45
mövzuya və onun bədii həllinə ədəbi tənqiddə birmənalı ya-
naşmayanların da varlığını etiraf etməliyik. Bəzi müəlliflər
ədəbi prosesdə bir sıra estetizm və poetizm təmayüllərini
həddindən artıq ideallaşdıraraq vətəndaşlıq lirikasına yuxa-
rıdan aşağı baxmağı özlərinə rəva görürlər. Daha doğru-
su, Vətən və v ə tən pərvərlik mövzusundakı şeirləri ikinci
dərəcəli ədəbiyyat nümunələri kimi dəyərləndirməyə və
təcrübəsiz oxucuları da buna inandırmağa can atırlar. Belə
bir nəzəri-estetik yanaşma ilə qətiyyən razılaşmaq olmaz.
Müasir dövrdə, radio və televiziyanın müxtəlif bəhanələrlə
bu müqəddəs vəzifəni yerinə yetirməkdən boyun qaçırdığı
bir vaxtda ədəbiyyatımız, xüsusən, poeziya Vətənimizin ta-
rixini və taleyini tərənnüm etməkdən yorulmursa, bu nəyə
görə kimlərinsə xoşuna gəlməməlidir?!
Biz isə bu fikirdəyik ki, indi orta nəslə mənsub olan Sa-
bir Rüstəmxanlı, Zəlimxan Yaqub, Çingiz Əlioğlu, Ramiz
Rövşən, Eldar Baxış, Rafiq Yusifoğlu, Əlirza Xələfli, Əhməd
Qəşəmoğlu, Vaqif Bəhmənli, Adil Cəmil, Rəşad Məcid, Əbülfət
Mədətoğlu, Akif Azalp kimi bir çox müasir şairlərimizin, o
cümlədən Xanəli Kərimlinin Vətən və Azərbaycan haqqında-
kı şeirləri geniş tədqiq, təbliğ və tədris olunmalıdır. “Payız
duyğuları” kitabındakı Vətənimiz şərəfinə yazılmış, milli qü-
rur və iftixar duyğularını oyadan, gözəl milli nəğmələr təsiri
bağışlayan onlarla şeirlər bu qənaəti daha da möhkənləndirir.
“Kaspi” qəzeti,
30 aprel - 2 may, 2016.
46
Fərqanə Kazımova,
filologiya üzrə fəlsəfə doktoru, dosent
AĞRILI VƏ İNAMLI ŞAİR
Haqqında söz açdığımız şair poeziya nəhənglərindən ol-
masa da, “bir allah qulu olub, zirvə olmağa can atan “Ağrı”lı,
lakin “Bütövlük” üçün həyəcan “Təbil”i çalan “İnam”lı şair
Xanəli Kərimlidir.
Xanəli Kərimli təpədən-dırnağacan milli, vətəninə, ulusu-
na bağlı bir vətəndaş şairdir. Təmkinli şairin poetikasında
diqqəti çəkən xüsusiyyətlər kifayət qədər çoxdur. Lakin şairin
yaradıcılığı, əsasən, Tanrıya tapınma, türkçülük, milli birlik,
mübarizlik ideyaları üzərində köklənmişdir.
O söz demək xatirinə söz söyləmir. Sözü “Tanrının özü” he-
sab edən şair sözə son dərəcə ehtiyatla yanaşır, onu Tanrının
bəxş etdiyi nur hesab edir:
Mən sözdən qorxuram – Tanrıdan qorxan kimi,
Çünki söz Tanrının, Tanrı sözün özüdür.
O, bir nurdur süzülüb ərş-əladan gəlir,
Ərşlə fərşin zatı, astarıdır, üzüdür.
Şair iç dünyasından gələn haqq səsini yazıya köçürür və
özünün dediyi kimi yazılmaması qeyri-mümkün olan möv-
zulardan yazır. Onun fikrincə, “şairin şeirindən də onun iç dün-
yasını dərk etmək çətin deyil”. Bu baxımdan şairin yaradıcılıq
məhsulları onun şəxsiyyəti ilə vəhdət təşkil edir. Belə ki, bu
insana laqeydlik, biganəlik yaddır. Məhz buna görə də sir-
li-sehirli nağıla bənzər dünyamızın ağrı-acılarından, milli
bəlalarımızdan yazan Xanəli Kərimli həmişə uca Haqqına
tapınıb “bir allah qulu kimi gələn vəhyləri yazmaqla” yanaşı,
bütün varlığı ilə yaşadığı həyatda baş verən haqsızlıqların,
ədalətsizliklərin qarşısını almağa çalışan, bu işdə aciz qal-
dıqda Tanrıya səslənən şairdir:
47
“Nə qədər sürəcək bu kor qaranlıq?...”
