45
• II fəsil •
İqlim və onun təsərrüfatda rolu
•
2
Müzakirə edin:
1. A məntəqəsində dayanan müşahidəçi martın 21-də səhər Günəşin çıxmasını
üfüqün hansı istiqamətində görür?
2. B məntəqəsində dayanan müşahidəçi yaz gecə-gündüz bərabərliyində Günəşin
batmasını hansı istiqamətdə görür?
• Gün ərzində obyektlərin kölgə istiqamətlərinin dəyişməsi. Obyektlərin kölgəsi günəş işığının
əks tərəfində düşür.
Şimal yarımkürəsində yerləşən Bakı şəhərində 21 martda səhər saat 10
00
-da Günəş üfüqün cənub-
şərq tərəfində görünür. Bu zaman obyektərin kölgəsi şimal-qərbə düşür.
Günorta Günəş cənubda
göründüyü vaxt obyektlərin kölgəsi şimala tərəf olur, günortadan sonra isə, məsələn, saat 16
00
-da
Günəş cənub-qərbdə olduğu vaxt kölgələr şimal-şərqə düşür.
• Gündüzün ilk və son saatlarında ən uzun, günorta vaxtı isə ən qısa (Günəşin baş üzərində olduğu
enlikdə isə kölgə olmur) kölgə olur. Kölgələrin uzunluğunun gün ərzində dəyişməsi kənd təsər-
rüfatının, xüsusilə də əkinçiliyin ərazi təşkilində nəzərə alınır: meyvə bağlarında ağacların arala-
rındakı məsafə, üzüm plantasiyalarında tənəklərin sıralarının istiqaməti və s. Binalarda pəncərə və
eyvanlara günəş işığının düşməsi tikililərin layihələrinə qoyulan əsas tələblərdən biridir.
• Kölgə uzunluğunun dəyişməsinin diaqram və qrafiklə təsvir edilməsi
Martın 21-də günorta Günəş ekvator xətti üzərində zenit vəziyyətində olur.
Həmin gün
yaz gecə-gündüz bərabərliyi günü adlanır. Bu gün Yer kürəsinin Şimal
və Cənub yarımkürələri bərabər miqdarda işıq və istilik alır.
Yaz gecə-gündüz bərabərliyi günündən sonra Günəş Şimal yarımkürəsinə “ke-
çir”. 90 gündən sonra – iyunun 22-də günorta Günəş 23,5° şm.e. dairəsi üzərində
zenitdə olur. Bu gün
yay gündönümü günü adlanır. Şimal yarımkürəsi daha çox
istilik və işıq alır, obyektlərin kölgəsinin uzunluğu minimuma çatır, ən uzun gün-
düzlər müşahidə olunur. Şimal qütb dairəsindən (66,5° şm.e.) Şimal qütbünə (90°
şm.e.) qədər olan ərazilərdə isə günəş batmır, 24 saat işıqlı olur və
qütb gündüzləri
müşahidə olunur. Lakin bu ərazilərdə günəş şüalarının düşmə bucağı kiçik olduğuna
görə havanın temperaturu aşağı olur. Yay fəsli Şimal yarımkürəsində təsərrüfat
işlərinin aktivləşməsi ilə səciyyələnir.
Günorta
Səhər
Axşam
A
B
Günəş – Şm-Ş
kölgə – C-Q
Günəş – Şm-Q
kölgə – C-Ş
Günəş – Şm
kölgə – C
46
Yay gündönümü günündə Cənub yarımkürəsi zəif işıqlanır, daha az istilik alır, ob-
yektlərin kölgəsinin uzunluğu maksimuma çatır. Cənub qütb dairəsindən (66,5° c.e.)
cənuba doğru (90° c.e.) isə
qütb gecələri müşahidə edilir.
Yay gündönümündən sonra Günəş yenidən ekvatora doğru yönəlir.
Payız gecə-
gündüz bərabərliyi günündə, yəni sentyabrın 23-də, Günəş, martın 21-də
olduğu ki-
mi, ekvator xətti üzərində zenit vəziyyətində olur.
Sentyabrın 23-dən başlayaraq Yer kürəsi fəzada elə bir vəziyyət alır ki, günəş
şüaları Cənub yarımkürəsini daha çox işıqlandırır. Yerin Cənub qütb ucu Günəşə
tərəf çevrilir. Dekabrın 22-də bütün gün ərzində Günəş Cənub tropik xətt üzərində
zenit vəziyyətində olur.
Qış gündönümü adlanan bu gündə Cənub yarımkürəsi daha
çox istilik alır, ən uzun gündüzlər müşahidə olunur. Cənub qütb dairəsindən cənubda
isə qütb gündüzləri baş verir.
