41
Hələ illər qalsa da, bir-birimizdən xəbərsiz artıq Tiflisə qayıtmaq
barədə, daha doğrusu, yolpulu tapmaq haqqında düşünürdük.
David hər şeyi atasına yerli-yataqlı yazmışdı, altı aydan çox
idi ki, Tiflisə getmək fikrinə düşmüş bir Allah bəndəsi axta-
rırdı. Madam Qrenyönün yolsuz qardaşının ucbatından düş-
düyü bu cür vəziyyət ürəyimi ağrıdırdı. Onun üzümüzə baxa
bilmədiyini, gizlicə əzab çəkdiyini, get-gedə solub-qocaldığını
sezirdim, amma qeyri-adi iradəsi hesabına ayaq üstdə qalmağı
bacarırdı. Görünür, ona daha çox əziyyət verən on il ərzində
Görgü ağanın evində gördüyü hörmət, bunun müqabilində qar-
daşının yolsuzluğu ucbatından üzləşdiyi vəziyyət idi. Üstüör-
tülü də olsa, ona ürək-dirək verməyə çalışır, qayğımızı büruzə
verməməyə can atırdıq.
41. Madam Qrenyöylə söhbətlərim mənə pansiondakı dərs-
lərimdən də çox bilgi verirdi. O, taxt-tacda olan on dördüncü
Lüdovikin sülaləsindən, kraliça Anna Avstriyalıdan, kardinallar
Rişelyö və Mazarinidən, isveçlər, ispanlar, hollandlarla aparılan
savaşlardan, o məqamda davam eləyən Pfals mirası uğrunda
savaşdan danışırdı. Amma mən sənətdən söhbət eləməsini daha
çox istəyirdim. O vaxtlar Parisin həyatında sanballı yer tutan
Jan-Batist Molyeri, Jan dö Lafonteni, Jan Rasini, Pyer Korne-
li, hersoq dö Laroşfukonu mənə madam Qrenyö tanıtdı, onun
sayəsində Davidlə birgə Molyerin fırıldaqçı, arvadbaz Don Juan
barəsində tamaşasına baxdım, Lafontenin təmsillərini, Laroşfu-
konun hikmətli kəlamlarını oxudum. Parisə gəldiyimizin, səhv
eləmirəmsə, səkkizinci ilinin (miladi 1695-ci il) bir yaz günündə
Lafontenin dəfnində iştirak elədim. Madam Qrenyö ad günümdə
– iyirmi yaşım tamam olanda mənə hersoq de Laroşfukonun
hikmətli kəlamları toplanmış kitabının 1665-ci il çapını bağış-
lamışdı, o kitab indi də sandığımdakı əlyazma kitabların ara-
sındadı. Madam Qrenyö məni kitab basılan yerə aparmışdı,
sonralar İstanbulda, Təbrizdə, Qəzvində, İsfahanda xəttatların
necə işlədiklərini görəndə dönə-dönə o iri qurğuları, dəmirdən
kəsilmiş hürufatı, qurğuşun qoxusunu xatırlamışdım. Madam
Qrenyönün sayəsində ilk dəfə Nəbatat bağına getdim, dünya-
nın ağlagəlməz bitkisini, ağacını, gül-çiçəyini gördüm. Sonra
Davidlə həmin bağa tez-tez gedirdik, o, dərslərində öyrəndiyini
42
mənə əyani göstərməyi çox sevirdi. Tutqun, darıxdırıcı pansion
günlərimə rəng qatan həmin məqamlar olmasaydı, ola bilsin,
xiffətdən bağrım çatlayırdı. Müddətim daraldıqca Tiflisi, Görgü
ağanın ailəsini, Dariya xalanı, Züleyxanı daha çox xatırlayırdım,
narahatlığım özünü gün-gündən daha çox bildirirdi.
