərbi
xidmətə çağrılan Əflatun Novruzov Milli ordu sıralarına yola
salınır. Xidmətinin ilk üç ayını Badamdar qəsəbəsində yerləşən
hərbi hissədə başa vurduqdan sonra Fizuli rayonuna gön-
dərilib.
Fizuli rayonunda xidmətə başlayan Əflatun sərhədlə-
rimizin qorunmasında ayıq-sayıq dayanmış, dəfələrlə düşmən
həmlələrinin qarşısını alaraq igidliklər göstərmişdir.
Əflatun Novruzov 02 dekabr 1996-cı ildə Fizuli rayo-
nunun Alıxanlı kəndində yerləşən Haramı düzündə xidməti
borcunu yerinə yetirərkən düşmən gülləsinə tuş
gələrək qəh-
rəmancasına şəhid olub. Şəhidin cənazəsi doğulduğu rayo-
na gətirilərək torpağa tapşırılıb.
Lerikin mərkəzi küçələrindən biri Novruzov Əflatun
Ulduzxan oğlunun adını daşıyır.
Əbədiyyət yolçuları
116
ELÇİN MİRİŞOV
(1976-1994)
Mirişov Elçin Vaqif oğlu –
13 fevral 1976-cı ildə Lerik rayo-
nunun
Davidonu kəndində
anadan
olub. 1983-cü ildə Davidonu kənd
əsas məktəbinin birinci sinfinə
daxil olub, 1993-cü ildə həmin məktəbin onuncu sinfini bitirib.
Orta məktəbi bitirdikdən sonra əsgərlik yaşının tamam
olmasına baxmayaraq vaxtından əvvəl Lerik rayon Hərbi ko-
missarlığına gedərək cəbhəyə getmək üçün müraciət etmiş,
komissarlıq bu vətənpərvər gəncin istəyini nəzərə alaraq onu
Milli ordu sıralarına yola salmışdır.
Elçin Mirişov Pirəkəşküldə hərbi təlim keçdikdən sonra
Geranboy-Tərtər cəbhəsinə göndərilir. Hərbi hissədə təlimlər
zamanı sərrast atıcılığı ilə komandirlərin diqqətini cəlb edir və
snayper silahı ona etibar edilir.
Qrxmazlığı və döyüş bacarığı ilə seçilən Elçin ən qaynar
döyüş nöqtələrində düşmənə sarsıdıcı zərbələr endirərək onla-
rın çox sayda canlı qüvvəsini məhv edir.
Elçin Mirişov 08 dekabr 1997-ci ildə xidməti müddə-
tinin bitməsinə bir ay qalmış düşmən gülləsinə tuş gələrək
qəhrəmancasına şəhid olur. Şəhidin cənazəsi doğulduğu
kəndə gətirilərək şərəflə dəfn olunur.