Özün bir nəzər sal bizə bir anlıq
Sən axı, nəzərsən, nəzər ol, Allah!
Sən özün çarəsən, çarə qıl, Allah!
Onun “duaları” da Tanrıya tapınmağın bariz nümunəsidir:
Daşı tərəziyə düz qoyan Allah,
Sən dağıt yolumdan dumanı, çəni.
Hər bəndə qəlbində iz qoyan Allah,
Düşmən qabağında xar etmə məni.
Şairin qüvvət aldığı ulu Tanrıdan sonra səcdə etdiyi ikinci
qüvvə müstəqil dövlətimiz və onun rəmzi olan bayrağımızdır:
Mənim başımın üstdə
İki səcdəgahım var
Biri uca Allahım!
Biri – yenməz bayrağım!
Bayrağı “yad ellərdə danışan saf dilimiz, vüqarımız – ləyaqə-
timiz” hesab edən şair millətimizin yüksəlişinə, sivil millətlər
içərisində öndə olmasına sevinir, qürur duyur.
“Hər bir şairin yaradıcılığının məğzi ilk növbədə mühitlə müba-
rizədir” – deyənlər yanılmırlar. Xanəli müəllim yaşadığı
mühitlə mübarizə aparan şairdir. Mühitin eybəcərliklərini,
bu millətin xislətinə yad ünsürləri durmadan qamçılayaraq
vəziyyətdən çıxış yolu arayan şair yenə Tanrıya tapınır:
Tökülür abır-həya, tapdanır qeyrət-namus,
İnsanda insanlıq yox, istəyirsən köpük qus
Hər yerindən duranlar hökmü-fərmandır, əfsus...
Bu nə bəladır belə, tutdu bizi, İlahi.
Şairin “Bir xırda padşaha”, “Kötüklər”, “Allah özü qurtar-
sın”, “Ləkə gətirmə”, “Qalırmı”, “Qayıtmalıyam” və onlarca
digər şeirində mühitlə mübarizə motivləri güclüdür.
48
Ağrıları çox olan, el yükü daşıyan şairidir Xanəli Kərimli!
Tariximizin qan yaddaşına yazılmış 20 Yanvar acısını, şəhid
ağrı-acısını yaşayan insandır. Bu sızıntılar, bu acılar içərisində
çırpınan şair əsl vətəndaşlıq mövqeyindən şəhid dili ilə xalqı
laqeyidlikdə, biganəlikdə ittiham edərək milli birliyə çağırış-
la səslənir:
...Bir millətdə ki, “sənin” ola, “mənim” ola,
...Bir millət ki,dost-düşmənin seçəmməyə,
Öz dərdini dərdi bilib çəkəmməyə,
Bir millət ki, yaxşı-pisi böləmməyə,
Vətən üçün, yurdu üçün öləmməyə,
Bir bədəndə bir can olub döyünməyə -
O millətin yolunda da ölmək günah,
O millətin içində də qalmaq günah,
O millətin dərdini də bölmək günah.
Xanəli müəllim poetik düşüncələri ilə nakam şairimiz
Almas İldırımın içində boğulan səsinin davamçısıdır. Əgər
Almas İldırım “Əsir Azərbaycan”ın dərdlərini hayqırırdısa,
Xanəli Kərimli sinəsində Qarabağ, 20 Yanvar yarası olan “Ya-
ralı Azərbaycan”ın sızıltılarını dünyaya car etməyə can atır:
Azərbaycan –dərd içində solan anam,
Yarı canı yad əllərdə qalan sonam!..
Azərbaycan - mənim canım, mənim balam!
Danışdıqca qövr eləyir içindəki yaraları,
Bir atəş tək səpələnir dörd bir yana paraları:
Azərbaycan - hər yerində şəhidistan...
Xanəli Kərimli lirikası xalqın hikmət xəzinəsindən, yurdun
əsararəngiz təbiətindən qidalanıb boy atır. Xalq ədəbiyyatı
ru hun da pərvəriş tapır. Doğma yurdun bulaqlarını, dağları-
nı, dərələrini, hər bir fəsildə dəyişən bənzərsiz, özünəməxsus
gö zəlliklərini ilhamla tərənnüm edir. Şairin şeirləri dil və for-
maca xalq ruhuna yaxın, axıcı və səlisdir. Onun şeirləri icti-
Dostları ilə paylaş: |