42. Dil, həm də hünər və mərifət öyrənmək üçün gəldiyimiz
Parisdəki son ilimiz bizdən ötrü çox çətin keçdi. Əvvəla, iki
il qabaq Davidin madam Qrenyönön səyilə atasına yolladığı
namədən bir nəticə hasil olmadı, bu səbəbdən də əndişəmiz
daha da artdı. Sonra madam Qrenyö sağalmaz azara mübtəla
olub həyatdan köçdü. Onu beş-on nəfərlə adını indi xatırlama-
dığım bir qəbiristanlıqda dəfn elədik. Jozef Qrenyödən səs-soraq
çıxmadığından rəhmətlik evini Davidə vəsiyyət eləmişdi, üstəlik,
bu barədə kağız da hazırlatmışdı. Neçə illərdən bəri tanıdığı-
mız talesiz qadının ölümü bizi yandırsa da, Tiflisə qayıtmağı-
mız üçün, heç olmasa, ümid yarandığına sevinib toxtamışdıq;
son məqamda evi satmaq, əldə elədiyimiz pulla yola çıxmaq
mümkün idi. David Kollej dö Fransı, mənsə, müsyö Kolenin
pansionunu bitirməyimiz barədə vəkalətnaməmizi alıb bir neçə
ay şəhərdə yarıac-yarı tox dolanmalı, evin satılmasını gözləməli
olduq. David Tiflisdən gətirdiyi gümüş işləməli xəncərini, mən
Görgü ağanın bağışladığı gümüş kəmərimi satdım. Axır ki, evə
müştəri tapıldı, amma onun təklif elədiyi qiymət o qədər az
idi ki, birimizin yolpulumuza güclə bəs eləyərdi. Naəlac qa-
lıb Allaha təvəkkül razılaşmalı olduq, Parisdə qalmaqdansa, ge-
dib Konstantiyyəyə çıxmaq daha ağıllı hərəkət olardı. David
evin pulunu alanda hisslərini soyutmaq üçünmü, ümidsizliyi-
ni gizlətmək məqsədiləmi, sorağını eşitdiyimiz bir meyxanada
içkili-qadınlı ziyafət təşkil elədi. İyirmi dörd yaşında pansion
tutqunluğundan çıxıb şərabın dadına baxmaq, qadınla təmasda
olmaq duyğusunu təsvir eləmək çox çətindi. Görünür, bu şəhəri
elmdən, gəzintilərdən, sıxıntıdan başqa daha nəyləsə yadda sax-
lamaq istəyirdik. Davidi bilmirəm, məndən ötrü Parisin siması
yolsuz Jozef yox, mehriban, işıqlı, amma faciəvi həyatıyla yadda-
şımda dərin iz qoyan madam Qrenyöydü. Onda dərk elədim ki,
elə adamlar var, sağ ola-ola bizdən ötrü ölürlər, elələri də var, öləndən
sonra belə, uzun illər qəlbimizdə yaşayırlar...
43
VII
ALTI İL VƏ BÜTÖV BİR ÖMÜR
Qadın xoşbəxt eləmək üçün yox,
xoşbəxt olmaq üçündü...
Sonralar bir Anadolu karvansarasında
dərvişdən eşitdiyim kəlam
43. Onillik Tiflis həsrətinə son qoymağa ümid və imkan (bir
tərəfi portuqal dənizçilərindən olan pansion yoldaşım Xose Karval-
yo, demək olar, pulsuz getməyin yolunu öyrətmişdi: Marseldə, yaxud
Veneziada o tərəfə gedən ticarət gəmilərinə yükçü düzələ bilərdim)
ola-ola Parisdə niyə qaldım? Sonralar Parisdə də, Veneziada
da, Konstantiiyyədə də, Anadolu karvansaralarında da, Səfəvi
məmləkətində də bunu özümdən dönə-dönə soruşdum, amma
dəqiq cavab ala bilmədim. Gələcəyimlə bağlı müsyö Kalenin
öyüd-nəsihətlərini, Davidin kollec dostu Jilber Sorelin Sorbon-
na hazırlaşdığı barədə ağızdolusu danışmasını, Davidin məndən
bir addım irəlidə olmasının izzəti-nəfsinə toxunmasını, Parisin
o biri üzünü – şərabı və qadını dadmağımmı məni fikrimdən
döndərdi, bilmirəm. Sonralar bunun üstünə Züleyxayla bağlı
əndişələrimi də gəldim: xəbərsiz-ətərsiz itən, qayıdıb-qayıtmaya-
cağı barədə Allahın sözünü də verməyən bir kəsi on il oturub
gözləyəcəyi, əlbəttə, ağlasığan deyildi, bu səbəbdən gedib onu
başqasının ocağında görməyimin ruhumu necə viran qoyacağın-
dan da qorxmuşdum, – amansız həqiqət məni Parisdəki umud-
suz günlərimin birində yaxaladı. Hər nə oldusa, oldu, şeytan
yoldan çıxardı, bəlkə də şeytanın günahı yoxdu, Allah belə ya-
zıbmış: altı il də Parisdə qalası oldum. David qərarımdan xəbər
tutanda pərişan oldu: hər halda, neçə illər ərzində bir-birimizə
alışmışdıq, dilimizə gətirməsək belə, qardaş sayılırdıq, onu tanı-
dığım on yeddi il ərzində bir kərə də olsun, aramızda anlaşmaz-
lıq olmamışdı. Tiflisdə nəbatat bağı salmaq arzusuyla yaşayan
Dostları ilə paylaş: |