|
Ziyonet docTarixiy xotirani tiklash va yangi tarixni yaratishKitob 5346 uzsmart.uzTarixiy xotirani tiklash va yangi tarixni yaratish
Yangi tarixiy davr ma’rifat davri, ma’rifatlilik davri sifatida vujudga
kelmoqda. Istiqlol g’oyalari asosida bosh islohotchilik vazifasini bajarayotgan
davlat odamlar ongi va tafakkurida tub burilishlar yasash, har qanday islohotlarni
fuqarolar ongi, tafakkuri va qalbi orqali o’tkazish yo’lini tanladi. Ana shu yo’l
odamlarning o’gmishga, bugunga va kelajakka munosabatlarini o’zgartirish,
muayyan mafaatlarga yondashish psixologiyasini yangilash orqali asta-sekinlik
bilan ularni ma’rifatli, komil inson qilib voyaga etkazishga olib boradi.
Fuqarolarning ma’rifatliligi orqali ma’rifatli jamiyat barpo etiladi.
Tarixiy tafakkur va tarix falsafasi ma’rifatli jamiyat qurishning muhim omili
bo’lib xizmat qiladi. Zotan, o’tmishni anglash, uni to’g’ri tushunish orqali
kishilar ongi va ruhiyatida jidtsiy o’zgarishlar yasashga, shu orqali hayotni,
turmush tarzini, oxir-oqibatda esa jamiyatni ma’naviy isloh qilishga erishiladi.
Buni nimalarda ko’rish mumkin?
Birinchidan,
tarixni anglash orqali hayotni anglash, insonning insonligini
anglash qobiliyati shakllanadi.
Ikkinchidan,
tarixiy tafakkur va tarix falsafasi orqali bugungi hayot
mazmuni chuqurroq tushuniladi va istiqbolni ko’rish falsafasi dunyoga keladi.
Bu har bir insonning o’ziga xos tafakkur tarzini shakllantirish orqali shaxs
sifatidagi fenomenini vujudga keltirishga, fe’latvorining shakllanishiga xizmat
qiladi.
Uchinchidan,
tarixni o’rganish orqali mustamlakachilik ta’sirida va
kommunistik zo’ravonlik mafkurasi natijasvda o’zligini yo’qotgan, o’z qadru
qimmatini butkul unutgan fuqaroni uyg’onishga, o’zligini anglashga, o’z haq-
huquqini himoya qila oladigan barkamol shaxs sifatida shakllanishga da’vat
etadi.
To’rtinchidan,
ajdodlari buyuk bo’lgan, jahon tsivilizatsiyasi va insoniyat
taraqqiyotiga juda katta hissa qo’shgan madaniyatga daxldor fuqaro qalbida
o’tmishini o’rganish orqali milliy g’ururining uyg’onishi mamlakat mustaqil
taraqqiyot yo’lini tanlagan bir paytda katta ijtimoiy-ma’naviy qudrat va ulkan
siyosiy iroda kuchi bo’lib xizmat qiladi. Ana shu anglash jarayoni insonning o’zini
o’zi yangilashiga, o’zini o’zi ma’naviy tozalashiga, o’zini o’zi isloh qilishiga olib
keladi.
Dostları ilə paylaş: |
|
|