Günəş şüalarının Yer səthinə düşmə bucağı
relyefdən də asılıdır. Günəşin düşmə
bucağı dağlıq ərazilərdə ətraf düzənliklərdən fərqli olur. Hətta eyni dağın müxtəlif
yamacları da Günəşdən fərqli miqdarda işıq və istilik alır. Şimal yarımkürəsində
dağların cənub yamaclarına düşən Günəş şüalarının bucağı şimal yamaclarından
daha böyük olur. Ona görə də cənub yamaclar daha çox işıq və istilik alır. Dağlıq
ərazilərdə təbii komponentlər, əhalinin məskunlaşması və təsərrüfatın ərazi təşkili
yamacların istiqamətindən asılı olaraq fərqli olur.
Günəş şüalarının düşmə bucağı yamacın
meyilliyindən də asılıdır. Bunu təyin
etmək üçün məntəqənin günəşə görə mövqeyini, Günəş şüalarının düşmə bucağını,
yamacın istiqamətini və yamacın meyilliyini bilmək lazımdır. Dağın yamacı cənuba
baxırsa, günəş şüalarının düşmə bucağı ilə yamacın meyillik bucağı toplanır. Günəş
məntəqədən cənubda olub yamac şimala baxırsa, Günəşin düşmə bucağından yama-
cın meyillik bucağı çıxılır.
Məsələ həllinə aid nümunə: 50
°
şm.e-də yerləşən dağın cənub istiqamətə meyilliyi 14°-dir.
22 iyunda bu yamacda günəş şüalarının düşmə bucağını hesablayın.
Həlli: 1. Verilən məntəqədə 22 iyunda günəş şüalarının düşdüyü bucaq düsturla
(90° – f + 23,5°) təyin edilir: 90° – 50° + 23,5° = 63,5°
2. Günəş məntəqədən cənubda olduğuna görə müəyyən edilmiş günəş şüalarının
düşmə bucağı yamacın meyilliyi ilə toplanılır: 63,5° + 14 = 77,5°
Şəkildə təsvir edilən dağ 40° şimal
en dairəsində yerləşir və günün gü-
norta vaxtıdır.
Müzakirə edin:
1. A və B nöqtələri müvafiq olaraq
dağın hansı yamacında yerləşir?
2. Hansı yamacda yazda qar örtüyü
daha tez əriyir?
Şəkil üzrə iş
B
A
47
• II fəsil •
İqlim və onun təsərrüfatda rolu
•
2
1. Sentyabrın 23-də verilən şəhərlərdə vaxta uyğun olaraq Günəşin göründüyü və köl-
gələrin düşdüyü istiqaməti müəyyən edin:
Günün vaxtı
Şəhərlər
Saat 10:00
Saat 12:00
Saat 16:00
Günəş
Kölgə
Günəş
Kölgə
Günəş
Kölgə
Bakı
Sidney
İstanbul
Qahirə
Braziliya
2. 30° şm.e.-də yerləşən və istiqaməti cənuba doğru olan dağ yamacının meyilliyi 9°-dir. Yaz
gecə-gündüz bərabərliyi günündə günorta vaxtı yamacda günəş şüalarının düşmə
bucağını hesablayın.
3. 50° şm.e.-də yerləşən dağın cənuba istiqamətdə 12° meyilliyə malik olan yamacında 22
iyun günündə günəş şüalarının düşmə bucağını hesablayın.
Biliklərin tətbiq edilməsi və yoxlanılması
Xəritə-sxem üzrə iş
1. Hansı məntəqələrdə Günəş zenitdə ola bilər?
2. Yay gündönümündə hansı məntəqələrdə günəş şüalarının düşmə bucağı 0° olar?
3. Qış gündönümündə günorta vaxtı D məntəqəsində günəş şüalarının düşmə bucağı ne-
çə dərəcədir?
4. Payız gecə-gündüz bərabərliyi günündə günəş şüalarının ən kiçik bucaqda göründüyü
nöqtə hansıdır?
5. Günəş D məntəqəsində zenitdə olduğu vaxt C məntəqəsində hansı bucaqda görünür?
A
C
K
D
B
L
Münasib olan açıq bir yerdə 1 metrlik dirək basdırın.
Kölgənin uzunluğunun gün ərzində dəyişməsinə aid
coğrafi informasiyanı aşağıdakı üsullarla toplayın:
1. Səhər saat 08
00
-dan axşam 18
00
-dək 2
saatdan bir olmaqla
dirəyin kölgəsinin uzunluğunu ölçün və dəftərinizə yazın.
2. Dirək və kölgənin fotoşəklini çəkin.
3. Dirək və kölgəni sxematik təsvir edin.
Dərsdən sonra
Alınan məlumatları
fotoşəkil, sxem,
cədvəl, diaqram və
qrafik
formalarda
təqdim edin.