“Western Caspian” University № 3, 2017 Scientific Bulletin
19
iqtisadi fəaliyyət sahəsində biznes qura bilsin. Bu baxımdan Azərbaycan
Respublikası Prezidenti 19 oktyabr 2015-ci il tarixli 650 nömrəli Fərmanında
bir çox əngəlləri hüquqi olaraq aradan qaldırmış oldu. Dövlət təhlükəsizliyi ilə
bağlı hallar istisna olmaqla lisenziyaların "ASAN xidmət" mərkəzləri vasitəsilə
verilməsinə başlanıldı [http://www.president.az/articles/16419]. Lisenziya və
icazələrlə məşğul olan qurumların fəaliyyətlərində ciddi dəyişikliklər oldu. Bu
Fərmanla, lisenziyalaşdırma sistemi sadələşərək və təkmilləşdirilərək lisenziya-
ların müddət məhdudiyyəti aradan qaldırılıb və lisenziyaların rüsumları ortala-
ma olaraq 2 dəfə aşağı salınıb. Belə ki, lisenziyaların sayı kəskin azaldılmış,
lisenziyalaşdırma ilə bağlı prosedurları, lisenziyanın alınması üçün tələb olunan
sənədləri, lisenziyanın qüvvədə olma müddətini, lisenziyanı verən dövlət
orqanlarını, dövlət rüsumunun məbləğini, lisenziyanın dayandırılması və ləğv
edilməsini
özündə birləşdirən vahid qaydalar müəyyən edilmişdir
[http://www.e-qanun.az/frame work/32626]. Ölkə qanunvericiliyində lisenziya,
icazə, xüsusi icazə və başqa bu kimi terminlərin müəyyənlikləri nisbətən
dəqiqləşmiş oldu, onların fərqləri göstərildi. Sahibkarlıq fəaliyyəti üçün verilən
icazə xarakterli sənədlər əsasən xüsusi razılıq, icazə, xüsusi icazə, razılıq, rəy,
qeydiyyat, sertifikat, şəhadətnamə, bəyənilmə, çıxarış, sərəncam və s. aiddir
[http://unec.edu. az/application/uploads/2015/05/sEHLA.pdf]. Dəyişikliklərdən
sonra mövcud olan hüquqi baza imkan verir ki, azad rəqabətin inkişafı, istehsal
olunan məhsulun, göstərilən xidmətlərin keyfiyyətinin yüksəlməsi prosesini
daha da sürətlənsin.
Hazırda lisenziyaları və icazələri müvafiq sahələrdə tənzimləmə funksi-
yasını həyata keçirən vahid dövlət qurumu müəyyənləşib. İqtisadiyyat və Səna-
ye Nazirliyi tərəfindən və ASAN Xidmət mərkəzləri tərəfindən lisenziyaların
verilməsinə başlanılıb.
Hipotez: Fərz edək ki, bu sahədə liberallaşma makroiqtisadi göstəricilərə,
biznes mühitinə "mənfi" təsir göstərib və yaxud əksinə "müsbət" təsir göstərib.
Azərbaycan Respublikası Prezidentinin "Sahibkarlıq fəaliyyətinin xüsusi
razılıq (lisenziya) tələb olunan növlərinin sayının azaldılması, xüsusi razılıq
(lisenziya) verilməsi prosedurlarının sadələşdirilməsi və şəffaflığının təmin
edilməsi haqqında" 19 oktyabr 2015-ci il tarixli 650 nömrəli Fərmanına əsasən,
2015-ci ilin 2 noyabr tarixindən İqtisadiyyat Nazirliyi tərəfindən dövlət
təhlükəsizliyi ilə bağlı hallar istisna olmaqla lisenziyaların "ASAN xidmət"
mərkəzləri vasitəsilə verilməsinə başlanılmışdır. Həmçinin Azərbaycan
Respublikası Prezidentinin "Lisenziyalaşdırma sahəsində bəzi tədbirlər
haqqında" 21 dekabr 2015-ci il tarixli 713 nömrəli Fərmanına əsasən lisenziya
tələb olunan fəaliyyət növlərinin sayı 59-dan 37-yə endirilmiş, indiyə kimi
verilmiş qüvvədə olan müddətli lisenziyalar müddətsiz elan olunmuş, yeni
verilən lisenziyalar isə müddətsiz müəyyən edilmiş, lisenziyanın verilməsinə
görə ödənilən dövlət rüsumunun məbləğləri təxminən 2 dəfə, regionlar üzrə 4
dəfə (regional televiziya və radio yayımı istisna olmaqla) azaldılmış, lisenziya