|
Xülasə Məqalədə aqrobiznes sferasında bazar infrastrukturunun xüsusiyyətləri, habelə kəndKənd təsərrüfatının iqtisadiyyatıAqrobiznes sferasında bazar infrastrukturunun inkişaf amilləriKənd təsərrüfatının iqtisadiyyatı
2020, № 3 (33) Agricultural Economics
72
Bu cəhətdən yanaşdıqda göstərmək olar ki, hələlik ölkəmizdə bazar infrastrukturunun səmərəli
fəaliyyət göstərən sistem kimi formalaşdırılması tam təmin edilməmişdir. İnfrastruktur sferasında
intensiv texnologiyaların tətbiqi miqyasları və xidmətlərin keyfiyyəti zəruri tələblər səviyyəsində
deyildir. Bazar infrastrukturu sferasında mövcud olan struktur problemlərinin həllinə ehtiyac vardır.
Eyni zamanda, bazar infrastrukturunun formalaşdırılması və fəaliyyətinin iqtisadi, təşkilati və
institusional mexanizmlərinin təkmilləşdirilməsi ilə bağlı məsələlərin həlli başa çatdırılmalıdır.
Məqalədə aqrobiznes sistemində bazar infrastrukturunun xüsusiyyətlərinin açıqlanması,
ölkəmizdə kənd təsərrüfatının inkişafı ilə bağlı bazar infrastrukturuna qoyulan tələblər və bu sahədə
reallaşdırılan tədbirlərin dəyərləndirilməsi məqsədi qarşıya qoyulmuşdur.
Aqrobiznes sferasında bazar infrastrukturunun xüsusiyyətləri
Bazar infrastrukturu məhsul və xidmətlərin istehsalçılardan istehlakçılara çatdırılmasına xidmət
edən, alğı-satqı əməliyyatlarını, onun fəaliyyətini təmin edən sahələrin, xidmətlərin, təşkilatların,
müəssisələrin məcmusu kimi çıxış edir. Bazar infrastrukturlarına birjalar, onların vasitəçiləri,
hərraclar, yarmarkalar, məsləhət-informasiya qurumları, ticarət palataları, lizinq firmaları, kredit
təşkilatları, kommersiya bankları, audit şirkətləri və s. daxildir.
Müasir dövrdə inkişafetmiş bazar infrastrukturunun mövcudluğu aqrar istehsalın
genişləndirilməsi, habelə kənd təsərrüfatı istehsalının və ərzaq bazarının dövlət tənzimlənməsi
tədbirlərinin səmərəli təşkili baxımından mühüm əhəmiyyətə malikdir. Aqrar sahədə bazar
infrastrukturu həm kənd təsərrüfatı istehsalının inkişafının maddi bazasının formalaşdırılması
məsələlərinin həllinə bilavasitə təsir edən amil, həm də istehsal olunmuş kənd təsərrüfatı
məhsullarının istehlakçılara əlverişli qaydada çatdırılmasının təminatçısı kimi çıxış edir. Bununla
əlaqədar bazar infrastrukturunun formalaşdırılması və ardıcıl surətdə təkmilləşdirilməsi bütövlükdə
aqrar sahənin inkişaf etdirilməsinin mühüm məsələləri sırasında dayanır
[
5, 9, 10
]
.
Kənd təsərrüfatının istehsal vasitələri ilə təminatında yaranmış problemin həlli məqsədilə
dövlət kənd təsərrüfatı texnikasının, mineral gübrələrin, ziyanvericilərə qarşı mübarizə vasitələrinin
alınması üçün büdcədən vəsait ayırmaqla yanaşı, həm də onların aqrar istehsalçılara çatdırılmasına
xidmət edən infrastrukturun formalaşdırılması ilə bağlı tədbirlər həyata keçirmişdir. Eyni zamanda,
dövlət tərəfindən kənd təsərrüfatı məhsullarının reallaşdırılmasına xidmət edən infrastruktur
obyektləri şəbəkəsinin genişləndirilməsi və modernləşdirilməsi tədbirlərinin güzəştli şərtlərlə
maliyyələşdirilməsinə böyük həcmli vəsaitlər ayrılmışdır. Aqrar sektorda bazar infrastrukturunun
inkişafı sahəsində həyata keçirilən tədbirlər kənd təsərrüfatının texniki təminatının
yaxşılaşdırılmasına, habelə aqrar sahədə istehsal edilən kənd təsərrüfatı məhsullarının itkilərinin
azaldılması və keyfiyyəti saxlanılmaqla istehlakçılara çatdırılmasına şərait yaradır.
Ölkəmizdə əsaslı islahatların uğurla həyata keçirilməsi bu istiqamətdə irəliləyişlərə yol
açmışdır. Dövlətin güclü maliyyə və təşkilati köməyi ilə müəyyən istiqamətlər üzrə infrastrukturun
dirçəldilməsi təmin edilərək bu sahədə yeni obyektlərin şəbəkələri təşəkkül tapmağa başlamışdır.
Kənd təsərrüfatı və ərzaq məhsulları istehsalçılarının ixrac bazarlarına çıxış imkanlarının
genişləndirilməsi üçün geniş əhatəli tədbirlərin görülməsi də Azərbaycan Respublikasında kənd
təsərrüfatı məhsullarının istehsalına və emalına dair Strateji Yol Xəritəsi çərçivəsində müəyyən
edilmiş prioritet istiqamətlərdən biridir. İlk növbədə ixrac imkanlarının genişləndirilməsi baxımından
zəruri şərtlərdən biri məhz bazar infrastrukturunun inkişafı ilə bağlıdır ki, bu baxımdan ölkədə kənd
|
|
|