sərəncamları ilə təsdiq edilmiş siyahı üzrə latın
qrafikası ilə nəşr olunmuş kitablar ölkənin bütün
kitabxanalarına hədiyyə edilmişdir. Bu qərarların
qəbul olunması və tətbiq olunması kitabxana işində
bir çox nailiyyətlərin əldə edilməsinə səbəb
olmuşdur. Belə ki, kitabxanalar müasir texniki
avadanlıqlarla təmin olunmuş, kitabxanaların
avtomatlaşdırılması
prosesi
gücləndrilmiş,
kitabxanalarda yeni texnologiyaların tətbiqi və
istifadəsinə start verilmişdir. Ölkəmizdə kitabxana-
informasiya sahəsində yeni texnologiyaların tətbiqi
və
istifadəsi
nəticəsində
müasir kitabxana-
informasiya
infrastrukturunun
yaradılmasına,
istifadəçilərə
göstərilən
kitabxana-informasiya
xidmətinin
dünya
standartları
səviyyəsinə
çatdırılmasına, əhalinin intellektual potensialının və
bilik səviyyəsinin inkişafına, habelə fasiləsiz
təhsilin təmin edilməsinə şərait yaradılmışdır. F.
Köçərli adına Respublika Uşaq Kitabxanası
informasiya təminatı istiqamətində fəaliyyətinin
səmərəsinin
artırılması,
inkişafı
və
təkmilləşdirilməsi
məqsədilə
günün tələbləri
səviyyəsində mütərəqqi iş üsullarından istifadə edir.
Milli dəyərlərimizin qorunması və təbliği işində
kitabxana bir sıra tədbirlər həyata keçirir. Hər bazar
günü kitabxanada keçirilən Nağıl və Psixologiya
Saatı kitabxanaya oxucuların cəlb olunması işində
mühüm rol oynayır. “Milli mənəvi dəyərlərimizi
qoruyaq ─ Nağıllarımızı yaşadaq” aksiyası
çərçivəsində keçirilmiş Azərbaycan nağıllarının
aplikasiya şəklində təqdimatı müsabiqəsində ən
yaxşı aplikasiyalar Nağıl otağının divarlarında öz
əksini tapmaqla kitabxanaya gələn hər bir oxucuda
maraq doğurur. 2014-cü ildə kitabxanada keçirilən
“Dünyanın mədəniyyət rəngləri” adlı tədbirdə
uşaqlar 12 dövlətin təbii materiallarla hazırladıqları
kuklalar da Nağıl otağını bəzəyir. Bura gələn hər bir
oxucu özünü nağıllar aləmində hiss edir.
Kitabxananın mütəxəssisləri Elektron kataloqun
formalaşmasında dünya kitabxanalarının təcrübəsini
öyrənir və sənədlərin Elektron kataloqa daxil
edilməsi qaydalarını müəyyən edərək ümumi
metodikasını işləyib hazırlayırlar. Respublika Uşaq
Kitabxanası məktəbdənkənar tərbiyə müəssisəsi
kimi uşaqlara, yeniyetmələrə (məktəbəqədər və I-XI
sinif şagirdləri) və uşaq mütaliəsinə rəhbərlik
edənlərə kitabxana xidməti göstərir. Kitabxana
uşaqların tərbiyəsi və yeni təhsil sisteminə uyğun
şəkildə ədəbiyyatın kompleks təbliğini həyata
keçirir, uşaq və yeniyetmələrin vətənpərvərlik,
əmək, mənəvi, estetik tərbiyəsi məqsədilə
respublika kitabxanalarının fondundan maksimum
dərəcədə
istifadəni
təşkil
edir.Kitabxana
məktəblərdə peşəyönümlü təhsil və tərbiyənin
həyata keçirilməsinə, uşaqlarda yaradıcı fəallığın,
əmək vərdişlərinin, dərketmə qabiliyyətinin, təhsilə
və ictimai vəzifələrə sayıq münasibətin inkişafına
kömək edir.Kitabxana Abonement, Oxu zalı, digər
struktur yarımbölmələri, habelə Kitabxanalararası
Abonement yolu ilə uşaq və yeniyetmələrdə oxu
mədəniyyətini həyata keçirir. Bildiyimiz kimi
kitabxanalarda informasiya daşıyıcıları və digər
ənənəvi sənədlər qorunub saxlanılır. Kitabxana,
həm də oxucunun mütəmadi olaraq mütəxəssis
köməyindən istifadə etdiyi bir yerdir. Harada ki, bir
sıra ən yaxşı müasir nəşrlərlə yanaşı keçmiş
nəsillərin də sevimli kitabları saxlanılır. Burada
informasiya axtarışında köməyə müasir texnika
gələ bilər. Ancaq ən əsası-kitabxana insanın həmişə
qayıtmaq istədiyi bir yerdir. Yeni texnologiyaları
tətbiq etdikdə biz uzun illər ərzində əldə
etdiklərimizi məhv etməməyə çalışırıq, əksinə
ənənəvi materialları daha da əlverişli, zəngin
etməyə və mövcud olan materialların inkişafını
göstərməyə çalışırıq. Kitabxana tərəfindən edilən
hər bir yenilik hər şeydən əvvəl oxucuya yönəldilir.
Ümumiyyətlə, müasir kitabxana işini yeni
informasiya və kommunikasiya texnologiyaları
olmadan təsəvvür etmək bir qədər çətindir.
İnformasiya və kommunikasiya texnologiyalarının
insan fəaliyyətinin bir sıra sahələrində olduğu kimi
kitabxana işində də tətbiqi ənənəvi kitabxana
proseslərinin sürətlənməsinə və avtomatlaşmasına
gətirib çıxarır. Qeyd edim ki, F.Köçərli adına
Respublika Uşaq Kitabxanası avtomatlaşdırma
sahəsində
böyük
nəticələr
əldə
etmişdur.
Kitabxanada 2005-ci ildən fəaliyyət göstərən
avtomatlaşdırma şöbəsi İRBİS-64 AKİS-in
“İnzibatçı”,
“Komplektləşdirici”,
“Kataloqlaşdırma”, “Oxucu qeydiyyatı”, “Kitab
verilişi”,
“Tammətnli”
modulları
əsasında
müvəffəqiyyətlə öz işini qurmuşdur. İRBİS-64
sistemi fərqli verilənlər bazasını yaratmağa,
informasiya massivində tammətnli axtarışın
təşkilinə və ən əsası mövcud materiallarla internet,
lokal şəbəkə və s. vasitəsi ilə girişin təmin
olunmasına tam zəmanət verir. Həmçinin İRBİS-64
AKİS
vasitəsilə
əsas
texnoloji
proseslər-
kataloqlaşdırma, ədəbiyyatın lokal şəbəkədə və
internetdə axtarışı və sifarişi, kompüter vasitəsilə
Dostları ilə paylaş: |